കല്ല്യാണസൗഗന്ധികം

ആന ഇടയൽ..

2012-01-10T14:10:00.004+05:30

ഇന്നത്തെ പതിവു മോണിങ്ങ് വാക്കിനിടയിൽ സ്ഥിരമായി രണ്ടു മിനിട്ടു വിശ്രമിക്കുന്ന മെയിൻ കവലയിലെ വെയിറ്റിങ്ങ് ഷെഡിൽ വിശ്രമിക്കുന്നതിനിടയിൽ; റോഡിനു മറുവശത്ത് ഗ്രൌണ്ടിനു സമീപത്തായി ആനകളെ സ്ഥിരം നങ്കൂരമിടീക്കാറുള്ളിടത്തേക്കു മിഴികൾ പാഞ്ഞു. ടിയാന്റെ വീശുന്ന പാളച്ചെവികളൊക്കെ ആസ്വദിച്ചു കൊണ്ടിരിക്കെ മനസ്സിൽ പലവിധ ചിന്തകൾ ഓടിത്തുടങ്ങി.

സംഭവം കുറേ ആനകളൂടേ ഫോട്ടൊയൊക്കെ എടുത്തിട്ടുണ്ടെങ്കിലും സൈഡിൽ നിന്നും ഒരാനേടേം മുഖത്തിന്റെ മാത്രം ക്ലോസപ്പെടുക്കുവാൻ ഞാനിന്നു വരെ തുനിഞ്ഞിട്ടില്ലല്ലോ എന്നൊർത്തു ഒരു വേള മനസ്സിനെ വിഷാദമാക്കി. മനസ്സപ്പോൾ ഒരു കാമെറാ മൂഡിലേക്കു പോയിത്തുടങ്ങിയിരുന്നു. അവന്റെ സൈഡ് മുഖത്തെ കമ്പോസ് ചെയ്തു കൊണ്ട് സ്വന്തം മിഴികളെ ടെലി മോഡിലാക്കി ഫോക്കസ് ചെയ്തു കൊണ്ടിരുന്നപ്പോഴാണു; കുറച്ചു കൂടി ഉയരത്തിൽ ഞാൻ നിന്നെങ്കിൽ മാത്രമേ സമാന്തരമായ ഒരു പോയ്ട്രെറ്റ് എനിക്കു കിട്ടുവെന്ന ചിന്ത മനസ്സിലേക്കോടിയെത്തിയത്. (കാരണം മറുവശത്തായി ഒരു അഞ്ചാറടി പൊക്കത്തിലാണു ആനയെ കെട്ടിയിട്ടിരുന്നത്) ഇതെങ്ങിനെയെടുത്തു? എന്നു പ്രേക്ഷകരിൽ ചിന്തിപ്പിക്കും വിധം മനോഹരമായൊരു ഫ്രെയിമും.. ഇങ്ങിനെയൊക്കെ ചിന്തിച്ചു കൊണ്ടിരിക്കുന്നതിനിടയിലാണു ആനക്കും എനിക്കും ഇടക്ക് ഡിസ്ട്രാക്ഷനായി നിലകൊണ്ടിരുന്ന ഇ.ബി യുടെ ട്രാൻസ്ഫോർമ്മെർ കണ്ണിൽപ്പെട്ടത്. ശെടാ..! ഈ ഡിസ്ട്രാക്ഷൻ എന്തുകൊണ്ട് നേരത്തെ എന്റെ ശ്രദ്ധയിൽ പെട്ടില്ല എന്നത്ഭുതം കൂറി, ചിന്തകളും കണ്ണുകളൂം ട്രാൻസ്ഫോർമേറിലേക്കു പറിച്ചു നട്ടു. ആനക്കും എനിക്കുമിടക്കുള്ള ഈ കുരിശിനേപ്പറ്റി ചിന്തിച്ചു കൊണ്ടിരിക്കുന്നതിനിടയിൽ ചിന്തകൾ പിന്നെയും കാടു കയറി. ഈ ആനക്കെങ്ങാനും ഇപ്പോൾ മദം പൊട്ടിയാൽ.. ഹോ; ഞാനാണു ആനയുടെ കണ്ണിൽ ആദ്യത്തെ ഇര. അതു കഴിഞ്ഞേ ഗ്രൌണ്ടിൽ ഫുട്ബാൾ കളിക്കുന്നവരെല്ലാം വരൂ.. ആനയുടെ ഇടക്കിടക്കുള്ള ചെരിഞ്ഞുള്ള നോട്ടമയക്കൽ കണ്ടപ്പോൾ മനസ്സിൽ ആദ്യം തോന്നീതിതാണ്. ആനയെ കെട്ടിയിട്ടിരിക്കുന്നതിനു തൊട്ടു മുകളിൽ ഗോപുരം ഹോട്ടെലുകാരുടെ വീടാണ്. ഹോ..അവരുടെയൊക്കെ ഒരു ധൈര്യം.. എങ്ങിനെ മനസ്സുറപ്പിച്ചു രാത്രിയിൽ കിടന്നുറങ്ങും.. ഈ ഗഡിയെങ്ങാനും ഒന്നിടഞ്ഞാൽ; പിന്നെ ബാക്കി വെച്ചേക്കുമോ?? ഏതായാലും കുരിശായ ട്രാൻസ്ഫോർമെർ ഇടക്ക് നിൽക്കുന്നതേതായാലും നന്നായി.. അവനെ കടന്നു വേണ്ടേ എന്നെ ടർജെറ്റ് ചെയ്താനക്കു വരാൻ..! എന്നൊക്കെയിങ്ങനെ ചിന്തകൾ കാടു കയറുന്നതിനിടയിലാണ്.. ടൌണിലെ ഫെയ്മസ്സ് പാപ്പാനായ നാസർ ആനയുടെ അടുത്തേക്കടുക്കുവാൻ മതിലിന്റെ കുത്തുകല്ലുകൾ കയറുന്നതു കണ്ടത്. ഇപ്പോൾ എന്റെ കണ്ണുഫ്രെയിമിനുള്ളിൽ ആനയും നാസറും മാത്രം. അവർ തമ്മിൽ 50 അടിയോളം ദൂരവ്യത്യാസമുണ്ട്. നാസറിനെ കണ്ടമാത്രയിൽ ആനക്കുട്ടൻ സന്തോഷാധിക്യത്താൽ തലയാട്ടുകയും പാള പോലിരിക്കും ചെവികൾ വിശറികൾ പോലെ ആഞ്ഞു വീശുകയും ചെയ്തു കൊണ്ടിരുന്നു. തദവസരത്തിൽ തന്നെ ഞാനിരിക്കുന്ന ഭാഗത്തു നിന്നും മറ്റൊരു പാപ്പാനായ കാവി മുണ്ടുടുത്തൊരു ഗടി(വിജയൻ എന്നാണദ്ദേഹത്തിന്റെ പേരെന്നു ഇപ്പോൾ മനോരമ ന്യൂസിൽ പറയുന്നുണ്ട്; പിന്നീട് നാസറിനോടു സംസാരിച്ചപ്പോൾ ഈ ചങ്ങാതിക്കാണു പരിക്കെന്നു അദ്ദേഹവും സൂചിപ്പിച്ചിരുന്നു) നാസറിനു നേരെ ചായ കുടിക്കാം എന്നാഗ്യം കാണിക്കുകയും.. എന്നാൽ ഞാനുമുണ്ടെന്നു പറഞ്ഞ് മാട്ടയുടെ മുകളിലായിരുന്ന നാസർ താഴെയിറങ്ങുകയും ചെയ്തു. ഇനിയെന്തിരപ്പീ..നമുക്കിവിടെ കാര്യം എന്നും വിചാരിച്ച് ഞാനും വെയിറ്റിങ്ങ് ഷെഡിൽ നിന്നെഴുന്നേറ്റ് തിരികേ വെച്ചടിച്ചു.

ഒരു മണിക്കൂർ കഴിഞ്ഞ് ഫോണിലേക്ക് ഒരു കാൾ..ഒരു ചങ്ങാതി വക
‘ഹരിഷേ.. നമ്മുടെ ഗ്രൌണ്ടിൽ കെട്ടിയിട്ടിരുന്ന ആന ഇടഞ്ഞു; ഇപ്പോഴത് അമ്പലത്തിനു പുറകിലുള്ള ഉണ്ണിസാറിന്റെ പറമ്പിൽ കയറിയിട്ടുണ്ട്..വേഗം കാമെറയുമെടുത്തോണ്ട് വാ’
ഹൂ..
അപ്പോൾ രാവിലെ അതിയാൻ നല്ല ഫോമിൽ തന്നെയായിരുന്നുവല്ലേ..!
എന്റെ ഭാഗ്യം..!!

മോളേ സ്കൂളിൽ വിട്ടിട്ട്; പോയിന്റ് ഷൂട്ട് കാമെറായും തൂക്കി ഞാനും സംഭവ സ്ഥലത്തെക്കു പാഞ്ഞു. ചെറിയ കാമെറാ എടുത്തത് മന:പൂർവ്വമായിരുന്നു. രക്ഷപെടുവാൻ ഓടേണ്ടി വന്നാൽ ഈ സാമാനം പോക്കറ്റിലിട്ട് ഓടിയാൽ മതീലോ!! സംഭവസ്ഥലത്തേക്കെത്തണമെങ്കിൽ ഒരു പാടവരമ്പത്തു കൂടി അര കിമീ നടക്കണം. പേടിച്ചു വിറച്ച് നടക്കുന്നതിനിടയിലാണു നാട്ടിലെ റിട്ടയേറ്ഡ് വെറ്റിനെറി ഡോക്ടറായ ഗോപാലകൃഷ്ണൻ സാർ എതിരേ നടന്നു വരുന്നതു കണ്ടത്. സാറെന്തോ മരുന്നെടുക്കുവാൻ തിരിച്ചു വരുന്ന വഴിയായിരുന്നു. ചൂടു സമയമായതിനാൽ ആവശ്യത്തിനു വെള്ളം ലഭിക്കാത്തതു കൊണ്ടാകാം ആനക്കുട്ടൻ ഇടഞ്ഞതെന്ന് സാർ പ്രതിവചിച്ചു.

സംഭവസ്ഥലത്ത് പോലീസ് വനം ഫയർ നാട്ടുകാരുമടക്കം വൻ ജനാവലി തമ്പടിച്ചിരുന്നു. ആനക്കുട്ടനെ തളച്ചിട്ടിരിക്കുന്നു. തളക്കുന്നതിനു മുൻപേ ടിയാൻ ഒരു റബ്ബെർ മരത്തെ കടപുഴക്കിയിരുന്നു. നാസറിനോടു കുശലം പറയുന്നതിനിടേ ചോദിച്ചു..
‘എടാ..നിങ്ങളു രാവിലേ ചായ കുടിക്കാൻ പോയപ്പോ ആ ചങ്ങാതീനെ കൂടെ കൂട്ടാത്ത കാരണമാണു അവൻ നിങ്ങക്കിട്ടു തിരിച്ചു പണി തന്നതെന്നാ തോന്നുന്നത്..!!!’
ചിരിച്ചു കൊണ്ട് നാസറും.. ‘അതേന്നാ തോന്നുന്നത്’

മുല്ലപ്പെരിയാറും മറ്റു കുറച്ച് നുറുങ്ങുകളും..

2011-12-04T10:45:00.014+05:30

# മോളുടെ സ്കൂളില്‍ അവരുടെ ക്ലാസില്‍ (യു.കെ.ജി) നിന്നും ആനുവല്‍ ഡേ സെലിബ്രേഷന്റെ ഭാഗമായ സമൂഹഗാനപഠനപരിശീലനത്തിനായി പാട്ടു ടീച്ചെര്‍ കുറച്ചു കുട്ടികളെ ഹാളിലോട്ട് വിളിച്ചു കൊണ്ട് പോകുകയായിരുന്നു. കുട്ടികളുടെ കൂട്ടത്തില്‍ ടിന്റുമോന്‍ എന്ന അപരനാമത്തില്‍ ശ്രദ്ധേയനായൊരു ആണ്‍കുട്ടിയും(ജാസ്സിന്‍) ഉണ്ടായിരുന്നു. ഹാളിലെത്തുന്നതിനു മദ്ധ്യേ സ്കൂളിലെത്തുവാന്‍ താമച്ചിച്ച മറ്റൊരു ടീച്ചെറിനെ കണ്ടപ്പോള്‍ നമ്മുടെ പാട്ടു ടീച്ചെര്‍ അവരോട് കുശലാന്വോഷണങ്ങള്‍ നടത്തി കുറച്ചു നേരം സംസാരിച്ചു കൊണ്ട് നിന്നു. ഇത് കണ്ട് അക്ഷമനായ നമ്മുടെ ടിന്റുമോനു രോഷം വന്ന്; ടീച്ചെറിനോട് ഇങ്ങിനെ പ്രതികരിച്ചു..
“ആഹാ.. ഞങ്ങളെ പാട്ടു പഠിപ്പിക്കാനെന്നും പറഞ്ഞിവിടെ കൊണ്ട് വന്നിട്ട് നിങ്ങളു രണ്ടും കൂടി നിന്ന് ശൃംഗരിക്കുവാണോ”
ചെറിയവായില്‍ നിന്നുതിര്‍ന്ന വലിയ വര്‍ത്താനത്തില്‍ നീരസപ്പെട്ട് ടീച്ചെര്‍...
“ആരാടാ ശൃംഗരിച്ചേ; ആരോടാടാ ശൃംഗരിച്ചേ..??”
ടിച്ചേറിന്റെ ഭാവം മാറുന്നുവെന്നു കണ്ട ടിന്റുമോന്‍ മൌനം പാലിച്ച് തലകുനിച്ച് നിലത്തോട്ട് നോക്കി നിന്ന നിമിഷം; കൂട്ടുകാരനായ അടുത്ത കുട്ടി ടീച്ചെറിനോട്..
“ലിസി മാം.. ലിസ്സി മാം; ഈ ടിന്റുമോനു മാമിനോട് ലവ്വ് ആണെന്നെന്നോട് പറഞ്ഞു..”
ഇതു കേട്ട് ചെറു പുഞ്ചിരി തൂവി ടിച്ചെര്‍..
“അതിനെന്താ പ്പോ; ലവ്വ് ന്നു പറഞ്ഞാല്‍ സ്നേഹം, കേട്ടിട്ടില്ലേ ഗോഡ് ഈസ് ലവ്. ദൈവം സ്നേഹമാകുന്നു. അവനെന്നോടു സ്നേഹമുള്ളലതു പോലെ തിരിച്ച് എനിക്കവനോടും സ്നേഹമുണ്ട്.. ഇല്ലേടാ”
ഇതു കേട്ടപടി ടിന്റുമോന്‍..
“അയ്യോ മാം..; എനിക്കും മാമിനോട് ഇഷ്ടം മാത്രമേ ഉള്ളൂ.. പക്ഷേ മറ്റേ ലവ്വില്ലാട്ടോ..”
ങ്ഹേ...ഹ്..!!!

# സാധാരണ ഞാനാണു മോളെ സ്കൂളില്‍ കൊണ്ടുപോയി വിടുന്നതും..തിരികെ കൊണ്ടു വരുന്നതും മറ്റും.
പതിവിനു വിപിരീതമായി കഴിഞ്ഞ ദിവസം ഭാര്യയാണു സ്കൂളില്‍ നിന്നും മോളെ വിളിച്ചു കൊണ്ടുവരുവാന്‍ പോയിരുന്നത്..
സ്കൂളിലെ ടിച്ചെര്‍മാരുമായി ഉറ്റബന്ധം നിലനിര്‍ത്തിയിരുന്ന ഭാര്യ അവിടെയെത്തിയപ്പോള്‍..
പതിവിന്‍ പടി എല്ലാരും വട്ടം കൂടി ലെക്ച്ചറു തുടങ്ങി..
സംഭാഷണവിഷയങ്ങള്‍ കാടു കയറിക്കയറി മുല്ലപ്പെരിയാറിലോട്ടുമെത്തി..
അതിനിടക്ക് ഒരു ടിച്ചെര്‍..
“ഹോ.. വെള്ളമൊലിച്ചു വരുമ്പോള്‍ എന്താകുമോ മനുഷ്യരുടെയൊക്കെ അവസ്ഥ.. (ഒരു ദീര്‍ഘനിശ്വാസം എടുത്ത്) ഒഴുകിയൊലിച്ചു വരുമ്പോള്‍, അടുത്ത വീട്ടിലെ പിണക്കമുള്ള ചേട്ടനൊക്കെയാകും മരത്തേല്‍ക്കയറി രക്ഷപ്പെടാനൊക്കെ കൈ നീട്ടുന്നതും..മറ്റും”
ഇതു കേട്ടപടി സ്വന്തം ഭാര്യ ഇങ്ങിനെ മൊഴിഞ്ഞു..
“അതേ ടിച്ചേറേ; ഇന്നലെ ചേട്ടനും(ഞാന്‍) ഇതു തന്നെയാ പറഞ്ഞേ.. നമ്മളൊക്കെ മരിച്ചു കഴിയുമ്പോള്‍ അടക്കാന്‍ നേരത്ത് ഒരു വലിയ കുഴി കുഴിച്ചാകും മണ്ണിട്ട് മൂടുക. അപ്പോ നിന്റെ മേത്ത് കിടക്കുന്നത് ചിലപ്പോള്‍ അപ്പുറത്തെ വീട്ടിലെ ചേട്ടനാകും..!! വിഷമിക്കേണ്ടാട്ടോ..)
ഹി..ഹി..ഹി..ഹി..ഹി..
പരിഭ്രാന്തിയിലാര്‍ന്ന ആ നിമിഷത്തിലും അവിടെയൊരു കൂട്ടച്ചിരി പടര്‍ന്നു..

# സ്കൂള്‍ വിട്ടു വന്ന ആവണിക്കുട്ടി(മോള്‍) ഭാര്യയോട്..
“അമ്മേയമ്മേ കപകടം ഉണ്ടായോമ്മേ..??”
കണ്ണും മിഴിച്ച് ഭാര്യ..
“കപകടോ..!!”
“അതേന്നേ, ഇന്നലെ ടീവീല്‍ ഉമ്മന്‍ ചാണ്ടി പറഞ്ഞില്ലേമ്മേ മുല്ലപ്പെരിയാറു പൊട്ടിയാല്‍ വലിയൊരു ‘കപകടം‘ ഉണ്ടാവാന്‍ ചാന്‍സുണ്ടെന്ന്..“
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

# രാവിലേ പത്രത്തിലുള്ള മുല്ലപ്പെരിയാര്‍ ന്യൂസുകള്‍ അമ്മ ഉറക്കെ വായിക്കുന്നു..
അത് കേട്ടു ശ്രദ്ധിച്ചു നിന്ന ആവണി അമ്മയോട്..
“അച്ചമ്മേ; ഇപ്പ പറഞ്ഞ ആ സാധനം അച്ഛനോടു പറഞ്ഞ് വാങ്ങിക്കൊണ്ടു വരാന്‍ പറഞ്ഞാല്‍, നമുക്ക് കറി വെക്കുകയും ബാക്കി കൊണ്ട് ഡാമിന്റെ ഓട്ടയടക്കുകയും ചെയ്യാലോ..”
അന്തം വിട്ട്, പത്രത്തില്‍ നിന്നും മുഖം മാറ്റി അമ്മ ഇവളെന്തായീ പറയുന്നേ എന്ന ആശ്ചര്യഭാവത്തില്‍ നോക്കിയിട്ട് “എന്താടീ..” എന്നാരാഞ്ഞു..
തന്റെ വിദ്യ സ്വീകാരമായി എന്നോര്‍ത്ത് മകള്‍ വാചാലയായി..
“കൂര്‍ക്കയില്ലേമ്മേ..കൂര്‍ക്ക; അതച്ഛനോട് വാങ്ങിക്കോണ്ടു വരാന്‍ പറയ്, കറീം വെക്കാം ഡാമിന്റെ ഓട്ടേം അടക്കാം..”
അമ്മയുടെ പത്രപാരായണത്തിനിടയില്‍ സുര്‍ക്കിയുടെ കാര്യം കേട്ടപ്പോള്‍ പാവം ആവണിക്കുട്ടിക്കു മനസ്സിലായത് കൂര്‍ക്കയെന്നാ..
!!!!!!!!!!!!!!!!!!!!!!!!!!!!!!!!!!!!!!!!!

# ബേബി ഡാമില്‍ക്കൂടി വെള്ളമൊഴുകുവാന്‍ തുടങ്ങിയെന്ന വാര്‍ത്ത ടി വിയില്‍ കണ്ട അമ്മവീട്ടുകാര്‍ പരിഭ്രാന്തരായി (തൃശ്ശൂരില്‍ നിന്നും) അമ്മയുടെ ഫോണിലോട്ടു വീളിച്ച് ആകാംക്ഷയോടെ കാര്യങ്ങള്‍ തിരക്കുന്നതിനിടെ..
സംഭവഗൌരവം ശരിക്കറിയാത്ത അമ്മവീട്ടുകാരുടെ വാക്കുകള്‍ ശ്രവിച്ച്..
കേട്ടപാതി കേല്‍ക്കാത്ത പാതി..
അമ്മ ഓടിക്കിതച്ചു വന്ന് ഭാര്യയോട്..
“മഞ്ജൂ..ഞ്ജൂ.. വേഗമിത്തിരി ചോറും കറികളുമെടുത്തു വെക്ക്; മുല്ലപ്പെരിയാറു പൊട്ടാന്‍ പോകുവാന്നാ പറയണേ.. ഒഴുക്കില്‍ പെടുന്നതിനു മുന്‍പേ ഇത്തിരി ചോറുണ്ണട്ടെ..”
ഭാര്യ അന്തം വിട്ട് അമ്മയോടു ചോദിച്ചു..
“അതിനിപ്പം ചോറുണ്ണുന്നതെന്തിനാ..??“
“ചത്തു മലച്ച് വെള്ളത്തീക്കോടെ ഒഴുകി നടക്കുമ്പോള്‍ വിശപ്പു സഹിക്കാനാവാതെ ആത്മാവ് പരവേശം പിടിച്ച് നടന്നാലോ.. ബലിയിട്ടൂട്ടാന്‍ ഒരു മനുഷന്‍ പോലും കാണില്ല..!!അതാ”
!!!!!!!!!!!!!!!!!!!!!!!!!!!!!!!!!!!!!!!!!!!
ആസമയത്ത്; ബെഡ് ഷീറ്റുകള്‍ വീടുവീടാന്തരം വിറ്റു നടക്കുന്നൊരു പയ്യന്‍ വീട്ടിലെത്തി, കോളിങ്ങ് ബെല്ലടിച്ച്..
“ചേച്ചീ..ച്ചീ.. ബെഡ് ഷീറ്റ് വേണോ??”
“ങേഹ്..!! ബെഡ് ഷീറ്റോ?? എന്റെ കൊച്ചേ ഈ ലോകത്തൊന്നുമല്ലേ നീ, ജലബോംബ് പൊട്ടാറായി നില്‍ക്കുന്നു.. അപ്പോഴാണൊ ബെഡ് ഷീറ്റ്; ചത്തു മലച്ചു കിടക്കുമ്പോള്‍ പുതപ്പിച്ചു കിടത്താനാണോ..??!!”
!!!!!!!!!!!!!!!!!!!!!!!!!!!!!!!!!!!!!!!!!!!!
കുറെ നേരം ആ പയ്യന്‍ അമ്മയുടെ നേരെ നിശബ്ദമായി നോക്കി നിന്നു..
എന്നിട്ട് ചിരിച്ചു കൊണ്ട് നടന്നു മറഞ്ഞു..
ആ കൊച്ചന്‍ പോയ വഴി പുല്ലു മുളച്ചിട്ടില്ല ഇതു വരെ..
ഹി..ഹി..ഹി..ഹി..

നിർമ്മിക്കുക..ഏതു വിധേനയും, പുതിയ ഡാം !

2011-11-30T12:24:00.011+05:30

റിക്ടെർ സ്കെയിലിൽ അഞ്ചിനോ അതിനു മുകളിലോ ഉള്ള ഭൂചലനം നിമിത്തം ഡാമിനു ബലക്ഷയം സംഭവിക്കുകയും അതു മൂലം ഡാം തകരുകയും 136 അടി പൊക്കത്തിൽ അതീവ മർദ്ദത്തിൽ തള്ളി നിൽക്കുന്ന ജലം താഴോട്ട് കുതിച്ചെത്തുകയും ത്വരിതഗതിയിൽ ഭൂമിയിലുടനീളം വീതിയിൽ ചാലുകൾ കീറി പ്രയാണമാരംഭിക്കുകയും ചെയ്യും. പൊതുവേ നല്ല നീരൊഴുക്കുള്ള ഭൂപ്രദേശങ്ങളാണു ഇടുക്കി ജില്ലയിൽ സ്ഥിതിചെയ്യുന്ന പ്രദേശങ്ങളധികവും. വൃഷ്ടിപ്രദേശത്തു പെയ്യാവുന്ന ചെറിയ മഴ പോലും പ്രതീക്ഷിക്കുന്നതിലധികം നീരൊഴുക്കു കൂട്ടുന്നതായി കഴിഞ്ഞ ദിവസങ്ങളിൽ നാം കണ്ടതാണല്ലോ. കനത്ത മഴയിൽ വൃഷ്ടിപ്രദേശത്തെ ജലനിരപ്പ് പരിധിയിലുമധികം ഉയർന്നാൽ സുർക്കിയിലും ചുണ്ണാമ്പിലും നിർമിച്ച ഈ ഡാമിനു താങ്ങാവുന്നതിലധികം മർദ്ദമായിരിക്കും അതിന്റെ അടിത്തട്ടിൽ അനുഭവപ്പെടുക. ജലസേചനോദ്ദേശ്യം മാത്രം ലക്ഷ്യം വെച്ചു കൊണ്ട് 115 വർഷങ്ങൾക്കു മുൻപ് ബ്രിട്ടീഷുകാർ നിർമിച്ച ഈ കൂറ്റൻ ഡാം ഒറ്റ ബ്ലോക്കിൽ കെട്ടിയുയർത്തിയിട്ടുള്ളതാണ്. ഇടുക്കി ജില്ലയിലെ വിവിധ ഡാമുകൾ സ്ഥിതി ചെയ്യുന്ന വൃഷ്ടിപ്രദേശങ്ങളില്ലാം തന്നെ ചെറിയ ചെറിയ ഭൂചലനങ്ങൾ മിക്കവാറും നടക്കുന്നുണ്ട്. മുല്ലപ്പെരിയാർ ഡാമിന്റെ അടിത്തട്ടോ മറ്റോ ശസ്ത്രീയ നിരീക്ഷണങ്ങൾക്കോ മറ്റോ ഇതുവരെ വിധേയമായിട്ടില്ല എന്നിരിക്കെ ഡാം സ്ഥിതി ചെയ്യുന്ന പാറക്കെട്ടുകൾക്കിടയിലും പ്രാന്തപ്രദേശങ്ങളിലും മറ്റും ഭൂമിക്കടിയിലേക്കുള്ള പാറകൾക്കിടയിൽ സംഭവിച്ചിട്ടുള്ളതാകാവുന്ന വിള്ളലുകളുടെയും സുഷിരങ്ങളുടെയും അളവുകളൂടെയോ എണ്ണത്തിന്റെയോ കാര്യം ഊഹാതീതമാണ്. ഏതായാലും ഡാം പൊട്ടുമോ ഇല്ലയോ എന്നുള്ള കാര്യത്തിൽ 50:50 സാധ്യതയാണുള്ളത്. പൊട്ടിയാലോ കേരളം രണ്ടായി വിഭജിക്കപ്പെടും എന്ന കാര്യത്തിൽ 100%ഉം.

ഏതായാലും മുല്ലപ്പെരിയാർ പ്രശ്നത്തിൽ ജനകീയവും രാഷ്ട്രീയവുമായുള്ള മുന്നേറ്റങ്ങൾ ഇപ്പോൾ നടന്നുകൊണ്ടിരിക്കുകയാണ്. എത്ര സമരങ്ങളൊ ഉപവാസസമരങ്ങളൊ മുദ്രാവാക്യം വിളികളൊ ഒന്നും തന്നെ കേന്ദ്രത്തിന്റെയോ പരമോന്നത നീതിപീഠത്തിന്റെയോ കണ്ണും കാതും തുറപ്പിക്കുകയില്ല എന്നതിൽ തന്നെ ഞാൻ ഉറച്ചു നിൽക്കുന്നു. തികച്ചും അവഗണിക്കപ്പെടുന്നവന്റെ വേദനയിൽ നിന്നും ഉടലെടുക്കപ്പെടുന്ന രോഷാഗ്നിയിലാണു മിക്ക ആളുകളും സോഷ്യൽ നെറ്റ് വർക്കുകളിലും മറ്റും തമിഴ്നാടു മുഖ്യമന്ത്രി ജയലളിതക്കെതിരേ ആഞ്ഞടിക്കുകയും അവരുടെ ഫോട്ടോ പബ്ലീഷ് ചെയ്തു അവരുടെ മുഖത്ത് കാർക്കിച്ചു തുപ്പുന്നു എന്നും അവരുടെ നെഞ്ചത്തു ചവിട്ടുന്നു എന്നൊക്കെ പറഞ്ഞ് ആക്രോശത്തോടെ കമന്റുകളും മറ്റും ഇടുന്നത്. പൊതു നിരത്തിൽ പോലും അവരുടെ കോലം കത്തിച്ചും കോലത്തിൽ പടക്കം പൊട്ടിച്ചു ചിന്നിച്ചിതറിച്ചും വരെ ആളുകൾ അവരുടെ വികാരവിദ്വേഷങ്ങൾ പ്രകടിപ്പിക്കുന്നുമുണ്ട്. എനിക്കു തോന്നുന്നത് ഇത്തരം സമരമാർഗ്ഗങ്ങൾ നമ്മൾ അവലംബിക്കേണ്ടതുണ്ടൊ? എന്നു തന്നെയാണ്. അവ മൂലം നമ്മളോടുള്ള സമീപനത്തിൽ തമിഴന്റെ മന്നസ്സിൽ പൊട്ടിപ്പുറപ്പെടുക തീവ്രവാദ നയങ്ങളായിരിക്കും. അതിന്റെ പ്രതിഫലനമെന്ന കണക്കു തന്നെയാണു അതിർത്തിക്കപ്പുറത്തു നിന്ന് തുടങ്ങിയിരിക്കുന്ന പടപ്പുറപ്പാട് എന്നു ഭയക്കേണ്ടിയിരിക്കുന്നു. കഴിഞ്ഞ ദിവസത്തെ ഹർത്താലുകളിൽ തമിഴ് അയ്യപ്പന്മാരുടെ വണ്ടി തടഞ്ഞിടുകയും അവരുടെ നേരെ ആക്രോശിക്കുകയും ചെയ്യുന്ന നമ്മുടെ ജനതയുടെ വികാരങ്ങൾ മനസ്സിലാക്കുന്നുണ്ട് എങ്കിൽക്കൂടിയും അതിർത്തിക്കപ്പുറത്ത് ഇപ്പുറെ നടക്കുന്ന ഓരൊന്നും ശ്രദ്ധാപൂർവ്വം വീക്ഷിച്ചു ഭയചകിതരായി നിമിഷങ്ങളെണ്ണി ജീവിതം പോറ്റുന്ന കുറെ മലയാളികൾ ഉണ്ടെന്നു കൂടി നമ്മളോർക്കണം. പലപ്പോഴും നമ്മുടെയത്ര സമയം ക്ഷമിക്കാനുള്ള ദയവോ അറിവോ ഒന്നും തന്നെ തമിഴ് ജനത്തിൽ ഭൂരിഭാഗത്തിനും ഉണ്ടാകാറില്ല എന്ന യാഥാർത്ഥ്യവും അത്യന്താപേക്ഷിതമായി നമ്മൾ മനസ്സിരുത്തേണ്ടതാകുന്നു. തമിഴ് ജനതയെ പ്രകോപിപ്പിക്കുകയല്ല നമ്മളൂടെ ലക്ഷ്യത്തിൽ പ്രധാനം.

ഡാമിന്റെ ജലനിരപ്പ് കുറച്ച് ഒരു സമവായത്തിലെത്താം എന്ന ചിന്തകളെ നമ്മൾ പരിപോഷിപ്പിക്കേണ്ടതില്ല എന്നാണ് എന്റെ അഭിപ്രായം. 136 അടി ജലനിരപ്പിനെ 120 അടിയിലേക്കു കൊണ്ടു വരുന്നത് ഒരിക്കലും തമിഴ്നാട് അംഗീകരിക്കുമെന്ന് ഞാൻ വിശ്വസിക്കുന്നില്ല. കാരണം, അവർ ജലം കൊണ്ടു പോകുന്ന ടണലുകൾക്കു താഴെ ജലനിരപ്പ് താഴ്ത്തുന്ന ഒത്തുതീർപ്പിനു അവർ സമ്മതിക്കില്ല എന്നത് പകൽ പോലെ വ്യക്തമാണ്. അതു മാത്രമല്ല നമുക്കും അതു കൊണ്ട് എന്തു പ്രയോജനം!! ഭൂകമ്പം നിമിത്തം ഡാം പൊട്ടുവാനുള്ള സാഹചര്യം സംജാതമാകുന്ന നിമിഷം അറബിക്കടലിന്റെ മേൽത്തട്ടിലോട്ടൊഴുകിച്ചെല്ലുന്ന ജലസ്രോതസ്സിന്റെ അളവിൽ കുറച്ച് ടി എം സി കുറവുണ്ടാകുമെന്നതല്ലാതെ നാം ഭയപ്പെടുന്ന ഭീകരതക്ക് എന്തെങ്കിലും ശമനമുണ്ടാകുമോ?? അപ്പോൾ പുതിയൊരു ഡാം തന്നെയാണു നമുക്ക് ആവശ്യം എന്നു വരുന്നു. വർഷങ്ങൾക്കു മുൻപ് ഇരു കൂട്ടരും കൂടി നിലവിലുള്ള ഡാമിനു മൂവായിരത്തോളം അടി താഴെ കേരളത്തിന്റെ സ്ഥലത്ത് പുതിയൊരു ഡാമിനുള്ള സ്ഥാനം കണ്ടിട്ടുള്ളതാണ്. പല തിരുട്ടു ന്യായവാദങ്ങൾ ഉന്നയിച്ച് തമിഴ്നാടിതിൽ നിന്നും പുറം വലിയുകയായിരുന്നുവന്ന്. നമ്മളവിടെ പുതിയൊരു ഡാം നിർമിക്കുവാനുള്ള ആർജ്ജവം കാണിക്കണമെന്നാണു എന്റെ ശക്തമായ അഭിപ്രായം. നമ്മളത് തുടങ്ങി വെക്കുമ്പോൾ സൈലെന്റ് മോഡിൽ പ്രവർത്തിക്കുന്ന പ്രധാനമന്ത്രിയും, കേന്ദ്ര ജല പരിസ്ഥിതി മന്ത്രാലയവും പ്രേമികളും, സുപ്രീം കോടതിയും മറ്റും തമിഴ്നാടിന്റെ സമ്മർദ്ദം താങ്ങാനാവാതെ മുടന്തൻ ന്യായവാദങ്ങൾ തമിഴ്നാടിനു വേണ്ടി ഉന്നയിച്ച് നമുക്കെതിരേ തിരിയും എന്നത് പച്ചപ്പരമാർത്ഥമാണ്. പഴയ ഡാമിനു താഴെ പണിയുന്ന പുതിയ ഡാമിന്റെ നിർമ്മാണപ്രവർത്തനങ്ങൾ പഴയതിനു ഭീക്ഷണിയാകും എന്നും നിനച്ച് നമുക്കിതു പണിയാതെ ഇരിക്കുവാനാകില്ല. കാരണം എന്തു സംഭവിച്ചാലും സംജാതമാകാനുള്ള ഭീകരാവസ്ഥ സമം തന്നെ. ഡാം നിർമ്മാണ വിദഗ്ദ്ധരുടെ കൈവശം ഇതിനുള്ള മറുമരുന്ന് ഉണ്ടാകും എന്നു തന്നെയാണെന്റെ നിഗമനം. പുതിയ ഡാം പണിയുമ്പോൾ 250 അടിയോ അതിനു മുകളിലോ ഉള്ള ഒരു ആർച്ച് ഡാം പണിയണം. സമീപത്തു തന്നെ വെള്ളമൊഴുക്കിക്കളയാനുള്ള ഷട്ടറുകളോടു കൂടിയ മറ്റൊരു ഡാം സമാന്തരമായി നിർമിക്കുക. നിർമ്മാണപ്രവർത്തനങ്ങൾ ഭംഗിയായി വിജയകരമായാൽ പിന്നെ വരുന്നതു പോലെ വരട്ടെ. മുല്ലപ്പെരിയാർ പൊട്ടിയൊഴുകി വരുന്ന ജലം ഇവിടെ കുറച്ചെങ്കിലും സംഭരിക്കുമെന്നോ അതല്ലാ പൊട്ടിയൊലിച്ചു വരുന്നവയെ മൊത്തമായി താങ്ങി നിർത്തുവാൻ പുതിയ ആർച്ച് ഡാമിനു കഴിയുമെന്നൊ ഒക്കെ നമുക്ക് പ്രത്യാശിക്കാം.

നമ്മളൊരു പുതിയ ഡാം നിർമിക്കുമ്പോൾ നമ്മുടെ നാട്ടിലെ മുഴുവൻ ജനങ്ങളും രാഷ്ട്രീയ പാർട്ടികളും ഒറ്റക്കെട്ടായി നിൽക്കട്ടെ, എന്നു കൂടി നമ്മൾ പ്രത്യാശിക്കേണ്ടതുണ്ട്. കാരണം അത്രക്ക് ഒറ്റപ്പെടുത്തലുകളും ഭീകരാവസ്ഥകളും ഭീഷണികളെയുമൊക്കെ നമുക്ക് നേരിടുകയും തരണം ചെയ്യുകയും ചെയ്യേണ്ടതുണ്ട്. ചിലപ്പോൾ നമ്മൾ 14 ജില്ലകൾ കൂടി പുതിയൊരു രാജ്യം പോലും പിറവിയെടുക്കുവാൻ കാരണമായേക്കാം. നമ്മളുടെ ചുറ്റളവുകളിലെ മുഴുവൻ അതിർത്തികളിലും നമ്മുടെ പുതിയ രാജ്യത്തിന്റെ സേനയെ വിന്യസിക്കേണ്ടി വന്നേക്കാം. ഒറ്റപ്പെടുത്തലുകളൂടെ ഭാഗമായി നമ്മൾ പൂജ്യത്തിൽ നിന്നും തുടങ്ങേണ്ടി വന്നേക്കാം. പക്ഷേ; വള്ളക്കടവിലും, കെ. ചപ്പാത്തിലും, അയ്യപ്പൻ കോവിലിലും, വണ്ടിപ്പെരിയാറ്റിലും ഉള്ള നമ്മുടെ പിഞ്ചു കുഞ്ഞുങ്ങളുടെ ദയനീയ രോദനങ്ങൾക്കു മുൻപിൽ മുഖം തിരിച്ചു നിൽക്കുന്ന കേന്ദ്രസർക്കാർ, സുപ്രീം കോടതികൾക്കു മുൻപിൽ നിന്നും നമ്മുടെ ജനതയെ കൂട്ടത്തോടെ രക്ഷിക്കേണ്ട ദൌത്യത്തിൽ നിന്നും ഒരടി പിമ്പോട്ടു പോകുവാൻ പാടില്ല. കേരളത്തിന്റെ മാറിലൂടെ പരിലസിക്കാൻ വെമ്പി നിൽക്കുന്ന അറബിക്കടലിന്റെ പ്രയാണത്തിനു തടയിടേണ്ടിയിരിക്കുന്നു; നമ്മൾ.

കെ.ചപ്പാത്തിലേക്കുള്ള റാലിക്കു പങ്കെടുക്കുക..

2011-11-27T14:38:00.000+05:30

പ്രിയ സുഹൃത്തുക്കളെ.. തൊടുപുഴ പരിസരവാസികളെ..

മുല്ലപ്പെരിയാർ വിഷയത്തിൽ കെ.ചപ്പാത്തിൽ വർഷങ്ങളായി സമരം നടത്തുന്നവർക്ക് ഐക്യദാർഢ്യം പ്രഖ്യാപിച്ച്..
തൊടുപുഴയിൽ നിന്നും ആയിരത്തിൽ‌പ്പരം ആളുകൾ ടി.സ്ഥലത്തോട്ട് കുറച്ച് ദിവസങ്ങൾക്കകം ഒരു റാലി സംഘടിപ്പിക്കുന്നുണ്ട്..
നിങ്ങളെവരുടെയും സഹകരണം പ്രതീക്ഷിക്കുന്നു..

ഡേറ്റ് ഉടൻ തന്നെ അറിയിക്കുന്നതായിരിക്കും..
എല്ലാവരും പങ്കെടുക്കുവാൻ ആഹ്വാനം ചെയ്യുന്നു..

ഈ മഴ ഞങ്ങൾക്കു മതിയായേ......!!

2011-11-08T14:32:00.006+05:30

മഴയോട് മഴ..!
മഴയൊഴിഞ്ഞിട്ടു കാശിക്കു പോകാൻ നേരം കിട്ടുന്നില്ല എന്നു പറയുന്നതു പോലെയാണു തൊടുപുഴക്കാരുടെ ഇപ്പോഴത്തെ അവസ്ഥ..
ആരാ കേരളത്തിന്റെ ചിറാപുഞ്ചി ലക്കിടിയാണെന്നു പ്രസ്താവിച്ചിട്ടുള്ളത്..
അതൊക്കെ ഇനി നമ്മുടെ നാട് “തൊടുപുഴ” യ്ക്കു മാത്രം സ്വന്തം..
ഈ വർഷം തന്നെ വിരലിലെണ്ണാവുന്ന ദിവസങ്ങളെ സൂര്യനെ മുഴുദിനം ഞങ്ങൾ കണ്ടിട്ടുള്ളൂ..
ഇത് മാസം 11 ആയി കെട്ടോ..!
ഇപ്പോൾ തുലാവർഷമാണു ഓടുന്നതെന്നാണു വെപ്പ്..!
ഇവിടെ കാലവർഷം ഒന്ന് തീർന്നിട്ടു വേണ്ടെ.. ഒന്നു തുലാവർഷത്തിനു കെട്ടിയാടി പെയ്യാൻ..
ഒന്നെങ്കിൽ ഉച്ചക്കു തുടങ്ങും..അല്ലെങ്കിൽ അതിനും മുൻപേ..
രാത്രി മുഴുവനും ഇടീം വെട്ടി ചന്നം പിന്നം ചാറിക്കൊണ്ടിരിക്കും..
മണിക്കൂറുകളോളം പെയ്യുന്ന വൈകുന്നേരങ്ങളിൽ നഗരത്തിലേക്കിറങ്ങണമെങ്കിൽ സ്വന്തായൊരു വള്ളം കൂടി വാങ്ങി കൂടെ കൊണ്ടുവരേണ്ടി വരും..!
അതാണിപ്പോൾ തൊടുപുഴക്കാരുടെ അവസ്ഥ..
അശാസ്ത്രീയമായ ഓടകളൂടെ നിർമാണം നഗരത്തെ പലയിടങ്ങളിലും 2-5 അടി വരെ വെള്ളത്തിനടിയിലാക്കുന്നു മിക്കദിവസങ്ങളിലും..
നാട് ഭരിക്കുന്ന കോൺഗ്രെസ്സ് കൌൺസിലർമാർക്ക് നഗരത്തിലെ പ്ലാസ്റ്റിക് മറ്റു മാലിന്യങ്ങൾ മാത്രം നിമ്മാർജ്ജനം ചെയ്യുന്നതിലാണു ശ്രദ്ധ..!
മുൻസിപ്പൽ പാർക്കിൽ കൊതുകുകളെ വളർത്താനുള്ള മാധ്യമമായിട്ടുണ്ട് കുട്ടികൾക്കു ബോട്ട്സവാരി നടത്തുവാൻ നിർമിച്ചിരിക്കുന്ന വിശാലമായ കുളം..
1വർഷം തടവും 10,000 പിഴയുമായി മാലിന്യം നിക്ഷേപിക്കുന്നവരെ അകത്താക്കുവാൻ നഗരസഭ ഓടി നടക്കുന്നതിന്റെ ഗുട്ടൻസ് ഇപ്പോഴല്ലേ നാട്ടുകാർക്ക് പിടി കിട്ടുന്നത്..
മഴപെയ്യുമ്പോൾ വെള്ളപ്പൊക്കമുണ്ടാകുമെന്ന് മുങ്കൂട്ടി കണ്ടിട്ടുണ്ടായിരുന്നൂ.. ഈ കൌൺസിലർമാർ എന്ന് നാട്ടിലെ ജനത്തിനിപ്പോഴാണു പിടി കിട്ടിത്തുടങ്ങിയത്.. കാരണം ഈ സംഭവം അടിഞ്ഞു കൂടിയാൽ വെള്ളപ്പൊക്കം മാത്രമല്ലാ..
പകർച്ചവ്യാധികളും പെരുകുമെന്നവർ മുങ്കൂട്ടി കണ്ടിട്ടുണ്ടായിരുന്നുവത്രേ..!
ഏതായാലും തൊടുപുഴക്കാർക്കിപ്പോൾ കോളാണ്..
വൈകിട്ട് നഗരത്തിൽ വന്നാൽ മഴക്കു മുൻപേ ഗ്രാമങ്ങളിലേക്ക് തിരികെ എത്തിയില്ലെങ്കിൽ; പിറ്റേ ദിവസമേ ബന്ധുമിത്രാദികളെ കാണുവാൻ കഴിയൂ..

(വാർത്തയിലെ ചിത്രത്തിൽ കാണുന്ന ആദ്യ വീട് ഈ ബ്ലോഗെറൂടേതാണ് )

ഒരു ലിഫ്റ്റിന്റെ കഥ..

2011-11-02T15:46:00.005+05:30

ഉന്മേഷഭരിതമായൊരു പ്രഭാതം..
രാവിലെ മകളെ സ്കൂളിൽ വിട്ടിട്ട് തിരിച്ച് വീട്ടിലേക്ക് ബൈക്കിൽ വരുന്ന നേരം..
മറ്റൊരു ബൈക്കിൽ പരിചയക്കാരനായ ബി എസ് എൻ ലി ലെ ഒരു ഉദ്യോഗസ്ഥൻ അദ്ദേഹത്തിന്റെ ഭാര്യയുമായി എന്റെ ബൈക്കിനെ കടന്നു പോയി..
പരിചയഭാവേനയുള്ള അദ്ദേഹത്തിന്റെ ചെറു പുഞ്ചിരിക്ക് മറു പുഞ്ചിരിയുമേകി; പല കാര്യങ്ങളിൽ ചിന്ത കൊടുത്ത് പതിയേ ഞാനും പുറകേ വെച്ചടിച്ചു..
ഇടക്കിടക്ക് അദ്ദേഹത്തിന്റെ വാമഭാഗം എന്റെ നേരെ നോട്ടമയക്കുന്നുണ്ട്..
ഇടക്ക് അദ്ദേഹത്തിന്റെ ബൈക്ക് ഒരിടത്ത് നിന്നു..
ഞാനതിനെ ഓടിച്ചു മറികടക്കവേ പെട്ടന്ന് എന്റെ മൊബൈലിൽ ഒരു ഫോൺ കോൾ..!
പതിയെ റോഡിന്റെ ഓരം ചേർത്ത് ബൈക്ക് നിർത്തി ഞാൻ ഫോൺ സംഭാഷണത്തിൽ ശ്രദ്ധിക്കവേ..
പരിചയക്കാരനായ ആ ഉദ്യോഗസ്ഥൻ അദ്ദേഹത്തിന്റെ ബൈക്കെന്റെ സമീപം നിർത്തിയിട്ട് കുശലാന്വോഷണം ആരംഭിച്ചു..
കുശലാന്വോഷണങ്ങൾക്കിടെ ഞാനും “ചേച്ചീയേം (ഭാര്യയെ) കൂട്ടി എങ്ങോട്ടാണാവോ യാത്ര” എന്നാരാഞ്ഞു..
കേട്ടപാതി കേൾക്കാത്ത പാതി അദ്ദേഹത്തിന്റെ മുഖമൊന്നു വാടി.. ഒരു ചെറു പുഞ്ചിരി അതോ ഒരു വിഷമച്ചിരിയോ ചുണ്ടിൽ വരുത്തിയെന്നു വരുത്തി അദ്ദേഹം ബൈക്കിന്റെ ക്ലെച്ച് റിലീസ് ചെയ്ത് ഒന്നും മിണ്ടാതെ ആക്സിലേറ്റർ കൊടുത്ത് വാഹനം സ്റ്റാർട്ട് ചെയ്തു മുൻപോട്ടു നീങ്ങി..
അദ്ദേഹത്തിന്റെ മുഖഭാവത്ത് വന്ന പെട്ടന്നുള്ള വ്യത്യാസം എന്നെയും ഒരു നിമിഷം “എന്തായിരിക്കും??” എന്നതിൽ സംശയാലുവും ഞിജ്ഞാസാകുതുകിയുമാക്കി..
എന്തെരോ എന്തോ എന്നു ചിന്തിച്ച് വണ്ടിയെടുത്ത് മുൻപോട്ടു നീങ്ങവേ ഞാൻ ചിന്തിച്ചു..
അദ്ദേഹം ഈ റൂട്ടിലെ ബി എസ് എൻ ലിന്റെ ലൈന്മാനാണ്..
അദ്ദേഹത്തിന്റെ ഭവനം വേറേ എവിടെയോ ഒരിടത്താണ്..
ആദ്യമായാണു അദ്ദേഹത്തിന്റെ പുറകിൽ ഒരു വനിതാരത്നത്തെ കാണുന്നത്..
അദ്ദേഹത്തിനു ഭാര്യയുണ്ടോ..? അതദ്ദേഹത്തിന്റെ ഭാര്യയാണോ..? എന്നൊന്നും എനിക്കറിയില്ല..
ഞാനാദ്യമായാണു ആ സ്ത്രീയെ കാണുന്നത് തന്നെ..!
ഇനിയവർ അദ്ദേഹത്തിന്റെ ഭാര്യ അല്ലാ എന്നുള്ളതുണ്ടോ?
അങ്ങിനെയെങ്കിൽ; എന്താകും അദ്ദേഹത്തിന്റെ പെട്ടന്നുള്ള മനം മാറ്റത്തിനു കാരണം..?

പറയൂ..
നിങ്ങൾക്കൂഹിക്കാമോ എന്തായിരിക്കുമെന്ന്?!!

പ്രവാസ റിട്ടയർമെന്റുനു ശേഷം..

2011-10-28T07:34:00.005+05:30

പ്രവാസജീവിതത്തിൽ നിന്നും റിട്ടയർമെന്റെടുക്കുന്ന ഇടത്തരം പ്രവാസികൾക്ക്..
ഭാവിജീവിതത്തിലെ വരുമാനമാർഗ്ഗങ്ങൾക്കായി..

ഇന്നുള്ള ഒട്ടുമുക്കാൽ കർഷകരും പിന്തുടർന്നു വരുന്ന സമ്മിശ്ര വിള കൃഷി രീതി തങ്ങളൂടേ ജീവിതത്തിലും പ്രായോഗികമാക്കാമെങ്കിൽ..
സ്ഥിരവും സ്ഥായിയുമായുള്ളൊരു മികച്ച വരുമാനം ജീവിതത്തിൽ വരുംകാലങ്ങളിൽ ഉറപ്പുവരുത്താം..
അതായത് ഒരിടത്തു നിന്നു മാത്രമുള്ള നിക്ഷേപവും വരുമാനം ഒഴിവാക്കി ചെറുതെങ്കിലും ബഹുവിധ പദ്ധതികളിൽ നിക്ഷേപിച്ച് വരുമാനമുണ്ടാക്കുവാൻ ശ്രമിക്കുക.. അപ്പോൾ പലതുള്ളി പെരുവെള്ളമാകും.. നിരീക്ഷണങ്ങളിൽ നിന്നും അനുഭവങ്ങളിൽ നിന്നുമുള്ള കുറച്ചു കാര്യങ്ങൾ പങ്കുവെക്കട്ടെ..

പദ്ധതികളെ എത്രയെണ്ണമായി വേണമെങ്കിലും തരം തിരിക്കാം..
പൈസയും സമയവുമുള്ളതിനെ അടിസ്ഥാനമാക്കി..

ബാങ്ക് നിക്ഷേപം:- സഹകരണബാങ്കുകളെ വെല്ലുന്ന പലിശനിരക്കുകളുമായി നിക്ഷേപകരെ ആകർഷിച്ചു കൊണ്ടിരിക്കുകയാണിപ്പോൾ ഷെഡ്യൂൾഡ് ബാങ്കുകളും സെൽഫ് ഫൈനാൻസിങ്ങ് ബാങ്കുകളും മറ്റും.. റിസർവ്വ് ബാങ്കിന്റെ കഴിഞ്ഞ ദിവസത്തെ പുതിയ നയമനുസരിച്ച് നിക്ഷേപനിരക്കുകളെ നിയന്ത്രിക്കുവാനുള്ള അവകാശം ബാങ്കുകൾക്ക് തന്നെ വിട്ടു കൊടുക്കുമ്പോൾ ചെറുകിട നിക്ഷേപകർക്ക് അതേറേ ഗുണം ചെയ്യും. സഹകരണ ബാങ്കുകളിൽ ഒരു വർഷത്തിനു മുകളിലുള്ള നിക്ഷേപങ്ങൾക്കുള്ള പലിശനിരക്ക് ഏകദേശം 10.5% ആണ്. പണപ്പെരുപ്പം നിയന്ത്രിക്കുവാനുള്ള റിസർവ്വ് ബാങ്കിന്റെ പുതിയനയങ്ങൾ എല്ലാവിധ പലിശനിരക്കുകളും ഉയർത്തുവാനേ ഉതകൂ. അതുകൊണ്ടു തന്നെ നിക്ഷേപങ്ങൾ പണ്ടത്തേക്കാൾ ആകർഷകമായിത്തുടങ്ങിയിട്ടുമുണ്ട്. അപ്പോൾ നിങ്ങളൂടേ വരുമാനത്തിന്റെ ഒരു ഭാഗം വിവിധ ബാങ്കുകളിലായി സ്ഥിരം നിക്ഷേപിക്കുക. 10 ലക്ഷം രൂപയോളം നിക്ഷേപിക്കുന്ന ഒരാൾക്ക് ഏകദേശം 8500 രൂപാക്കു മുകളിൽ മാസം പലിശ ലഭിക്കും.

വാടകവീട്:- വീടിനു സമീപത്ത് ഒരു അഞ്ചുസെന്റ് കൂടിയുണ്ടോ? ഉണ്ടെങ്കിൽ 650-750sq.ft. നിരക്കിലുള്ള നാലോ അഞ്ചോ വീടുകൾ നിർമിക്കൂ. ഒറ്റ അടിത്തറയിൽ വേണം അവ പണിയുവാൻ. അതായത് ഒരു വീടിന്റെ ഭിത്തിയുടേ മറുവശം അടുത്ത വീടിന്റെ ചുവരാകട്ടെ. അപ്പോൾ പണിച്ചിലവ് കുറയും. 2 ബെഡ് 1 ഹാൾ 1 കിച്ചെൺ 1 ബാത്ത്രൂം/കക്കൂസ് 1 സിട്ടൌട്ട് എന്നിവയുള്ള ചെറിയ വീടിനു (ഇവിടെയൊക്കെ) കുറഞ്ഞത് 2500രൂപയോളം വാടക ലഭിക്കും. വാട്ടെർ/ഇലെക്ട്രിക്സിറ്റി ബില്ലും വാടകക്കാരൻ അടച്ചു കൊള്ളും. അധികമായി ആഡംബരമൊന്നും വേണമെന്നില്ല ഈ വാടകവീടുകൾക്ക്. 5 വീടുകൾ വരുന്ന ഒന്നിനു ഏകദേശം 10-15 ലക്ഷമുണ്ടെങ്കിൽ പണിതീർക്കാവുന്നതേയുള്ളൂ. വാടകയിനത്തിൽ എങ്ങും തൊടാതെ 10000 മാസമുണ്ടാക്കാം. ഒന്നുകൂടി; പകിടിയായി വാങ്ങുന്ന തുക ബാങ്കിലിട്ടാൽ അതു വഴി കിട്ടുന്ന പലിശ ചെറുതെങ്കിലും ചെറിയ മെയിന്റനൻസ് പണികൾക്കൊക്കെ അതൊരു സഹായകമാകുകയും ചെയ്യും.

മരങ്ങൾ വെച്ചു പിടിപ്പിക്കാം:- ഷെയർ മാർക്കെറ്റിൽ നിക്ഷേപിക്കുന്നതിനോടെനിക്ക് വിരോധമൊന്നുമില്ല; എങ്കിലും.. അവിടെ നിക്ഷേപിക്കുന്നതിന്റെ ആയിരത്തിലൊന്നുണ്ടെങ്കിൽ അതു പോലെ തന്നെ ലോങ്ങ് ടേം പ്രോഫിറ്റ് ഉണ്ടാക്കി തരുന്ന ഒന്നാണു മരങ്ങൾ നട്ടു വളർത്തുക എന്നത് ! മാവ്, പ്ലാവ്, തേക്ക്, ആഞ്ഞിലി, മഹാഗണി തുടങ്ങിയ മരങ്ങൾ ഓരോന്നായി പറമ്പിന്റെ അതിരുകളിൽ നട്ടു വളർത്തൂ. ചോലകളധികം ഇല്ലാത്തയിടത്തായിരിക്കണമെന്നു മാത്രം. നിങ്ങളെക്കാളുപരി നിങ്ങളൂടേ കുഞ്ഞുങ്ങൾക്കു വേണ്ടി ദീർഘവീക്ഷണത്തോടെ സമ്പാദിക്കുന്ന ഒന്നാകും അത്..! ഭാവിയിലുണ്ടാകാവുന്ന മരങ്ങളൂടേ അപര്യാപ്തത ഇന്നത്തെ സ്വർണ്ണത്തിന്റെ വിലയോടു ഉപമിപ്പിക്കാവുന്ന അവസ്ഥയിലെത്തിച്ചേരും. ഇന്നും അതിനു കുറവൊന്നുമില്ല. 2003ൽ ആവറേജ് 50 ഇഞ്ച് വണ്ണമുള്ളൊരു മാവിനു കുബിക്കടിക്ക് 100രൂപയുണ്ടായിരുന്ന സാഹചര്യത്തിലിപ്പോൾ ഇന്നത് 400രൂപ മുടക്കിയാലേ കിട്ടുകയുള്ളൂ..! മൂന്നിരട്ടി. ഇത് ആർക്കും വേണ്ടാതിരുന്ന മാവിന്റെ മാത്രം കാര്യം. ആഞ്ഞിലി, തേക്ക്, മഹാഗണി മുതലായവയുടെ വില ഊഹാതീതമാണ്..! ഒന്നുകൂടി മാവും പ്ലാവും വളർന്നു വരുമ്പോൾ അവയുടെ ഫലങ്ങൾ തരുന്ന ലാഭം കൂടി കണക്കിലെടുത്തോളൂ...!

കൃഷി:- നിങ്ങളൂടേ ഒരു വിഹിതം ഉറപ്പായുമിതിൽ നിക്ഷേപിക്കേണ്ടതാണ്. ഭാവിതലമുറയിലേക്കൊരു മുതൽക്കുട്ടുമാകുമത്. ഒരേക്കർ റബ്ബെർ കൃഷി ചെയ്യൂ. റബ്ബെർ ബോറ്ഡ് അനുശാസിക്കും പ്രകാരം ഹെക്ടറിനു 500 മരമാണു വെച്ചു പിടിപ്പിക്കാവുന്നത്. അതായത് ഏക്കറിനു 200 എണ്ണം. RRI105 അല്ലെങ്കിൽ നവീകരിച്ച പുതിയൊരെണ്ണം ഇറക്കിയിട്ടുണ്ട് (216ആണെന്നാണു തോന്നുന്നത്; മറന്നു) അവ വെച്ചു പിടിപ്പിക്കാം. നന്നായി പരിപാലിക്കപ്പെടുന്ന മരങ്ങൾ എഴാം വർഷം വെട്ടിത്തുടങ്ങാം. റബ്ബെറിന്റെ മുഖ്യ സവിശേഷതയെന്തെന്നാൽ ഇനിഷ്യൽ കോസ്റ്റ് കഴിഞ്ഞാൽ പിന്നീട് കാര്യമായി ശ്രദ്ധ കൊടുക്കേണ്ട എന്നതാണ്. പ്രധാനമായും റബ്ബെർബോർഡിന്റെ നിർദ്ദേശങ്ങളെ പിന്തുടർന്ന് ടാപ്പിങ്ങ് നടത്തിയാൽ ഏകദേശം 30-35 വർഷത്തോളം ആദായം തരുമത്. ആവറേജ് ഒരു വർഷം 80 വെട്ടു ദിനങ്ങളെങ്കിലും നിലനിർത്താൻ ശ്രമിക്കുക. ഒരേക്കറിലെ 200 റബ്ബെറിൽ സമയമാകുമ്പോഴേക്കും 175 മരങ്ങളെങ്കിലും നന്നായി പരിചരിച്ച് ടാപ്പിങ്ങിനായി ഉറപ്പു വരുത്തുക. ആവറേജ് 600 ഗ്രാം ഉണക്കറബ്ബെർ കിട്ടുന്ന 10 ഷീറ്റ് കിട്ടും. അതായത് ടാപ്പിങ്ങ് ദിനങ്ങളിൽ 6 കിലോ ഉണക്കറബ്ബെറെങ്കിലും കിട്ടുവാനായി പരിശ്രമിക്കുക. ഒട്ടുപാലിന്റെ കണക്കു കൂടി കൂട്ടിയാൽ ദിവസേനയുള്ള ചിലവു കഴിഞ്ഞ് 1000 രൂപയോളം ഓരോ ദിവസവും ഉണ്ടാക്കാം. (ഇന്നത്തെ വില പ്രകാരം). ഇതിൽ ഏറ്റക്കുറച്ചിലുകൾ ഉണ്ടാകാം. സമയത്തിനനുസരിച്ചും വിവിധ സ്ഥലങ്ങൾക്കനുസരിച്ചും. എങ്കിലും ആവറേജ് 6 കിലോ ഉണക്കറബ്ബെർ 80 ദിവസം എന്നത് ക്ലിപ്തപ്പെടുത്തുക. മറ്റൊന്നു കൂടി കാലം ചെയ്ത റബ്ബെർ മുറിച്ചു മാറ്റുമ്പോൾ പോലും ഇന്നത്തെ കണക്കനുസരിച്ച് ഒരു റബ്ബെറിനു ഏകദേശം മൂവായിരമോ അതിൽ കൂടുതലോ നിങ്ങൾക്കു ലഭിക്കുകയും ചെയ്യും. നോക്കൂ റബ്ബെറിന്റെ ഒരു സമയം..! റബ്ബെർക്കൃഷി ചെയ്യുവാൻ എല്ലായിടത്തും സാധിച്ചെന്നു വരില്ല. അവിടെ നമുക്ക് തെങ്ങിനെ ആശ്രയിക്കാം. ഒരേക്കർ സ്ഥലത്ത് 100 തെങ്ങുകൾ നടാം. നന്നായി പരിപാലിക്കുന്ന തെങ്ങുകൾ അഞ്ചാം വർഷം മുതൽ കായ്ച്ചു തുടങ്ങും. നന്നായി പരിപാലിക്കപ്പെടുന്ന തെങ്ങുകൾക്ക് ആവെറെജ് 100 തേങ്ങ വെച്ചു (ഒരു തെങ്ങിനു) ലഭിക്കും. വർഷം 10000 തേങ്ങാ..! ഊഹിച്ചോളൂ എത്രയാകും ലാഭമെന്നത്.. ഇതൊക്കെ നടപടിയുള്ള കാര്യമാണൊ എന്നു വിചാരിച്ച് പുച്ഛിച്ചു ചിരിച്ചു തള്ളാൻ വരട്ടെ; അർപ്പണ മനോഭാവവും കഠിനാദ്ധ്വാനവുമുള്ളൊരേതൊരാൾക്കും നേടിയെടുക്കുവാൻ കഴിയുന്നൊരു മിനിമം കാര്യമാണിതെല്ലാം..! ഇനിയുമുണ്ട് ഒട്ടേറേ.. അര ഏക്കെർ പാടം വാങ്ങാം. അതിൽ നെൽക്കൃഷി ചെയ്യാം. രണ്ട് പൂവ് കൃഷിചെയ്യാം. ഇല്ലെങ്കിൽ നെല്ലും മീനും കൃഷിയിറക്കാം. വലുതായൊന്നുമില്ലെങ്കിലും 100 ദിവസമെങ്കിലും നിങ്ങൾക്ക് നല്ല ഒന്നാന്തരം കുത്തരിച്ചോറുണ്ണാമല്ലോ..!! ഇല്ലെങ്കിൽ വാഴ നടാം. നടുമ്പോൾ നേന്ത്രനേക്കാളുപരി ഞാലിപ്പൂവനോ പാളയംകോടനോ തിരഞ്ഞെടുക്കുവാൻ ശ്രമിക്കുക. (തിരുവനന്തപുരം കൊല്ലം ഭാഗത്തുള്ളവർക്ക് കപ്പവാഴ കൂടുതലായും പരീക്ഷിക്കാം; വളർന്നു വരുവാനുള്ള സാഹചര്യവും മികച്ച വിലയും അവിടെയാണു കൂടുതലുള്ളത്) കാരണം നേന്ത്രനു ഓണക്കാലസീസണിലാണു കൂടുതൽ ആവശ്യവും ഡിമാന്റും. പലപ്പോഴും നമ്മളുദ്ദേശിക്കുന്ന വിളവും തരില്ല. പക്ഷേ മറ്റു രണ്ടിനും സീസൺ ഇല്ലേയില്ല. കേടും തുലോം കുറവായിരിക്കും. ഇന്നത്തെ ഞാലിപ്പൂവന്റെ വില ഏകദേശം 35/കിലോ ആണ്. കുറഞ്ഞത് 25/10കിലോ വെച്ച് ഒരു കുലക്കു കിട്ടും. നോക്കൂ എന്താണു ലാഭമെന്ന്. കപ്പ നടാം.. ഒരു മൂട്ടിൽ നിന്നും ആവറേജ് 6-10 കിലോ കിട്ടിയാൽ കൂട്ടിക്കോളൂ ലാഭം എന്തെന്ന്..! ഒന്നിൽ നിന്നുള്ള ലാഭം നോക്കി മാത്രം ജീവിക്കാനാകില്ല. പലതുള്ളി പെരു വെള്ളം..! സമ്മിശ്രക്കൃഷി..! അതു പിന്തുടർന്നാൽ ഉറപ്പായും നമ്മൾ തെളിക്കുന്ന വഴിക്കു തന്നെ രഥം ഓടും. ഇനിയുമുണ്ടേറേ..! കന്നുകാലി വളർത്തൽ, പന്നി, ആട്, കോഴി വളർത്തൽ തുടങ്ങിയവ. ലാഭം പാലിൽ മാത്രം കാണരുത്. ചാണകത്തിൽ നിന്നും നമുക്ക് ഗാസ് ഉത്പാദിപ്പിക്കാം. മിച്ചം വരുന്ന സ്ലറി വളമാക്കി ഉപയോഗിക്കാം. ഇല്ലെങ്കിൽ ഉണക്കിയെടുത്ത് വിവിധ ആവശ്യങ്ങൾക്കായി വിൽ‌പ്പന നടത്താം. പാലു കൊണ്ട് മൂല്യവർദ്ധിത ഉൽ‌പ്പന്നങ്ങളൂണ്ടാക്കി വിൽക്കാം. ഒരിക്കലും നിങ്ങളൂടേ മുൻപിൽ വിപണി പിന്തിരിഞ്ഞു നിൽക്കില്ല. പക്ഷേ വേണ്ടത് ആത്മസമർപ്പണവും കഠിനാദ്ധ്വാനം ചെയ്യാനുള്ളൊരു മനസ്സുമാണ്. എങ്കിൽ ഉറപ്പായും നിങ്ങളീ സെക്ഷനിൽ വിജയിക്കും. അല്ലെങ്കിൽ കുറഞ്ഞത് ഒരു ജാതിയെങ്കിലും വീട്ടു വളപ്പിൽ വെച്ചു പിടിപ്പിക്കൂ. ഓർക്കുക കേരളത്തിലെ ഒരു സധാരണ നാലംഗകുടുബത്തിന്റെ ഒരു മാസത്തെ പരിമിതമായ അവശ്യങ്ങൾ നിറവേറാൻ ഒരു ജാതി മാത്രം മതിയാകും..!!

സ്വയം സംരംഭം:- സമ്പാദിച്ച കാശു മുഴുവൻ ബിസിനെസ്സിൽ കൊണ്ടു പോയി തള്ളി വടിയായ ഒട്ടേറേ പേർ ഉള്ള നാടാണു നമ്മുടേത്. ബസ്സ് വാങ്ങുക ഇല്ലെങ്കിൽ ഹാർഡ്വെയർ ഷോപ്പ് തുടങ്ങുക അങ്ങിനെ ബൃഹത്തായതും പരിചയമില്ലാത്തതുമായ ബിസിനെസ്സുകളെ ലക്ഷ്യമിടാതിരിക്കുകയാകും അഭികാമ്യം. പളപളാ മിന്നുന്ന ഷർട്ടുമിട്ട് ചെത്തി നടക്കാം കുറെ കാശു കളയാം എന്നതല്ലാതെ മികച്ചൊരു വരുമാനമാർഗ്ഗം സ്വായത്തമാക്കുവാൻ പലർക്കും സാധിക്കാറില്ല. ഏറ്റവുമധികം ശ്രദ്ധയൂന്നി ഇറങ്ങേണ്ട ഒരു വിഷയമാണിത്. പത്തു കാശു ഉണ്ടെന്ന് നാട്ടുകാരെ കാണിച്ച് ബോധ്യപ്പെടുത്തെണ്ടതിനേക്കാളുപരി കുറഞ്ഞ ചിലവിൽ ചെറുതെങ്കിലും സ്ഥായിയായൊരു മികച്ച വരുമാനമുണ്ടാക്കാനാണു ശ്രമിക്കേണ്ടത്. ഓർക്കുക ഇതുദ്ദേശിച്ചത് ഇടത്തരക്കാരായ പ്രവാസികൾക്കു വേണ്ടിയാണു കെട്ടോ. ഇട്ടുമൂടാൻ കാശുള്ള പ്രവാസികളെ ഇതിൽ ഉദ്ദേശിച്ചിട്ടേയില്ല. ഒരു ഉദാഹരണം പറയാം. ചെയ്സും വാങ്ങി ബോഡി കെട്ടി റുട്ട് പെർമിറ്റുമെടുത്ത് ഓടുന്ന ഒരു ലൈൻ ബസ്സിനു കുറഞ്ഞത് 20 ലക്ഷത്തോളം മുടക്കുവരും. എല്ലവിധ അടവുകളും ചിലവുകളും മാറ്റിവെക്കലുകളും കഴിഞ്ഞാൽ അതിന്റെ ഉടമസ്ഥനു ഒരു ദിവസം കിട്ടുക 1000-1500 രൂപയാകും. അതേസമയം 1,60-1,75,000 മുടക്കുള്ളൊരു പാസഞ്ചെർ ആപ്പെ സ്വന്തമായി വാങ്ങി ഓടിക്കുകയാണെന്നു വെക്കുക, ദിവസേന 500-600 രൂപ മിച്ചം തരും. നോക്കൂ ഇതിലെ മുടക്കു മുതൽ തമ്മിലുള്ള അന്തരം..!! ഒരു വലിയ ഹോട്ടെൽ വാടകക്കെടുത്ത് നടത്തുന്നതിനേക്കാൽ മെച്ചം നാട്ടിൻപുറത്തു സ്വന്തായൊരു ചായക്കട തട്ടിക്കൂട്ടുന്നതാണ്. 500-1000രൂപാ ദിവസേനയുണ്ടാക്കാം. മിച്ചമൊരു വസ്തുകൂടി എടുത്ത് പള്ളേക്കളയാൻ ഉണ്ടാകില്ല. വലിയ തലവേദനയുമില്ല. വലിയ ഹോട്ടെലാണെങ്കിലോ പത്തിരുപത് പണിക്കാരെ നിയന്ത്രിക്കുക, മിച്ച വരുന്ന ഭാക്ഷണസാധനങ്ങളിൽ നിന്നുള്ള നഷ്ടം, വലിയ വാടക..തുടങ്ങിയവ നമ്മുടെ ഉറക്കം കെടുത്തും. ഞാനുദ്ദേശിച്ചത് ഇത്രേയുള്ളു; കുറഞ്ഞ മുതൽമുടക്കിൽ മികച്ചതും സ്ഥായിയായ വരുമാനമുള്ളതുമായൊരു സ്വയം സംരംഭം കണ്ടു പിടിക്കുക എന്നേയുള്ളു.

എൻ ബി:- നിരീക്ഷണങ്ങളും അനുഭവങ്ങളുടേയും വെളിച്ചത്തു നിന്നു കൊണ്ടാണിത്രേം എഴുതിയിരിക്കുന്നത്. തൊടുപുഴ, മുവാറ്റുപുഴ, പാലാ എന്നീ ഇടങ്ങളെ ബേസ് ചെയ്താണു പലകാര്യങ്ങളും പ്രസ്താവിച്ചിട്ടുള്ളത്. കാലാനുസൃതമായ മാറ്റങ്ങൾക്കും ഏരിയ മാറുന്നതിനനുസരിച്ചും ലാഭനഷ്ടങ്ങളിൽ വ്യതിയാനങ്ങൾ ഉണ്ടാകാം. ഒരിക്കലും ഒരിടത്തുമാത്രം മുടക്കാതെ പലയിടത്തായി മുടക്കുക. അപ്പോൾ ലഭിക്കുന്നത് കുറഞ്ഞ വരുമാനമാണെങ്കിൽ പോലും എല്ലാം കൂട്ടികൂടുമ്പോൾ മികച്ച വരുമാനം ലഭിക്കും, അതും കുറഞ്ഞ മുതൽമുടക്കിൽ. ഒന്നിൽ പിഴച്ചാലും മറ്റുള്ളവ നമ്മുടെ ജീവിതത്തെ താളം തെറ്റിക്കാതെ താങ്ങി നിർത്തിക്കൊള്ളും..:)

കച്ചവടം

2011-10-11T16:43:00.000+05:30

അയാളുടെ ചുണ്ടുകള്‍ പതിവില്ലാത്ത വിധം വിറകൊള്ളുന്നത് ഞാന്‍ ശ്രദ്ധിച്ചു കൊണ്ടിരുന്നു. ഏതു വിധേനയും ഈ കച്ചവടം നടത്തണമെന്ന് അയാള്‍ പുലമ്പിക്കൊണ്ടേയിരുന്നു. മൂന്നുസെന്റിലെ ഒരു കുഞ്ഞു വീട്. അത്യാവശ്യം സൌകര്യങ്ങളൊക്കെ ഉണ്ടെങ്കിലും അതൊരു ലക്ഷം വീട് കോളനി പോലുള്ള സ്ഥലത്തായിരുന്നു സ്ഥിതി ചെയ്തിരുന്നത്. വീട്ടിലേക്ക് കയറുവാന്‍ ഒരു നടപ്പുവഴി മാത്രമേ ഉണ്ടായിരുന്നുള്ളൂ. അത് വിറ്റു പോകുവാൻ പാടുള്ളൊരു സ്ഥലമാണെന്നത് എനിക്കറിയാമായിരുന്നു. സഹകരണബാങ്കിൽ നിന്നും ലോണേടുത്ത വകയിൽ അടവിനു ക്ഷീണം പറ്റിയതിനാൽ അടക്കേണ്ടി വരുന്ന ഭീമമായ പലിശ അയാളെ തളർത്തിത്തുടങ്ങിയിരുന്നു. ബാങ്കിൽ നിന്നും വന്നിരുന്ന ജപ്തി നോട്ടീസിലെ അക്ഷരങ്ങൾ അയാളെ നോക്കി പല്ലിളിച്ചു കൊണ്ടിരുന്നിരിക്കണം.

രാവിലെ പല്ലുതേക്കുമ്പോഴാണു ഉറക്കച്ചടവ് മാറാത്ത മുഖവുമായി അയാളെന്നെ കാണുവാൻ വരുന്നത്. തലേ ദിവസം ഞാൻ, അയാളുടെ സ്ഥലം കാണിച്ച പാർട്ടി വാഗ്ദാനം ചെയ്ത ചെറിയ തുകക്കാണെങ്കിലും വിൽക്കാൻ താൻ സന്നദ്ധനാണെന്ന അയാളൂടെ അടിയറവ് കണ്ടപ്പോൾ സത്യത്തിൽ ഉള്ളു നീറി. നിസ്സഹായതോടെയുള്ള അയാളൂടെ വെമ്പലിന്റെ പുറത്ത് അപ്പോൾ തന്നെ പാർട്ടിയെ മൊബൈലിൽ വിളിച്ച് കച്ചവടം ഉറപ്പിക്കുമ്പോൾ, അയാളൂടെ മുഖത്ത് ആയിരം ദീപങ്ങൾ പ്രകാശിച്ചു വരുന്നത് എനിക്കു കാണാമായിരുന്നു. ഹൈവേയിലെ പുതിയ റോഡ് വരുന്നിടത്ത് ആളുകൾ സെന്റിനു പത്തും പതിനഞ്ചും ലക്ഷങ്ങൾ ചോദിക്കുന്നിടത്ത് തന്റെ ഉള്ള കിടപ്പാടം കൂടി നഷ്ടപ്പെടാതിരിക്കാൻ ഏത് താഴ്ന്ന വിലക്കു വിൽക്കാനും തയ്യാറായ ആ മനുഷ്യന്റെ ദയനീയ മുഖം കണ്ടപ്പോൾ എന്റെയും മനസ്സിൽ നിന്ന് ഒരു വിങ്ങലുയർന്നു..

ഒരു വാഗമണ്‍ മീറ്റിലേക്ക് നിങ്ങളുടെ ശ്രദ്ധ ക്ഷണിക്കുന്നു..

2011-09-26T21:05:00.004+05:30

ഒരു വാഗമണ്‍ മീറ്റിലേക്ക് നിങ്ങളുടെ ശ്രദ്ധ ക്ഷണിക്കുന്നു..

ബ്ലോഗെര്‍/ബസ്സ് സുഹൃത്തുക്കളെ..

ജനുവരിയില്‍ ഒരു വാഗമണ്‍ മീറ്റ് നടത്തുവാന്‍ ആലോചിക്കുന്നു..
10 എ എം നു തൊടുപുഴയില്‍ നിന്നും പുറപ്പെട്ട് വാഗമണ്ണിന്റെ മനോഹരിത ആസ്വദിച്ച് 4 മണിയോടെ തിരിച്ച് തൊടുപുഴയില്‍ എത്തിച്ചേരുന്നൊരു മീറ്റ്..
കുറഞ്ഞത് 50 പേരെങ്കിലും ഉണ്ടാകണം..
ആളൊന്നുക്ക് ചാര്‍ജ് ചെയ്യപ്പെടും..(കൂടേ എത്ര പേരുണ്ടെങ്കിലും ആളൊന്നുക്ക് നിശ്ചിത ചാര്‍ജ് ഈടാക്കപ്പെടൂം)
ഫാമിലി മീറ്റ് ആണു ഉദ്ദേശിക്കുന്നത്..
തീര്‍ച്ചയുണ്ടെങ്കില്‍ മാത്രമേ ഉറപ്പു നല്‍കാവൂ..
മുന്‍ മീറ്റുകളിലെന്ന പോലെ പേരു നല്‍കി സമയത്തിനു സഹകരിക്കാതിരിക്കുന്നത് ഒഴിവാക്കുക..(അഭ്യര്‍ത്ഥന!)
സഹകരണം പ്രതീക്ഷിച്ചു കൊണ്ട്..

ഹരീഷ് തൊടുപുഴ
9447302370

ഏറ്റവുമധികം മിസ്സ് ചെയ്യുന്നത്..

2011-08-14T11:22:00.013+05:30

ഏറ്റവുമധികം മിസ്സ് ചെയ്യുന്നതെന്തായിരിക്കും..?
മനസ്സിനോടു സ്വയം ചോദിച്ചു..
മനസ്സിന്റെ ഉത്തരം ശ്രവിച്ചാൽ ; ഞാൻ മാത്രമല്ല മറ്റേതൊരാളും എന്നിലുണരുന്ന ഭ്രാന്ത ചിന്തകൾ എന്നു മുദ്രകുത്തുവാനേ ശ്രമിക്കൂ..!
പക്ഷേ സംഭവം സത്യമാണ്..
എനിക്കേറ്റവും മിസ്സ് ചെയ്യുന്നത്..
ഏറ്റുമാനൂർ മാതാ ഹോസ്പിറ്റലിലെ രണ്ട് ബ്ലോക്കുകളെ തമ്മിൽ ബന്ധിപ്പിക്കുന്ന മൂന്നാം നിലയിലെ വീതി കൂടിയതും വായുവിൽ പൊങ്ങിക്കിടക്കുന്നതുമായ നീണ്ട ഫ്ലൈഓവറാണ്..!
കഴിഞ്ഞ തവണ ചെല്ലുമ്പോഴവിടെ അഞ്ചു പത്ത് പുതിയ കസാലകൾ ഇടം പിടിച്ചിട്ടുണ്ടായിരുന്നു..
രാത്രികളിൽ ഞാനവിടെ വിശ്രമിക്കുവാൻ ഇട്ടിരിക്കുന്ന കസേരകളിലൊന്നിൽ ഇടം പിടിക്കും..
മിക്കവാറും ഞാൻ തനിച്ചേ ഉണ്ടാകൂ..
ചിലപ്പോൾ എല്ലാ കസേരകളൂം നിറഞ്ഞിരിക്കും..
ഓരോ കസേരകളിലും വിശ്രമിക്കുന്നവർക്ക് ഓരോ കഥകൾ പറയാനുണ്ടാകും..
ചില രാത്രികളെത്ര വൈകിയാലും; ഉറക്കമനുഗ്രഹിക്കാത്ത തങ്ങളൂടെ കുഞ്ഞുങ്ങളെയും തോളിലിട്ട് ഉറക്കുപാട്ടും മൂളിക്കൊണ്ട് തന്റെ നിസ്സഹായവസ്ഥകളിൽ മനംനൊന്ത് സ്വയം പ്രാകി ചില അമ്മമാർ ഉലാത്തുന്നുണ്ടാകും..
മറ്റു ചിലപ്പോൾ; തന്റെ ഇണയുടെ തോളത്ത് കൈ ചേർത്തു പിടിച്ച് തന്നിലേക്കടുപ്പിച്ച് കിന്നാരം പറഞ്ഞിരിക്കുന്ന യുവമിഥുനങ്ങളെ കാണാം..
അവരുടെ; അടക്കാനും ഒളിപ്പിക്കാനും സാധിക്കാത്ത, ആഗ്രഹപൂർത്തീകരണത്തിനു അറുതി വരാത്തതുമായ പ്രേമചേഷ്ടകൾ കാണാം..
ഐ സി യു വിൽ കിടക്കുന്ന രോഗികളുടെ കൂടെ വന്ന് റൂം കിട്ടാതെ അലയുന്ന ഏകാന്തപഥികരെ കാണാം..
ഏറ്റവുമധികം വെറൈറ്റിയിലുള്ള കഥകൾ വിവരിക്കാനുള്ളത് അവർക്കാകും..!
ഔത്സുകത്തോടേ വീക്ഷിക്കുവാൻ തോന്നുന്ന ചില അപ്പൂപ്പനമ്മൂമ്മന്മാരെ കാണാം..
അവരിലൊരാൾ; ‘ശങ്കരാ... ‘ തുടങ്ങുന്ന ശങ്കരാഭരണത്തിലെ ആ പ്രസിദ്ധമായ ഗാനം മൂളി തന്റെ പേരക്കുട്ടിയെ ഉറക്കാൻ ശ്രമിക്കുന്ന സരസനും സൌമ്യനുമായയൊരു വൃദ്ധൻ..
എത്രയോ മധുരമായി അദ്ദേഹം ആലപിക്കുന്നു..
കാതുകൂർപ്പിച്ച് ഞാനദ്ദേഹത്തിനു ശ്രദ്ധ കൊടുക്കും..
പൊടി കുഞ്ഞിനെ ഉറക്കുവാനദ്ദേഹം കാണിക്കുന്ന ചിലപൊടിക്കൈകൾ..!
ഒരു സ്ഥലക്കച്ചവടമെങ്ങനെ വിജയകരമാക്കാം എന്ന വിഷയത്തിൽ വാചാലമായി ക്ലാസെടുക്കുന്ന വാദ്ധ്യാരു കൂടിയായ പാലാക്കാരൻ ബ്രോക്കെർ..
എന്തിനു ഏതിനും സംശയനിവാരണം നടത്തുവാനോടി പാഞ്ഞു നടക്കുന്നൊരു പാവം ചേടത്തിയാര്..
പാവപ്പെട്ടവരും പണക്കാരുമടങ്ങുന്നൊരു ലോകം..
നാനാതര മതസ്ഥരും ജാതിഭേദമില്ലാതെ..
ആ നീണ്ട ഇടനാഴിയിൽ തമ്മിൽ സഹായിച്ചും, കുശലപ്രശ്നങ്ങളിൽ ഊളിയിട്ടും..മറ്റും
എപ്പോഴും ഒരു തണുത്ത കാറ്റുണ്ടാകും ആ ഇടനാഴിയിൽ..
വിശാലതയോടെ പരന്നു കിടക്കുന്ന പടിഞ്ഞാറു നിന്നു വരുന്ന ഇളംകാറ്റ് ഇടനാഴിയിലൂടെ കിഴക്കു ഭാഗത്ത് തലവിരിച്ചു നിൽക്കുന്ന റബ്ബെർ മരങ്ങൾക്കിടയിലേക്ക് ഊളിയിടും..
മഴയുള്ള സമയമെങ്കിൽ വിറപ്പിക്കുന്ന ശീതകാറ്റാകും പാഞ്ഞു വരിക..
മഴയുള്ളസമയത്ത് ആ ഇടനാഴിയിൽ ഞാൻ തനിച്ചേ ഉണ്ടാകൂ..
നീല എം എച്ചിന്റെ ചാരുതയിൽ നീലവർണ്ണമായി താഴോട്ടുതിരുന്ന മഴത്തുള്ളികളെയും നോക്കി ആസ്വദിച്ച് ഞാനിരിക്കും..
റോഡീലൂടെയൊഴുകുന്ന അടുത്ത വാഹനം കാഷ്വാലിറ്റിയെ ലക്ഷ്യമാക്കിയായാണൊ വരുന്നതെന്നും നോക്കി..
അപ്പോൾ എന്റെ ചെവികളൂടെ പാർശ്വഭാഗങ്ങളിലൂടെ തണുത്ത മാരുതൻ ചൂളം വിളിച്ച് പറന്നു പോകുന്നുണ്ടാകും..
തണുത്തുറഞ്ഞ മഴനീർക്കണങ്ങൾ എന്റെ വദനത്തെയും ആഞ്ഞു പുണരാനാരംഭിക്കും..
എന്റെ മനസ്സിനേറ്റവും ശാന്തത അനുഭവപ്പെട്ടിട്ടുള്ള ചുരുക്കം ചിലസമയങ്ങളിലൊന്നാകും; ഈ ഇടനാഴിയിലെ ജീവിതനിമിഷങ്ങൾ..
അതു കൊണ്ടാകും..
ഇപ്പോൾ ഏറ്റവുമധികം മിസ്സ് ചെയ്യുന്നതും..!!

(മൂന്നാമത്തെ നിലയിലെ ഇടനാഴിയിൽ നിന്നും നോക്കുമ്പോൾ കാണുന്ന പടിഞ്ഞാറുള്ള ദൃശ്യമാണു മുകളിലെ ചിത്രത്തിൽ കാണുന്നത്)

ലുക്കില്ലെങ്കിൽ ഹെൽമെറ്റ് വെച്ചാലും പോലീസ് പിടിക്കും..!

2011-08-07T19:52:00.000+05:30

ലുക്കില്ലെങ്കിൽ ഹെൽമെറ്റ് വെച്ചാലും പോലീസ് പിടിക്കും..!

രാവിലെ ഉറക്കത്തിൽ നിന്നും എഴുന്നേൽ‌പ്പിച്ചത് വീടിനു പുറത്തു നിന്നും ‘മീൻ വേണോ ഹരീഷേട്ടാ’ എന്നുള്ള സുജിത്തിന്റെ നിലവിളിയാണ്. സുജിത് നമ്മടെ സ്വന്തം പയ്യനാ. ജീവിക്കാൻ വേണ്ടി ഈ കർക്കിടത്തിൽ സ്വന്തം ആപ്പെയിൽ മീങ്കച്ചോടം വരെ ചെയ്യുന്നു. ഞായറാഴ്ചയെങ്കിലും ഇത്തിരി നേരം ഉറങ്ങിത്തീർക്കാം എന്നു വിചാരിച്ചത് പൊലിഞ്ഞു പോയ ദു:ഖത്തിൽ നേരെ വന്ന് പിസിയുടേ മുൻപിൽ ഇരുന്നു. ഇപ്പോൾ പല സശയങ്ങൾക്കും അറുതി വരുത്തുവാൻ പ്രാപിക്കുന്നത് ബസ്സിനെയാണ്. പതിവു പോലെ ഇന്നത്തെ സംശയമായ ‘റൂം ടെമ്പറേച്ചർ’ ഉയർത്തുവാനുള്ള വഴികൾ ആരാഞ്ഞതിനു കിട്ടിയ മറുപടി പ്രകാരം; ഉറങ്ങിയെഴുന്നേറ്റു വന്ന വേഷത്തിൽ തന്നെ പൈസയുമെടുത്ത് പോക്കെറ്റിൽ തിരുകി ബൈക്ക് സ്റ്റാർട്ടാക്കി ടൌൺ ലക്ഷ്യമാക്കി ഓടിച്ചു പോയി. കവലയിൽ നിന്ന് സഹപാഠിയും പാതി വികലാംഗനുമായ സുഹൃത്ത് സജിയെയും ബൈക്കിനു പുറകിലത്തെ സീറ്റിലാക്കി ചാറ്റൽമഴയുമാസ്വദിച്ച് ടൌണിനെ ലക്ഷ്യമാക്കി ബൈക്ക് കുതിപ്പിച്ചു വിട്ടു.

ഞായറാഴ്ചകളിൽ തൊടുപുഴ പട്ടണം വിജനമായിരിക്കും. എങ്കിലും പ്രതീക്ഷകളാണല്ലോ ജീവിതത്തെ ഉന്തിത്തള്ളി മുൻപോട്ട് നീക്കുന്നതിൽ പ്രധാന പങ്കുവഹിക്കുന്നത്. അരിച്ചു പെറുക്കാവുന്നത്ര ഹോം അപ്ലൈയൻസ്സസ് കടകൾ തപ്പി നോക്കിയെങ്കിലും ഒന്നും തുറന്നിട്ടുണ്ടായിരുന്നില്ല. ആഹാ.. എന്നാലങ്ങനെ വിട്ടാൽ ശരിയാകില്ലല്ലോ എന്നും വിചാരിച്ച്; മുവാറ്റുപുഴയിലൊന്നു തപ്പി നോക്കാം, അവിടെയുള്ള കടക്കാരെല്ലാം അച്ചായന്മാരല്ലല്ലോ എന്നും നിനച്ച് സഹോദരടൌണിനെ ലക്ഷ്യമാക്കി ബൈക്കിനെ പായിച്ചു. കുറച്ച് നിമിഷങ്ങൾക്കകം മുവാറ്റുപുഴയിലെത്തിയെങ്കിലും ഫലം തഥൈവ തന്നെയായിരുന്നു. നടുറോഡിലെ തോടിന്റെ അരികുപറ്റി നീന്തി നീന്തി കച്ചേരിത്താഴമെത്തിയപ്പോഴാണ് ഇടത്തേ സൈഡിൽ ഒരു പുതിയ ഷോപ്പ് കാണുന്നതും, ഞാൻ ബൈക്ക് വെട്ടിച്ച് ആ ഷോപ്പിന്റെ മുൻപിലോട്ട് ലാന്റ് ചെയ്യിക്കുകയും ചെയ്തു. പക്ഷേ അവിടെയും നിരാശയായിരുന്നു ഫലം. വീണ്ടും ബൈക്ക് സ്റ്റാർട്ടു ചെയ്ത്; ഇരുകരകളെയും വിഴുങ്ങി അലറിക്കുതിച്ചൊഴുകിപ്പായുന്ന മുവാറ്റുപുഴയാറിന്റെ ബീഭൽത്സരൂപത്തെ ഭീതിയോടേ വീക്ഷിച്ച് കൊണ്ട് പാലം കടന്ന് നെഹൃ പാർക്കിന്റെ മുൻപിലെത്തിയപ്പോൾ റൌണ്ടിന്റെ മുൻപിൽ ഒരു പോലീസു ജീപ്പുമിട്ട് ചെക്കിങ്ങ്. എന്തിരു പേടിക്കാൻ. തലയിൽ ഹെൽമെറ്റുണ്ട്. പോക്കെറ്റിൽ ബുക്കും പേപ്പെറുമുണ്ട്. ധൈര്യമായി വാഹനത്തെ മുന്നോട്ട് തന്നെ പായിച്ചു. പെട്ടന്നൊരു പോലീസുകാരൻ മറുവശത്ത് നിന്ന് ചിരിച്ചുകൊണ്ട് കൈകാട്ടി നിർത്തുവാൻ അടയാളം കാട്ടി. ശെടാ..! ഇതെന്തിനാപ്പോ, എന്നും വിചാരിച്ച് ഞാൻ റോഡിന്റെ ഓരത്തോട്ട് മാറ്റി ബൈക്ക് നിർത്തി; എന്താ സാറേ എന്ന് ചേദിച്ചു. അതിയാൻ എന്റടുത്ത് വന്നു നിന്ന് സ്നേഹത്തിൽ ചിരിച്ചും കൊണ്ട്
‘എവിടെന്നാ വരണത്’
‘തൊടുപുഴേന്ന്’
‘എന്തിനാ ഇവിടെ വന്നേ..?’
‘ഒരു റൂം ഹീറ്ററു വാങ്ങാനാ സാറേ.’
സംഭവം കക്ഷിക്ക് പിടികിട്ടിയില്ല എങ്കിലും; പുള്ളിയുടെ ശിരസ്സ് ഓരോ ചോദ്യങ്ങൾ ഉന്നയിക്കുമ്പോഴും എന്റെ മൌത്ത്പീസിന്റടുത്തോട്ട് താഴ്ന്നു താഴ്ന്നു വന്നുകൊണ്ടിരുന്നു. പതിവില്ലാത്ത ചോദ്യങ്ങൾ അതും സ്നേഹനിർഭരമായി ഉന്നയിച്ചപ്പൊൽ ഞാനാദ്യമോർത്തത്; ആരെങ്കിലും ഞങ്ങളെപ്പോലെയിരിക്കുന്നവന്മാർ വല്ല മാല മോട്ടിച്ചതോ മറ്റോ ആയത് മറ്റോ സംശയം തോന്നി ചെക്കിങ്ങോ മറ്റോ ആയിരിക്കുമെന്നാണു. അതിയാന്റെ ശിരസ്സിന്റെ വരവ് ഓരോ ചോദ്യത്തിനനുസരിച്ച് താഴുന്നത് കണ്ടപ്പോൾ പ്രസ്തുത സംശയമൊക്കെ മാറി കിട്ടി; അടുത്ത ചോദ്യത്തോടേ. അതോ മണത്തിട്ട് കിട്ടാത്തതുകൊണ്ടാണൊ ആവോ..!!
വിനയത്തോടേ അദ്ദേഹം..
‘നിങ്ങളു കഴിച്ചിട്ടില്ലാലോ അല്ലേ..; എനിക്ക് മണമൊന്നും കിട്ടുന്നില്ല..’
!!!!!!!!!!!!!!!!
ഹഹഹഹാ...ഞങ്ങളൊരുമിച്ച് ചിരിച്ചു.. പോലീസുകാരന്റേത് ഇത്തിരി ചമ്മിയതായിരുന്നു..
(ഭാഗ്യം അയാളൂടെ അവസ്ഥ ഞങ്ങൾക്ക് വരാതിരുന്നത്!!)
എന്റെ പൊന്നു സാറെ; ഞങ്ങളു രണ്ട് ദിവസമായി കഴിച്ചിട്ടില്ല..
വേണേങ്കീ പോയി ആ ഊതണ സാധനോം എടുത്തിട്ട് വാ.. എന്നിട്ട് നോക്കിക്കോ..
ഏയ് വേണ്ട..വേണ്ടാ എന്നും പറഞ്ഞ് പോലീസുകാരനും ചിരിച്ചു.. എന്നിട്ട് പൊയ്ക്കോളാൻ അനുമതി നൽകുകയും ചെയ്തു.
അതിനിടക്ക് നമ്മുടെ സുഹൃത്തിന്റെ വക ഒരു ചോദ്യം തിരിച്ച് പോലീസുകാരനോട്..
‘സാറേ; ഞങ്ങൾക്ക് ഹെൽമെറ്റുണ്ട് ബുക്കും പേപ്പെറൂമുണ്ട് പിന്നെന്തിനാ തടഞ്ഞു നിർത്തീത്..??’
‘അതോ..ഹിഹി നിങ്ങൾക്കൊരു ലുക്കില്ലാത്തതു കൊണ്ടാ..’
ബർമുഡയിട്ട് ടാജിൽ കയറിച്ചെന്ന അലവലാതിയെ കണ്ട് സലൂട്ടടിച്ച് ഉള്ളിലോട്ടാനയിച്ച സെക്യുരിറ്റിക്കാരനെ ഓർത്ത് ഞാൻ വണ്ടി സ്റ്റാർട്ട് ചെയ്തു..!!!

തൊടുപുഴ മീറ്റിലെ ചില അനർഘനിമിഷങ്ങൾ..!

2011-08-04T14:02:00.011+05:30

തൊടുപുഴ മീറ്റിലെ ചില അനർഘനിമിഷങ്ങളിലേക്ക് സ്വാഗതം..
മീറ്റിലെ ചില രസകരമായ അനുഭവങ്ങളാണിതിന്റെ ആധാരം..!
പലരുമായി അത്ര പരിചയമില്ലാതിരുന്നതിനാൽ; ഞാനെഴുതുന്ന തമാശകൾ ഉൾകൊള്ളുന്നതിൽ പരിഭവമുണ്ടെങ്കിൽ, സീരിയസ്സായി എടുക്കാതെ ക്ഷമിക്കുമെന്ന് താല്പര്യപ്പെടുന്നു..

# കാലത്തേ 5 മണിക്കൊരു ഒരു ചങ്ങാതി..
“മാഷേ ഇവിടെ ഭയങ്കര മഴയാ.. മഴക്കോട്ടെടുത്തിട്ടില്ല.. തിരൂരു വരെ എത്തണം.. ഞാനെന്താ ചെയ്യുക..!“
ഹോ.. ഇതിയാന്റെയൊക്കെ ഒരു കാര്യം.. കക്കൂസിൽ കയറുമ്പോഴും കുളിക്കുമ്പോഴും സംശയദൂരീകരണവുമായി നടക്കുന്ന പാർട്ടികളാ..!! മടുത്തു ഞാൻ..!!
കുറച്ചു നേരം കഴിഞ്ഞ് പിന്നേം..
“മാഷേ.. ഇവിടെ നല്ല മഴയാ.. എനിക്ക് ട്രെയിനിൽ കേറിയാ പരിചയം.. ബസ്സെനിക്ക് അരോചകമാ..“ എന്റെ ചങ്ങാതീ.. ഈ കൊച്ചു വെളുപ്പാൻ കാലത്തിനി എന്റെ നാട്ടിൽക്കൂടി ട്രെയിൻ ഓടിപ്പിക്കാൻ പറ്റുവോ..! നിങ്ങളെങ്ങനെയെങ്കിലും ഒരു ആനവണ്ടി പിടിച്ചു വാ അപ്പാ..!

# ആരൊക്കെ ഇതുവരെ എത്തിച്ചേർന്നു എന്നെന്റെ ചോദ്യത്തിനുത്തരമായി ആരോ എന്റെ ചെവിയിൽ വന്ന് സ്വകാര്യം പോലെ പറഞ്ഞു;
“ഒരു ഐസുകട്ടയും ഐസ്തുള്ളിയും മുകളിരിപ്പുണ്ട്..”
ഹോ..! അതാരണാപ്പാ എന്നും നിരൂപിച്ച് ഹാളിനു മുകളിൽ എത്തിയപ്പോൾ..ദാണ്ട് അവിടെ നിൽക്കുന്നു സാരിയുടുത്തും ചുരിദാറിട്ടും ഓരോരോ ചേച്ചിമാർ..!
സത്യമായും സാരിയുടുത്ത ചേച്ചിയാകും ബ്ലോഗെർ എന്നാണ് മീറ്റ് തുടങ്ങുന്ന വരെ ഞാൻ വിചാരിച്ചത് കെട്ടോ..!
പിന്നല്ലേ മനസ്സിലായത് ആ അമ്മയുടെ മോളായ ചുരിദാറിട്ട കുട്ടിയാണു ഐസ് തുള്ളിയെന്നും..ബ്ലോഗെറെന്നുമൊക്കെ..!!

# ഞാൻ മുകളിൽ സ്റ്റെപ്പിന്റെ അടുത്ത് ആരെയോ കാത്ത് നിൽക്കുകയായിരുന്നു.. അപ്പോഴതാ ഒരു ചെക്കൻ സ്റ്റെപ്പോടിക്കയറി മുകളിൽ കയറി വന്നെന്റെ മുൻപിൽ നിന്ന് ഒരു ചോദ്യം.. “ഹരീഷേട്ടനെന്നെ മനസ്സിലായോ..”
ശെടാ..!! ആകെപ്പാടെ തലക്കു മുഴുവൻ തിരക്കോട് തിരക്കാ.. അതിനിടക്കാ ഒരുവൻ പദപ്രശ്നം പൂരിപ്പിക്കാൻ വന്നീരിക്കണത്..!
ഞാനെന്റെ സർവ്വശക്തി മുഴുവനുമെടുത്ത് ഓർമിക്കാൻ തുടങ്ങി..; എന്നിട്ടു പറഞ്ഞു..
“അബിത്.. അല്ലേ”
“അല്ലാ..”
പിന്നെയാരാണവോ.. ഈ സമയമില്ലാത്ത നേരത്ത് പിന്നേം.. ഈ ചെക്കനതൊന്ന് പറഞ്ഞു തുലച്ചാലെന്താ..!!
പിന്നേം.. ഓർമ്മകളെ സോപ്പിട്ട് കഴുകുവാൻ തുടങ്ങി..
“...........”
“അല്ലാ..”
“..............ൻ”
“ങ്ഹാ..! അതു തന്നെ!!“
ചെക്കനും സന്തോയം.. എനിക്കും സന്തോയം.. ആ സന്തോയത്തിന്റെ പുറത്ത് കൈ നീട്ടി ഒരടി ചുമലിൽ വെച്ചങ്ങു താങ്ങി..!! പിന്നെയവൻ മീറ്റി തീരുന്ന വരെ എന്റെ കണ്മുൻപിലേക്കേ വന്നിട്ടില്ല...:(:(

# റെജിസ്ട്രേഷൻ കൌണ്ടറിനു മുൻപിൽ ഇരിക്കുമ്പോഴാണ് ഒരു പ്രമുഖ സ്ത്രീ ബ്ലോഗെർ ഓടി വന്നെന്റെ അടുത്തു വന്ന് ചെവിയിൽ സ്വകാര്യം പോലെ..
“ഹരീഷ് സ്ത്രീ വിരോധിയോ മറ്റോ ആണോ..??”
ഒരു നിമിഷം ഞാൻ ഞെട്ടി പിന്നെ അലറി; അയ്യോ.. അതെന്താ ചേച്ചീ അങ്ങിനെ ചോദിച്ചത്..?? “ഇവിടെന്താ പുരുഷന്മാർക്ക് മാത്രം മൂത്രമൊഴിച്ചാൽ മതിയോ?, സ്ത്രീകൾക്ക് പ്രത്യേകം മൂത്രപ്പുരയില്ലേ??”
ഹോ..! സമാധാനമായി.. പുരുഷന്മാരുടെ മൂത്രപ്പുര വെളിയിൽ നിന്നേ ദർശനമുള്ളതാണ്.. സ്ത്രീകളൂടേത് ഇത്തിരി അകത്തുമാണ്.. അതാണു ചേച്ചിക്ക് കാണാൻ പറ്റാതെ പോയത്..
“ലോ..അവിടെ”
ചൂണ്ടിക്കാണിച്ചു കൊടുത്തപ്പോൾ.. എനിക്കും സമാധാനം..ചേച്ചിക്കും സമാധാനം..!

# ഇടക്ക് ജോയുടെ വക ഉപദേശം.. ഹരീഷിങ്ങനെ കറങ്ങിയടിച്ച് നടക്കാതെ വേഗം ചെന്ന് പരിചയപ്പെടുത്തുവാൻ നോക്ക്..
ആഹാ.. എന്നാലങ്ങിനെയാകട്ടെ എന്നും കരുതി ഞാനെന്റെ പുതിയ ഡേ-നൈറ്റ് ഗ്ലാസൊക്കെ ഫിറ്റും ചെയ്ത്, എന്റെ ഊഴവും കാത്ത് വാഴയുടെ പുറകിൽ നിപ്പായി..
അപ്പോഴതാ സദസ്സിലിരുന്നൊരു ചുള്ളൻ തന്റെ ഇരിപ്പിടത്തിൽ നിന്നും ചാടിയെഴുന്നേറ്റ് എന്റെയരുകിൽ വന്ന് കാതിലൊരു സ്വകാര്യം..!!
“മാഷേ.. ആ കണ്ണടയൊന്ന് ഊരി വെക്ക്.. ഭയങ്കര ബോറാ..!!“
എന്റെ സപ്തനാടികളും ഒരു നിമിഷം തളർന്നു പോയി.. ഇളിഭ്യനായി ഞാൻ തിരിഞ്ഞു നടന്ന്.. സ്റ്റേജിന്റെ ഉള്ളിലിരുന്ന കാമെറാ ബോക്സിലേക്കെന്റെ പ്രിയപ്പെട്ട കണ്ണട ഒളിപ്പിച്ചു വെച്ചു..
കശ്മലൻ..!! എന്റെ ഗ്ലാമറിൽ അസൂയ മൂത്താകണം ഇങ്ങിനെയൊരു ഉപദേശം..!!

# വേദവ്യാസൻ സ്വപത്നിയുമായാണു മീറ്റിനു സന്നിഹിതനായിരുന്നത്..
എവിടെ എന്ത് ഓണമുണ്ടേലും ഒരു പശ പോലെ ആ കുട്ടിയേയും എപ്പോഴും കാണാം..
പതിവു പോലെ കുശലാന്വോഷണങ്ങൾക്കിടയിൽ.. ഞാൻ ആ കുട്ടിയോടു പറഞ്ഞു:..
“കഴിഞ്ഞ തവണ കണ്ടപ്പോൾ ഞാൻ എടുത്ത നിങ്ങടെ രണ്ടു പേരുടെയും ഫോട്ടോയാണു ഈ വ്യാസൻ കുട്ടിക്ക് ഒന്നാം വാർഷികത്തിനു സമ്മാനമായി നൽകിയത്.. ഇത്തവണ അങ്ങിനെ എടുത്ത് തരണമെങ്കിൽ എനിക്കു ചിലവു തരേണ്ടി വരും..”
എന്താകും ആ ചിലവ്..!! ചോദ്യരൂപേണ കുട്ടിയെന്റെ നേരെ നോക്കി..
“ഒരു പൈന്റെങ്കിലും വാങ്ങിത്തരാൻ പറയണം.. ഈ പിശുക്കനായ ഭർത്താവിനോട്..!“
രണ്ടും വായും പൊളിച്ച് നിക്കണ സമയം കൊണ്ട് ഞാൻ സ്ഥലം കാലിയാക്കി..
ആ കുട്ടി വിചാരിച്ചു കാണും.. “ഇതിയാനെന്തൊരു മനുഷ്യനാണപ്പാ..” എന്ന്..!!!

# ഇടക്ക് കുറച്ചു സമയം ഗാപ്പ് കിട്ടിയപ്പോൾ മഴ ആസ്വദിക്കുവാൻ വേണ്ടി പുണ്യാളനും ഞാനും വെളിയിലേക്കിറങ്ങി.. എന്റെ രണ്ട് ഫ്രെണ്ട്സും കൂടെ ഉണ്ടായിരുന്നു.. ആരെയും കൈയ്യും കൊടുത്ത് ഹെഡ് ചെയ്തു പരിചയപ്പെടുക എന്നത് പുണ്യാളന്റെ ഒരു ഹോബിയാണു.. പതിവു പോലെ എന്റെ ഫ്രെണ്ടായ ജോർജേട്ടനു ഷേക്ക് ഹാൻഡ് കൊടുത്ത് പുണ്യാളൻ പരിചയപ്പെട്ടു..
“ഞാൻ പുണ്യാളൻ..”
ജോർജേട്ടൻ അന്തം വിട്ട് എന്റെ നേരെ നോക്കി..
ആ നോട്ടത്തിന്റെ അർത്ഥം ഗ്രഹിച്ച ഞാൻ കാര്യങ്ങൾ ഇങ്ങിനെ വ്യക്തമാക്കി..
“അദ്ദേഹം എപ്പോഴും പുണ്യ പ്രവൃത്തികൾ മാത്രമേ ചെയ്യാറുള്ളൂ.. അതുകൊണ്ടാണദ്ദേഹത്തെ എല്ലാരും പുണ്യാളൻ, പുണ്യാളൻ വന്നേ, പുണ്യാളൻ പോണേ ന്നൊക്കെ അഭിസംബോധന ചെയ്യുന്നത്..”
ഹോ.. ജോർജേട്ടൻ ഹാപ്പി..!!

# ഉച്ചക്ക് ഒരു മണി കഴിഞ്ഞ് കാൽ മണിക്കൂറായി.. ബിരിയാണിയുമായി വീട്ടിൽ നിന്നും പുറപ്പെട്ടിട്ടുണ്ടെന്ന് മെസേജ് കിട്ടിക്കൊണ്ടിരിക്കുന്നു.. വെളിയിൽ നല്ല മഴയും.. പതിവു പോലെ ഗ്രൂപ്പ് ഫോട്ടോ എടുത്തതിനു ശേഷം, ഒന്നരയാകുമ്പോഴേക്കും ഫുഡ് കൊടുക്കാം.. എന്നിങ്ങനെ ചിന്തിച്ച് സ്റ്റേജിൽ കുത്തിയിരിക്കുമ്പോൾ.. ഒരു ചേട്ടൻ ഓടി വന്നെന്റെ ചെവിയിൽ സ്വകാര്യത്തോടേ.. “ഹരീഷേ..ഷേ..ഷേ..ഷേ..; എനിക്ക് വെശക്കുന്നുണ്ട് കെട്ടോ...”
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ഒരു നിമിഷം സ്തബ്ധനായി..
പിന്നെ സംയമനം വീണ്ടെടുത്ത് ക്ഷക്ഷിയോട് മതിയായ താഴ്മയോടേ മൊഴിഞ്ഞു..
“ചേട്ടാ..ട്ടാ..ട്ടാ.., ഒരു പതിനഞ്ച് നിമിഷം.. പ്പോ വരും.. പ്ലീസ്..”
അതു കേട്ടതും കക്ഷി തിരിഞ്ഞു നടന്നു.. അപ്പോഴാണെന്റെ ശ്വാസം നേരെ വീണത്..
വിശപ്പ് വല്ലാത്തൊരു സംഭവമാണ്.. അതു പിടിച്ചു നിർത്തുക എന്നത് ബാലികേറാ മലയും..
എന്റെ ഭാഗ്യം.. ആ ചേട്ടൻ എന്നെപ്പിടിച്ചു തിന്നാഞ്ഞത്..!!

# ബിരിയാണി വന്നു; വിളമ്പാൻ തുടങ്ങി.. അപ്പോഴതാ പുറകിൽ നിന്നൊരനക്കം..!
ശെടാ..! മുൻപിൽ വരി വരിയായി നിൽക്കുന്ന ആൾക്കാർക്കല്ലേ ആദ്യം കൊടുക്കേണ്ടത്..
അതിനിടയിൽ ഒരുത്തൻ പുറകീക്കോടേ ഇടിച്ചു കയറി വന്നിരിക്കുന്നു..!!
ആളെയൊന്നു നോക്കി..
കക്ഷീടെ കൈയ്യിൽ പ്ലേറ്റിൽ നിറയെ ചോറൂണ്ട്..
ചിക്കെനു വേണ്ടിയുള്ള നിൽ‌പ്പാണ്..!!
രണ്ട് ചിക്കെൻ പീസ് ഒരുമിച്ചു തിന്നാൻ ശേഷിയില്ല..പാവം!
എന്നാലും ആ പൂതിയേ..!!
അപ്പോഴേ 3 പീസെടൂത്ത് അവന്റെ പ്ലേറ്റൊലോട്ടെടുത്ത് തട്ടി..
പോയിരുന്ന് മൂക്കും മുട്ടെ കഴിക്കുവാൻ ആഹ്വാനം ചെയ്തു..!
ആശ്വാസത്തോടേയുള്ള ആ നോട്ടമൊന്നു കാണണമായിരുന്നു..
എന്നാലും നീയൊക്കെ നമ്മളോടൊന്നു മിണ്ടാണ്ട് കടന്നു കളഞ്ഞല്ലോടാ പഹയാ..!!!

# സ്ഥിരം സസ്യാഹാരിയായൊരു കൂട്ടുകാരനുണ്ട് നമുക്ക് ബ്ലോഗിൽ..
ഇത്തവണയും അദ്ദേഹത്തിന്റെ സാന്നിദ്ധ്യം ഈ ബ്ലോഗ്മീറ്റിനെ ധന്യമാക്കിയിരുന്നു..
അദ്ദേഹവും ക്യൂവിന്റെ ഒന്നാം സ്ഥനത്ത് തന്നെ ഇടം പിടിച്ചിട്ടുണ്ടായിരുന്നു..
കൈയ്യിൽ നീട്ടിപ്പിടിച്ച ഒരു പ്ലേറ്റ് റൈസുമായി..
അദ്ദേഹത്തിനു ചിക്കെൻ വിളമ്പാൻ തുടങ്ങിയ നിമിഷം.. ഞാൻ വിലക്കി.
അതു കേട്ട് നമ്മുടെ കക്ഷി ഒരു ഇളിഭ്യച്ചിരിയോടേ.. വിളമ്പിക്കോ അണ്ണാ.. നോ പ്രോബ്ലെം !
നീ പ്യുഅർ വെജ് അല്ലേ.. നീ കഴിക്കണ്ടാ.. ചിട്ടകളൊന്നും മുടക്കണ്ടാ.. എന്ന് അയാളെ ഉപദേശിച്ച നേരം.. ടി.യാന്റെ കോപത്തോടെയുള്ള നോട്ടം ഇപ്പോഴും മറക്കില്ല മക്കളേ...!!
“ഇങ്ങോട്ടിടേന്റെ മനുശേനേ.. ഞാനുമീ ചിക്കനൊക്കെ തിന്നാൻ തൊടങ്ങി..” !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
ഞാനും വായും പൊളീച്ച് കുറച്ചു നേരം നോക്കി നിന്നു.. ആളോൾക്കു വരുന്നൊരോരോ മാറ്റമേ...!!

ഇനി കുറച്ച് ചിത്രവിശേഷങ്ങളാകാം..!

സജിം & പാവത്താൻ

നയന, സ്വപ്ന, ദേവൻ & യൂസഫ്പാ

ഇതാണു ഞങ്ങ പറഞ്ഞ പാക്കരൻ..!
പാക്കരന്റെ കൂടേ ജോ..

ഞാനും പാക്കുവും..

മത്തായി, നല്ലി, പാക്കു, ഞാൻ, ദേവൻ, നയന, സ്വപ്ന,നിശി & ജിക്കു..

പുണ്യാളനും നന്ദുവും..

ഇദ്ദേഹത്തിന്റെ മസ്സിലു പിടുത്തം കണ്ടാൽ സ്കൂളിലു ഡ്രിൽ മാഷാന്നേ ആരും വിചാരിക്കൂ..; പക്ഷേ ഇംഗ്ലീഷ് മാഷാട്ടോ..

ഞാനും ലതിച്ചേച്ചിയും..

നമ്മടെ എതിർപാർട്ടിക്കാരനാ... കൂടെ നിന്നൊരു ഫോട്ടോയെടുത്തോട്ടെയെന്ന്..ഹും

സ്വപ്നയും ഇമ്പ്രുവും..

യൂസഫ്പാ, ദിമിത്രോവ്, ഒടിയൻ, മനോരാജ്, പാവത്താൻ, ഞാൻ, അലെക്സാണ്ടെർ & ജോ..

സപ്തന്റെ കൂടേ..

ഇവന്റെ ചിരി കണ്ടാൽ രണ്ടെണ്ണം അടിച്ചിട്ടാ നിൽക്കുന്നേയെന്നല്ലേ ആരും പറയൂ.. !!! എനിക്കിട്ട് പുണ്യാളന്റെ കമന്റ്..

വരാൻ കഴിയാത്തവർ 29 നു മുൻപ് പറയണമേ എന്ന് ഞാൻ പോസ്റ്റിട്ടപ്പോൾ..
വരാൻ സാധിക്കില്ല എന്ന് പറഞ്ഞിരുന്നു യൂസഫ്ക്കാ..
ഈ മനുഷ്യന്റെ അസാന്നിദ്ധ്യം വലിയൊരു ഫീലിങ്ങ്സായി എന്റെ മനസ്സിൽ ഉണ്ടായിരുന്നു..
പക്ഷേ രാവിലെ കണ്ടു മുട്ടിയപ്പോൾ മനം കുളിർത്തു..!

ഞാനും സപ്തനും..

പോസ്..!

നിശിക്കുട്ടീ..

ഫിറൊസും ലതിച്ചേച്ചിയും..

എപ്പോ നോക്കിയാലും അതിയാന്റെ കൂടെ 2 കാര്യം കാണും..
ഒന്ന് സിഗറെറ്റ്..പിന്നെ ദോണ്ട് മോളീൽ കാണണ സൂത്രം..

വാഴയും ദേവനും..

മീറ്റിനു രാവിലെ 5 മണിക്ക് വീട്ടിലെത്തിയ കക്ഷി.. അരുൺ

ഹനീഷ്, അലെക്സാണ്ടെർ, അരുൺ & ദേവൻ..

നാട്ടുകാർ..

തൊടുപുഴ മീറ്റ് 2011

2011-08-02T12:22:00.052+05:30

പങ്കെടുക്കുമെന്ന് വാഗ്ദാനം നൽകിയ ചിലരുടെ അസാന്നിദ്ധ്യം കൊണ്ടും, ചിലർ ഒരു സർപ്രൈസ് പോലെ അവരുടെ സാന്നിദ്ധ്യമറിയിച്ച് പങ്കെടുത്തു കൊണ്ടും ശ്രദ്ധേയമാർന്നൊരു സുഹൃദ് കുടുംബസംഗമമായിരുന്നു ഇത്തവണത്തേത്. പതിവുപോലെ തന്നെ ഇത്തവണയും മുൻപ്രസ്താവനകളിൽ നിന്നും വ്യത്യസ്തമായി പത്തരമണിക്കു ശേഷമാണു മീറ്റ് തുടങ്ങാനായത്. ഏകദേശം പത്തേമുക്കാലിനോടടുത്താണ് മീറ്റ് ലീഡ് ചെയ്യാമെന്ന് വാഗ്ദാനം നൽകിയ വാഴക്കോടന്റെ മഹദ്സാന്നിദ്ധ്യമുണ്ടാകുന്നതും മീറ്റ് ആരംഭിക്കുകയും ചെയ്തത്. വാഴക്കോടന്റെ സരസമായശൈലികളിൽ മുഴുകി സദസ്സ് കാതുകൂർപ്പിച്ചിരുന്നു. ഓരോരുത്തരും മറ്റുള്ളവർക്ക് തങ്ങളെ സ്വയം പരിചയപ്പെടുത്തുന്ന ദൌത്യമായിരുന്നു ആദ്യം. വാഴയുടെ സ്വതസിദ്ധമായ നർമ്മത്താൽ ചാലിച്ച ചോദ്യശരങ്ങളിൽ ഒഴുകി മീറ്റ് മുൻപോട്ട് പ്രവഹിച്ചു കൊണ്ടിരുന്നു. പരിചയപ്പെടുത്തലുകൾക്ക് ശേഷം കൊച്ചി മീറ്റിലെ ഫോട്ടോമത്സരവിജയികൾക്ക് ബൂലോക ഓൺലൈൻ & നമ്മുടെ ബൂലോകത്തിന്റെ സാരഥികളൂടെ നേതൃത്വത്തിൽ സമ്മാനവിതരണം നടന്നു. തുടർന്ന് ഉച്ചയോടു കൂടി ഭക്ഷണശേഷം കുറച്ച് ബ്ലോഗേർസ് പിരിഞ്ഞു പോകുകയും മിച്ചമുള്ള ബ്ലോഗേർസ് സൌഹൃദസംഭാഷണങ്ങളിലേക്കും, പരിചയപ്പെടലുകൾ, പരിചയം പുതുക്കൽ എന്നിവയിലേക്കും കടന്നു.

ഫോട്ടോ എടുക്കുവാൻ ഹബ്ബിയെ ഏൽ‌പ്പിച്ചിരുന്നതിനാൽ കാലത്തെ സെഷനിൽ ഞാൻ കാമെറ തൊട്ടതേയില്ലായിരുന്നു. (അദ്ദേഹത്തിന്റെ ഫോട്ടോ സഹിതമുള്ള പോസ്റ്റ് ഉടൻ ഉണ്ടാകുന്നതാണ്) പിന്നീട് ഉച്ചഭക്ഷണശേഷം ഫ്രീടൈം കിട്ടിയപ്പോൾ പകർത്തുവാൻ സാധിച്ച അവശേഷിച്ചിരുന്ന ബ്ലോഗെർമാരുടെ ഫോട്ടോകൾ താഴെ ഇട്ടിട്ടുണ്ട്.

ബൂലോകകാരുണ്യത്തിന്റെ പേരിൽ; കട്ടപ്പനക്കാരൻ സാബുച്ചേട്ടന്റെ ചികിസ്താധനശേഖരണാർത്ഥം മീറ്റ് ഹാളിൽ വെച്ചിരുന്ന ബോക്സിൽ സംഭാവനകൾ നിക്ഷേപിച്ചവർക്ക് ആദ്യമായി ഹൃദയംഗമമായ നന്ദി അറിയിക്കട്ടെ. ഈ മീറ്റ് വിജയകരമാക്കുവാൻ ഇതിൽ പങ്കെടുത്ത ഓരോ ബ്ലോഗേർസിനും എന്റെ സ്വന്തം പേരിൽ ഹൃദയംഗമമായ നന്ദി അറിയിക്കുന്നു. ഈ മീറ്റ് സ്വതസിദ്ധമായ രീതിയിൽ നിയന്ത്രിച്ച് വിജയകരമാക്കുന്നതിൽ പ്രധാന പങ്കു വഹിച്ച വാഴക്കോടനു എന്റെ വലിയൊരു നന്ദി രേഖപ്പെടുത്തുന്നു. പതിവിനു വിരുദ്ധമായി ഈ മീറ്റിൽ ഒരേ ഒരാളേ ഫോണിൽ വിളിച്ച് ആശംസകൾ അറിയിച്ചുള്ളൂ. ഡോ.ജയൻ ഏവൂരിനു എന്റെ ബിഗ് താങ്ക്സ്..!

മീറ്റിനു പങ്കെടുത്തവർ..
(ആരുടെയെങ്കിലും പേരു വിട്ടുപോയിട്ടുണ്ടെങ്കിൽ ക്ഷമിക്കുക..
അത് സൂചിപ്പിച്ചു കൊണ്ട് ഒരു കമന്റിടുവാൻ അപേക്ഷ)

വിനീത് കുമാർ
ജാനകി
വി സി വിൻസെന്റ്
പാച്ചു (ഫൈസൽ)
ചെറിയനാടൻ (നിശികാന്ത്)
ജിക്കു വർഗീസ്
അരുൺ നെടുമങ്ങാട്
റെജി പി വർഗീസ്
ദിമിത്രോവ്
ജോ
നൌഷാദ് വടക്കേൽ
പ്രതി/പ്രദീപ് കുമാർ
മിക്കി മാത്യൂ
ഇ എ സജിം തട്ടത്തുമല
ഷെറിഫ് കൊട്ടാരക്കര
നന്ദകുമാർ
ദേവൻ
ടി യൂ അശോകൻ
അനൂപ്
ബ്രഹ്മദർശൻ സുഭാഷ്
ലതികാ സുഭാഷ്
ബാബുരാജ്
ഹബീബ് (ഹബ്ബി)
സപ്തവർണ്ണങ്ങൾ
രഞ്ജിത് വിശ്വം
റാംജി പാട്ടേപ്പാടം
ഖാദെർ പാട്ടേപ്പാടം
മത്താപ്പ്
ജൈനി
കൂതറ ഹാഷിം
യൂസഫ്പാ
അഞ്ജലി അനിൽകുമാർ
പൊന്മളക്കാരൻ
മാണിക്യം
സങ്കൽ‌പ്പങ്ങൾ (ഹനീഷ് ലാൽ)
ധനേഷ്
ഒടിയൻ
അലെക്സാണ്ടെർ ആന്റണി
വേദവ്യാസൻ
മത്തായി 2ൻഡ്
നിവിൻ
നല്ലി
സ്വപ്നാടകൻ
ഷാജി മാത്യൂ
പുണ്യാളൻ
റെജി മലയാളപ്പുഴ
കൊട്ടോട്ടിക്കാരൻ
പാവത്താൻ
പാക്കരൻ (അനിൽകുമാർ)
മനോരാജ്
സംഷി
സിജീഷ്
പ്രവീൺ വട്ടപ്പറമ്പത്ത്
ഷാജി ടി യു
വാഴക്കോടൻ
ഹരീഷ് തൊടുപുഴ

എന്റെ കൈയ്യിൽ വന്നുപെട്ടവർ..!

യൂസഫ്പാ

വാഴക്കോടൻ

സ്വപ്നാടകൻ

ഷെറീഫ് കൊട്ടാരക്കര

ഷാജി ടി യൂ

സജിം തട്ടത്തുമല

റെജി പുത്തെൻപുരയ്ക്കൽ

രഞ്ജിത്ത് വിശ്വം

വേദവ്യാസൻ & വൈഫ്

പുണ്യാളൻ

പാവത്താൻ (ശിവപ്രസാദ്)

പാക്കരൻ

പാച്ചു (ഫൈസൽ മുഹമ്മദ്)

ഒടിയൻ (ശ്രീജിത്ത്)

നിവിൻ

ചെറിയനാടൻ (നിശികാന്ത്)

സപ്തവർണ്ണങ്ങൾ (നവീൻ)

നന്ദകുമാർ

നല്ലി

മിക്കി മാത്യൂ

മത്തായി 2ൻഡ് (മാത്യൂ ജിതിൻ)

മനോരാജ്

മാണിക്യം (ജോജിമ്മ)

ലതി (ലതികാ സുഭാഷ്)

ജൊ

ജിക്കൂസ്

ഹബ്ബി

സങ്കൽ‌പ്പങ്ങൾ (ഹനീഷ് ലാൽ)

ദിമിത്രോവ്

ധനേഷ്

ദേവൻ

അരുൺ നെടുമങ്ങാട്

അലെക്സാണ്ടെർ

നയന (D/o.നിശി)

ഡാനി

ഫിറോസ്

ഹബ്ബിയുടെ പോസ്റ്റിലോട്ട് പോകുവാൻ ഇതുവഴി വരൂ..

ഗ്രൂപ്പ് ഫോട്ടോ @ തൊടുപുഴ മീറ്റ് 2011

2011-08-01T06:31:00.004+05:30

തൊടുപുഴയിലേക്കു ഏല്ലാവര്‍ക്കും സ്വാഗതം..

2011-07-26T14:31:00.015+05:30

# ബ്ലോഗ് സുഹൃദ് കുടുംബസംഗമം @ തൊടുപുഴ..
ജൂലൈ 31 നു അര്‍ബന്‍ ബാങ്ക് ഹാള്‍ ആഡിറ്റോറിയത്തില്‍..
ഏവര്‍ക്കും സ്വാഗതം..

# മീറ്റ് ആരംഭം - 10 AM
റെജി.ഫീ - Rs.200/-

# വരാമെന്ന് പറഞ്ഞിരുന്നവരുടെ ലിസ്റ്റില്‍ ഉള്ളവരുടെ കൂടേ അവരുടെ ഫാമിലിയോ കൂട്ടുകാരോ മറ്റോ വരാനുദ്ദേശിക്കുന്നുണ്ടെങ്കില്‍ ആയതിന്റെ എണ്ണവും ദയവായി ശ്രദ്ധയില്പെടുത്തുവാന്‍ അഭ്യര്‍ത്ഥിക്കുന്നു..

# പ്രസ്തുത ലിസ്റ്റില്‍ ഉള്ളവര്‍ക്ക് ആര്‍ക്കെങ്കിലും പ്രസ്തുത മീറ്റില്‍ സംബന്ധിക്കുവാന്‍ കഴിയാതെ വരുന്ന സാഹചര്യമുള്ള പക്ഷം ജൂലൈ 29നു മുന്‍പായി അറിയിക്കണമെന്ന് അഭ്യര്‍ത്ഥിക്കുന്നു..

# contact no: Hareesh - 9447302370
Devan - 8547527737

ഹരീഷ്
മത്തായി 2ന്‍ഡ്
അബിദ് ഫ്രാന്‍സിസ്
പ്രതി /pradeep
ഡോ.ബാബുരാജ്
Alex
ജി.നിശികാന്ത്
ദേവന്‍
സപ്തവര്‍ണ്ണങ്ങള്‍
sudev
കൊട്ടോട്ടിക്കാരന്‍
സിജീഷ്
വിനയന്‍
പൊന്മളക്കാരന്‍
പാട്ടേപ്പാടം റാംജി
നൌഷാദ് വടക്കേല്‍
പ്രവീണ്‍ വട്ടപ്പറമ്പത്ത്
സങ്കൽ‌പ്പങ്ങൾ (ഹനീഷ് ലാൽ)
ഡി. പ്രദീപ് കുമാർ
സജിം തട്ടത്തുമല
അഞ്ജലി അനില്‍കുമാര്‍
ജിക്കു
ജാബിര്‍ മലബാറി
മനോരാജ്
പാവത്താന്‍
റെജി പുത്തെന്‍പുരക്കല്‍
ഗോപകുമാര്‍ വി എസ്
മിക്കി മാത്യൂ
ജെയിന്‍
ജോ
ഗോപക് യു ആര്‍
ഒരുമ (2)
സ്വപ്നാടകന്‍
അനൂപ്
സംഷീ
ഷെറീഫ് കൊട്ടാരക്കര
രഞ്ജിത് വിശ്വം
വേദവ്യാസൻ(2)
നന്ദകുമാർ
പാക്കരൻ
തകര്‍പ്പന്‍
ഡോ. ആർ.കെ. തിരൂർ
കൈലാസം കഥകൾ
Anil
ഇലക്ട്രോണിക്സ് കേരളം (അജിത്)
അലെക്സാണ്ടെര്‍
സന്തോഷ്
പകല്‍ കിനാവന്‍
മുരളിക
അരുണ്‍ കായംകുളം (??)
T.U. അശോകന്‍
നല്ലി
നൌഷാദ് (??)
നിവിന്‍
പുണ്യാളൻ
അരുണ്‍ നെടുമങ്ങാട്
നാട്ടുകാരന്‍
ഒടിയന്‍
സന്ദീപ് പാമ്പള്ളി
syrian voice
മത്താപ്പ് /ദിലീപ്
ദിമിത്രോവ്
ലതികാ സുഭാഷ്
മാണിക്യം
വാഴക്കോടന്‍

തൊടുപുഴ മീറ്റിന്റെ ആരവങ്ങളിലേക്ക് സ്വാഗതം..

2011-07-13T07:19:00.007+05:30

ഏകദേശം 56 പേരോളം പ്രസ്തുത മീറ്റിനു സംബന്ധിക്കാമെന്ന് ഇതുവരെ വാഗ്ദാനം നല്‍കിയിട്ടുണ്ട്..
ഇനിയും കൂടുതല്‍ ബ്ലോഗേര്‍സിനെ പ്രതീക്ഷിക്കുന്നുമുണ്ട്..
തൊടുപുഴക്കു എത്തിച്ചേരുവാനുള്ള സ്കെച്ച് താഴെ കൊടുത്തിട്ടുണ്ട്..
വഴിയൊ ഹാളിന്റെയൊ കാര്യത്തിന്‍ മേലുള്ള സംശയനിവാരണം സാധിച്ചു കൊടുക്കുന്നതാണ്..
ടി. ലിസ്റ്റില്‍ ഉള്ളവര്‍ക്ക് ആര്‍ക്കെങ്കിലും പ്രസ്തുത മീറ്റില്‍ സംബന്ധിക്കുവാന്‍ കഴിയാതെ വരുന്ന സാഹചര്യമുള്ള പക്ഷം ജൂലൈ 29നു മുന്‍പായി അറിയിക്കണമെന്ന് അഭ്യര്‍ത്ഥിക്കുന്നു..
ടി.ലിസ്റ്റില്‍ ഉള്ളവരുടെ കൂടേ അവരുടെ ഫാമിലിയോ കൂട്ടുകാരോ മറ്റോ വരാനുദ്ദേശിക്കുന്നുണ്ടെങ്കില്‍ ആയതിന്റെ എണ്ണവും ദയവായി ശ്രദ്ധയില്പെടുത്തുവാന്‍ അഭ്യര്‍ത്ഥിക്കുന്നു..
മുന്‍പ് ഉദ്ദേശിചിരുന്നതില്‍ നിന്നും വ്യത്യസ്തമായി ഫുഡിന്റെ മെനുവില്‍ മാറ്റം വരുത്തിയതിനാല്‍ ആളൊന്നുക്ക് റെജി.ഫീസ് 200 രുപയായി നിജപ്പെടുത്തിയിരിക്കുന്നു..
കുട്ടികള്‍ക്ക് ടി.ഫിസ് ഉണ്ടായിരിക്കുന്നതല്ലാ..
അപ്പോള്‍ എല്ലാവരേയും തൊടുപുഴയുടെ മണ്ണിലേക്ക് ഒരിക്കല്‍ കൂടി സ്വാഗതം ചെയ്തു കൊണ്ട്..

ദേവന്‍ : 8547527737
ഹരീഷ് : 9447302370

മീറ്റ്-ജൂലൈ 31സ്റ്റ്
വെന്യൂ-തൊടുപുഴ അര്‍ബന്‍ ബാങ്ക് ഹാള്‍ ആഡിറ്റോറിയത്തില്‍

സംഹാരരുദ്രയായ് ഭൂതകാല കാമുകി

2011-07-04T19:20:00.015+05:30

മഴയേക്കുറിച്ചൊരു കവിത മാതൃഭൂമിയിലെ കുട്ടേട്ടനു അയച്ചുകൊടുക്കുന്നതിനായി എഴുതിക്കൊണ്ടിരിക്കുന്ന സമയത്താണ് ഞാനവളെ ആദ്യമായി ശ്രദ്ധിക്കുവാൻ തുടങ്ങിയത്! തൊടിയിലെ ഇടവഴികളിൽ വെച്ചും അമ്പലത്തിനുള്ളിലെ പ്രദിക്ഷിണവഴികളിലും മറ്റും വെള്ളിക്കൊലുസും കിലുക്കി ഓടിയടൂക്കുന്ന അവളെ ഞാനേറേ കൌതുകത്തോടെ വീക്ഷിച്ചു പോന്നു. അച്ഛനുപേക്ഷിച്ച് പോയ പഴയ കവിഞ്ചിയിൽ കാലും കയറ്റി ഉമ്മറത്തിരുന്ന് പതിവായി പുസ്തകപാരായണം നടത്തുന്ന വേളകളിൽ; എതിർവശത്തെ പാടത്തു വീളഞ്ഞു നിൽക്കുന്ന നെൽകതിരുകളെ തന്റെ ഇളം കൈകളാൽ തഴുകി പുണർന്ന് മന്ദം മന്ദം നട കൊണ്ടിരുന്ന അവളിൽ ഞാൻ പതിയെപ്പതിയെ അനുരക്തനാവുകയായിരുന്നു. രാത്രിയുടെ ആദ്യയാമത്തിൽ തന്നെ സുഖസുഷുപ്തിയിലേക്ക് വഴുതി വീഴുന്ന പല അവസരങ്ങളിലും തന്റെ അബോധമനസ്സിനുള്ളിൽ അവളുടെ പാദസരത്തിന്റെ മണിയൊച്ച ചിലമ്പുന്നത് അവ്യക്തമായി ശ്രവിക്കാറുണ്ടായിരുന്നു. ആദ്യമൊക്കെ അവളോടു തോന്നിയ പ്രേമം പതിയെപ്പതിയെ കാമത്തിലോട്ട് വഴിമാറിയൊഴുകിത്തുടങ്ങിയ വേളകളിൽ അവളെ ഇറുകെപ്പുണർന്ന് അവളിൽ നനഞ്ഞു കുളിച്ച് നീരാടുവാൻ കൊതി തോന്നിത്തുടങ്ങി..!

************************************

താമസിയാതെ എന്റെ വിവാഹം നടന്നു. എന്റെ വിവാഹശേഷം മൂത്ത കുഞ്ഞിന്റെ ജനനശേഷമാണു എനിക്കവളോട് (പഴയ കാമുകിയോട്) കലശലായ ദ്വേഷ്യം അനുഭവപ്പെട്ടു തുടങ്ങിയത്. അനവസരത്തിലുള്ള അവളൂടെ പല ഒത്തുചേരലുകളൂം എന്റെ മനസ്സിനെ നിരുന്മേഷനാക്കി മാറ്റി. അവളീൽ നിന്നും പലപ്പോഴും ഓടിയൊളീക്കുവാനും, എന്റെ കുഞ്ഞുമായി അവൾ ചങ്ങാത്തം കൂടുവാതിരിക്കുവാനും ഞാൻ നിരന്തരം ശ്രദ്ധ ചെലുത്തിക്കൊണ്ടിരുന്നു. എന്നിട്ടും പലപ്പോഴും എന്റെ കണ്ണുംവെട്ടിച്ച് പലയിടത്തും വെച്ച് എന്റെ കുഞ്ഞിനെയവൾ വാരിയെടുത്ത് താലോലിക്കുന്നത് കണ്ടെന്റെ മനസ്സ് പലപ്പോഴും രോഷാകുലമായി. സംഹാരരുദ്രമായമനസ്സോടെയുള്ള അവളൂടെ ചെയ്തികൾ എന്നിൽ ഭീതി നിറക്കുവാൻ കാരണമാവുകയും; എന്റെ കീശ നാൾക്കു നാൾ കാലിയാക്കപ്പെടുകയും ചെയ്തു കൊണ്ടിരുന്നു. എന്റെ എല്ലാവിധ പ്രതിരോധവും ഉപരോധിച്ച് വെല്ലുവിളിക്കുന്ന അവളൂടെ ഓരോ ചുവടുകളിലും എന്നോടുള്ള പ്രതികാരത്തിന്റെ ലാഞ്ചന ഞാൻ നിസ്സഹായനായി വീക്ഷിച്ചു കൊണ്ടിരുന്നു. അങ്ങനെയിരിക്കെ ഒരുനാൾ രാവിലെ മോളെയും കൂട്ടി സ്കൂളിൽ പോകുന്ന സമയത്താണു അവിചാരിതമായി വഴിമുടക്കിക്കൊണ്ട് അവളൂടെ അട്ടഹാസം മുഴങ്ങിക്കേട്ടത്. മനസ്സിലാസമയത്ത് അവളോട് ഉടലെടുത്ത കാർമേഘപടലങ്ങളെ പിഴുതുമാറ്റുവാൻ പ്രതികാരാഗ്നിയോടെ അടുത്തു കണ്ട ഒരു അംബ്രെല്ലാക്കടയിൽ കയറുകയും കുഞ്ഞിനും എനിക്കും ഓരോ മഴക്കോട്ടും തൊപ്പിയും വാങ്ങി അവ ധരിച്ച് പഴയകാമുകിയെ പല്ലിളിച്ച് കാട്ടി അനുസൂതം യാത്ര തുടരുകയും ചെയ്തു..!

മുറിവുകൾ..

2011-06-27T14:38:00.001+05:30

കാലം..!!

എന്നില്‍ മുറിവുകള്‍ നെയ്യുന്നു..

എന്റെ ധമനികളില്‍ പായുന്ന ചുടു രക്തത്തെ..

ഉപേക്ഷിച്ച്; എന്നില്‍ നിന്നകലുന്ന..

എന്റെ പ്രിയ ശരീരാംശങ്ങള്‍..

നിര്‍ജ്ജീവാവസ്ഥയില്‍ മണ്ണില്‍ അലിഞ്ഞു ചേരുന്നു..

നാളെ പുതുനാമ്പുകള്‍ വരും എന്നില്‍ ഉന്മേഷം നിറയ്ക്കാന്‍..

എന്നാലും..

തൊടുപുഴ മീറ്റ് ലോഗൊ..!

2011-06-21T12:38:00.010+05:30

തൊടുപുഴ ബ്ലൊഗ് മീറ്റ് ലോഗൊ നിങ്ങളുടെ ബ്ലോഗിലും നല്‍കാന്‍ താഴെ കാണുന്ന കോഡ്, HTML Gadget ആയി ആഡ് ചെയ്യു...

തൊടുപുഴ മീറ്റ് @ ജൂലൈ 31

2011-06-18T13:11:00.028+05:30

അങ്ങിനെ ഹാള്‍ ബുക്ക് ചെയ്തു..
ഫുഡും..
ജൂലൈ 31 നു..
തൊടുപുഴ അര്‍ബന്‍ ബാങ്ക് ഹാള്‍ ആഡിറ്റോറിയത്തില്‍ വെച്ച് വീണ്ടും നമുക്ക്
ഒന്നു കൂടി സന്ധിക്കാം..

കോണ്ടാക്ട് നമ്പെറുകള്‍ -
ദേവന്‍ : 8547527737
ഹരീഷ് : 9447302370

ഹരീഷ്
മത്തായി 2ന്‍ഡ്
അബിദ് ഫ്രാന്‍സിസ്
പ്രതി (??)
രെഞ്ജിത് ചെമ്മാട്
സുനില്‍ കൃഷ്ണന്‍
ജി.നിശികാന്ത്
ദേവന്‍
സപ്തവര്‍ണ്ണങ്ങള്‍
മണികണ്ഠന്‍
കൊട്ടോട്ടിക്കാരന്‍
സിജീഷ്
വിനയന്‍
പൊന്മളക്കാരന്‍
യൂസഫ്പാ
നൌഷാദ് വടക്കേല്‍
പ്രവീണ്‍ വട്ടപ്പറമ്പത്ത്
സങ്കൽ‌പ്പങ്ങൾ (ഹനീഷ് ലാൽ)
ഡി. പ്രദീപ് കുമാർ
സജിം തട്ടത്തുമല
മത്താപ്പ്
ജിക്കു
ജാബിര്‍ മലബാറി
മനോരാജ്
പാവത്താന്‍
റെജി പുത്തെന്‍പുരക്കല്‍
ഗോപകുമാര്‍ വി എസ്
മിക്കി മാത്യൂ
ജെയിന്‍
ജോ
ഗോപക് യു ആര്‍
ഒരുമ (2)
സ്വപ്നാടകന്‍
അനൂപ്
സംഷീ
ഷെറീഫ് കൊട്ടാരക്കര
രഞ്ജിത് വിശ്വം
വേദവ്യാസൻ
നന്ദകുമാർ
പാക്കരൻ
തകര്‍പ്പന്‍
ഡോ. ആർ.കെ. തിരൂർ
കൈലാസം കഥകൾ
ജി.മനു
ഇലക്ട്രോണിക്സ് കേരളം (അജിത്)
അലെക്സാണ്ടെര്‍
സന്തോഷ്
പകല്‍ കിനാവന്‍
മുരളിക
അരുണ്‍ കായംകുളം (??)
ഡോ.ബാബുരാജ്
നല്ലി
നൌഷാദ് (??)
നിവിന്‍ (??)
പുണ്യാളൻ
അരുണ്‍ നെടുമങ്ങാട്
ജോസാന്റണി
പാവപ്പെട്ടവന്‍
സന്ദീപ് പാമ്പള്ളി
പാട്ടേപ്പാടം റാംജി
ജയന്‍ ഏവൂര്‍ (??)
നാട്ടുകാരന്‍
ഒടിയന്‍

മീറ്റ് പോസ്റ്റ്..

2011-06-17T11:17:00.009+05:30

ഇവിടെയും ബസ്സിലും പോസ്റ്റ് ഇട്ടതിന്റെ ഫലമായി താഴെപ്പറയുന്ന ബ്ലോഗേര്‍സ് തൊടുപുഴയില്‍ കൂടിച്ചേരുവാന്‍ സന്നദ്ധത പ്രകടിപ്പിച്ചിട്ടുണ്ട്..

ഹരീഷ്
മത്തായി 2ന്‍ഡ്
അബിദ് ഫ്രാന്‍സിസ്
പ്രതി (??)
രെഞ്ജിത് ചെമ്മാട്
സുനില്‍ കൃഷ്ണന്‍
ജി.നിശികാന്ത്
ദേവന്‍
സപ്തവര്‍ണ്ണങ്ങള്‍
മണികണ്ഠന്‍
കൊട്ടോട്ടിക്കാരന്‍
അരുണ്‍ ഇലെക്ട്ര
ചാണ്ടിക്കുഞ്ഞ്
പൊന്മളക്കാരന്‍
യൂസഫ്പാ
നൌഷാദ് വടക്കേല്‍
പ്രവീണ്‍ വട്ടപ്പറമ്പത്ത്
അപ്പു
പൊറാടത്ത്
സജിം തട്ടത്തുമല
മത്താപ്പ്
ജിക്കു
നിരക്ഷരന്‍
മനോരാജ്
പാവത്താന്‍
റെജി പുത്തെന്‍പുരക്കല്‍
ഗോപകുമാര്‍ വി എസ്
മിക്കി മാത്യൂ
ജെയിന്‍
ജോ
ഗോപക് യു ആര്‍
ഷാജി ടി യൂ
സ്വപ്നാടകന്‍
അനൂപ്
സംഷീ
ഷെറീഫ് കൊട്ടാരക്കര
രഞ്ജിത് വിശ്വം
വേദവ്യാസൻ
നന്ദകുമാർ
പാക്കരൻ
തകര്‍പ്പന്‍

ടി. സംരംഭം വിജയകരമാക്കുന്നതിനായി ഇനിയും കൂടുതല്‍ ബ്ലോഗേര്‍സിന്റെ സഹകരണം ആവശ്യമാണ്. ജൂലൈ 31 നാണു ഉദ്ദേശിച്ചിരിക്കുന്നത്. മിനിമം അന്‍പത് പേരെങ്കിലും ഉറപ്പ് പറഞ്ഞാലേ എത്രയും പെട്ടന്ന് ഹാള്‍ ബുക്ക് ചെയ്യുവാന്‍ സാധിക്കൂ. ആയതിനാല്‍ താല്പര്യമുള്ളവര്‍ എത്രയും പെട്ടന്ന് പ്രതികരിക്കുമെന്ന് പ്രതീക്ഷിക്കുന്നു..

ഒന്നു കൂടി മീറ്റാന്‍ താല്പര്യമുണ്ടോ..??!!

2011-06-14T13:25:00.003+05:30

കര്‍ക്കിടത്തില്‍ പ്രത്യേകിച്ച് പണിയൊന്നുമില്ല..
എങ്ങനാ ഒന്നു കൂടിയാലോ..??
ആളൊന്നുക്ക് പത്തു നൂറ്റന്‍പതു രൂപാ മുടക്കിയാല്‍..
ഇവിടെ കൊടുത്തിരിക്കുന്ന ഹാളില്‍..
2 കൂട്ടം പായസം സഹിതം സ്വാദേറിയ ഒരു വെജ് ഊണും..
കുറച്ച് കൊച്ചുവര്‍ത്താനം പറഞ്ഞ് പോട്ടമെടുത്ത്..പിരിയാം
കര്‍ക്കിടകം ജുലായ് 17 മുതല്‍ ആഗസ്ത് 16 വരെയാണു..
അതില്‍ ഏത് ഞായറാഴ്ചയും ഞാന്‍ റെഡി..
കുറഞ്ഞത് 50 പേരെങ്കിലും ഉറപ്പുണ്ടാകണം..
എത്രയും പെട്ടന്ന് ഉറപ്പുകള്‍ തരുമെങ്കില്‍ ഒരു ദിവസം നോക്കി ഹാള്‍ ബുക്ക് ചെയ്യാം..
എല്ലാവര്‍ക്കും സ്വാഗതം..:)

5-35 !

2011-06-12T17:19:00.001+05:30

5-10 അവളുടെ കൂടെ തോളത്തും കൈയ്യിട്ട് സ്കൂളീൽ പോണം..
ചേച്ചീടെ വളകൾ സൂത്രത്തിൽ കട്ടെടുത്ത് പിറ്റേന്ന് അവൾക്ക് സൂക്ഷിക്കാനായി അതൊടിച്ച് വളപ്പൊട്ടുകൾ നൽകും..
വാനം കാണിക്കാതെ മയില്പീലി അവളൂടെ പുസ്തകത്താളിനുള്ളിൽ തിരുകി വെയ്ക്കും.. എന്നിട്ട് സ്വപ്നങ്ങൾ നെയ്തുണ്ടാക്കും..
അവളെ നോക്കി കൊഞ്ഞനം കുത്തുന്നവനുമായി ഏറ്റുമുറ്റും..
ഇടീം വാങ്ങിക്കൂട്ടി ചോരയൊലിപ്പിച്ച് ഏങ്ങലടിച്ചു നിൽക്കുന്ന എന്നെയവൾ സമാധാനിപ്പിക്കും..
“പോട്ടെടാ.. നിനക്ക് ഞാനില്ലേടാ..”
അവൾ മറ്റൊരാളോടു കൂട്ടുകൂടുന്നതോ കൂടെ നടക്കുന്നതോ ഒന്നും ഇഷ്ടമല്ല..
അങ്ങിനെ വന്നാൽ പൊസ്സസ്സീവ്നെസ്സ് അതിന്റെ ഏറ്റവും ടോപ്പിലെത്തും..!

10-15 അവളോട് നിയന്ത്രിതമായൊരിഷ്ടം..
സ്വന്തമാക്കണമെന്ന അടങ്ങാത്ത അഭിവാൻഛ..
വളർന്ന് വലുതായി ജോലിയൊക്കെ കിട്ടി അവളേം പുറകിലിരുത്തി..
ബൈക്കിൽ ടൌണിലൂടെ..
പഴേ ക്ലാസ്സ്മേറ്റ്സിന്റെ മുൻപിലൂടെ ചെത്തി നടക്കാനുള്ള പൂതി..!

16-23 ഒരു ഫിലിം സ്റ്റാറിന്റെ സൌന്ദര്യവും സെക്സി ലുക്കും അവൾക്കുണ്ടാകണം..
ഫുൾ ടൈം ഫാന്റസികളിൽ മുഴുകി നടക്കുവാനുള്ള അഭിവാൻഛ..
മോഡേൻ ഫാഷൻ ജീവിതരീതികളിൽ നീന്തിത്തുടിക്കുവാനുള്ള മോഹം..!

24-30 ജീവിതത്തേക്കുറിച്ച് സീരിയസ്നെസ്സായി ചിന്തിച്ചു തുടങ്ങി..
അവളൊരു ആവറേജ് സൌന്ദര്യമുള്ളൊരു പെണ്ണായാലും മതി..
സ്ത്രീധനം വല്ലതും കിട്ടണം.. ഇല്ലേൽ അടിയന്തിരാവസ്ഥക്കാലത്ത് പട്ടിണി കിടക്കേണ്ടി വരും..!

30-35 സൌന്ദര്യം ഒരു പ്രശ്നമേയല്ലാ.. കറുത്തിരുണ്ടിരുന്നാലും ഐശ്വര്യമുണ്ടായാൽ മതി..
പക്ഷേ; കാര്യപ്രാപ്തി, കാര്യങ്ങളെ സമചിത്തയോടെ നേരിടാനുള്ള കോൺഫിഡെൻസും ധൈര്യവുമുള്ളൊരു പെണ്ണായിരിക്കണം അവൾ..
എങ്കിൽ ജീവിതം സുരഭിലം..!

ഹരിശങ്കറെ ഇനിയും കൊല ചെയ്യണമോ..??

2011-06-09T17:37:00.012+05:30

http://www.youtube.com/watch?v=RNRQTb3sBbo

മുകളിലെ ലിങ്കില്‍ (കു)പ്രസിദ്ധമായ സിത്സിലാ ആല്‍ബത്തിന്റെ നിര്‍മാതാവും ഗായകനും സര്‍വ്വോപരി എല്ലാമായ ഹരിശങ്കറുമായി അഭിമുഖം ചെയ്യുന്നതിനിടയില്‍ അദ്ദേഹം ഇങ്ങനെ പ്രസ്താവിക്കുന്നുണ്ട്..
“എന്ത് കാര്യത്തിനാണെങ്കിലും കഴിവ് ഒരു പ്രധാന ഘടകമാണ്.. പാട്ടു പാടണമെങ്കിലോ ചിത്രം വരക്കണമെങ്കിലോ.. എന്തു തന്നെയായാലും ദൈവാനുഗ്രഹം മൂലമുള്ള കഴിവുണ്ടെങ്കിലേ അതു സാധിക്കൂ”. നമ്മള്‍ തമ്മിലെ ഈ അഭിമുഖം കണ്ട പല പ്രേക്ഷകരും അദ്ദേഹത്തെ വീണ്ടും കൊട്ടുവാനുള്ളൊരു വടിയായേ ആ പ്രസ്താവനയേയും കണ്ടുള്ളു എന്നത് പരിതാപകരം തന്നെയാണ്..

ദൈവത്തെ ഞാന്‍ ആദ്യം തന്നെ ഇവിടെ ഒഴിവാക്കുന്നു. ഇല്ലെങ്കില്‍ യുക്തിവാദികള്‍ എന്റെ പുറകേ കൊട്ടാനായി നടക്കുമെന്നതു തന്നെ! കഴിവ്.. അതാണിവിടത്തെ വിഷയം. ഹരിശങ്കറിന്റെ പ്രസ്തുത അഭിപ്രായത്തെ പോലും നിര്‍ദാക്ഷിണ്യം തള്ളിക്കളയുന്ന ബഹുഭൂരിപക്ഷം വരുന്ന പ്രേക്ഷകരോട് ഒന്നു ചോദിച്ചോട്ടെ? ടി.യാനിത്തിരിയെങ്കിലും കഴിവില്ലായിരുന്നെങ്കില്‍ ടി.ആല്‍ബം വെളിച്ചത്തു കൊണ്ടുവരാനാകുമായിരുന്നോ..?? കഴിവിനെ പുച്ഛിച്ചു തള്ളുന്ന സുപ്പീരിയറ്റി കോമ്പ്ലെക്സുമായി നടക്കുന്ന ഞാനടക്കമുള്ള മലയാളികളോട് ഒരു ചോദ്യം.. നിങ്ങള്‍ക്ക് എത്ര പേര്‍ക്ക് തെങ്ങുകയറ്റമറിയാം..?? അതുമൊരു കഴിവാണ്. ഇല്ലെന്നു നിങ്ങള്‍ക്ക് തെളിയിക്കാമോ..?? സ്ഥിരമായ പരിശീലനത്തോടെ ആയത് സാധ്യമാകും എന്ന് പ്രതികരിക്കുന്നവരോടൊന്നു പറയട്ടെ; ത്വായിപ്പിനിടയില്‍ രണ്ടു കാലും ഘടിപ്പിച്ച് നിങ്ങളൊന്ന് കയറി നോക്കൂ. ആദ്യത്തെ സ്റ്റെപ്പ് നിങ്ങള്‍ വിജയകരമാക്കിയേക്കം. പക്ഷേ രണ്ടാമത്തെ സ്റ്റെപ്പിനു നിങ്ങളുടെ മനസ്സു വരുന്നിടത്ത് ശരീരം വരില്ല. സംശയമെങ്കില്‍ നമുക്ക് ബെറ്റു വെച്ചു നോക്കാം..!! അല്ലെങ്കില്‍ പോട്ടെ.. അതിത്തിരി ശാരീരികാദ്ധ്വാനം വേണ്ട സംഗതിയാണല്ലോ. നിങ്ങളിലാര്‍ക്കു കഴിയും ഒരു റിയല്‍ എസ്റ്റേറ്റ് ബ്രോക്കെറാകാന്‍. ഹൈക്ലാസ്സ് ബ്രോക്കെറുടെ കാര്യമൊന്നുമല്ല കെട്ടോ. അവര്‍ക്കൊന്നും പ്രത്യേകിച്ച് വലിയ പണിയൊന്നുമില്ല. ചുമ്മാ വായും പൊളിച്ച് ഇരുന്നുകൊടുത്താല്‍ മതി..! ഞാന്‍ പറഞ്ഞു വരുന്നത്; നമ്മുടെ നാട്ടിന്‍ പുറത്തെ കവലയിലൊക്കെ കാണില്ലേ കൂട്ടം കൂടി നില്‍ക്കുന്ന പെട പെടക്കുന്ന ഡ്രെസ്സ് കോഡുമായി നില്‍ക്കുന്ന ചുള്ളന്‍ ബ്രോക്കേര്‍സ്. അവരെ.. ഒരു കക്ഷിയെ അവരുടെ കൈയ്യില്‍ കിട്ടിയാല്‍ ആ കച്ചവടം വിജയകരമായി നടത്തിയെടുക്കുന്ന അവരുടെ നെയ്ക്ക് നിങ്ങള്‍ ശ്രദ്ധിച്ചിട്ടുണ്ടൊ. അവസാനം കൈയ്യടിക്കുവാന്‍ വേണ്ടി അവര്‍ കാണിക്കുന്ന തത്രപ്പാടും അതിലേക്ക് ഇരു കക്ഷികളെയും എത്തിക്കുന്ന രീതിയും കഴിവും നിങ്ങള്‍ ശ്രദ്ധിച്ചിട്ടുണ്ടൊ. പറയൂ.. നിങ്ങളെത്ര പേര്‍ക്ക് കഴിയും അങ്ങിനെ വിജയകരമായൊരു കച്ചവടം നടത്താന്‍..??

സ്വന്തം കിടപ്പറയില്‍ ഭാര്യയുടെ മുന്‍പില്‍ സ്ഥിരമായി തോല്‍വികളെറ്റുവാങ്ങുന്ന എത്രയോ പേര്‍ വരെ; ഹരിശങ്കറെ ഒരു നിഷ്കൃഷ്ട ജീവിയായി പരിഹസിച്ച്, കഴിവ് എന്ന വാചകത്തെ ഇകഴ്ത്തുവാന്‍ മുന്നിട്ടിറങ്ങുന്നുണ്ടാകും. നിഷ്കൃഷ്ടജീവിയായി കണക്കിലെടുക്കുന്ന ഒരു സാധാരണ പല്ലിക്കു പോലും ഈ പ്രപഞ്ചത്തില്‍ അതിന്റെ സ്രഷ്ടാവ് ഒരു ധര്‍മ്മം കൊടുത്തിട്ടുണ്ടാകും. ചെറുകീടങ്ങളെയും ഈയലുകളെയും മറ്റും തിന്നൊടുക്കി വിശപ്പു ശമിപ്പിക്കുന്ന പല്ലി മറ്റൊരു രീതിയിലെങ്കിലും നമുക്ക് പ്രയോജനമുള്ളവരാണ്. ആയതിനാല്‍ ഒരു സിത്സില ആല്‍ബം പുറത്തിറക്കി എന്നപേരില്‍ അതിന്റെ ഊടും പാവും നെയ്ത ഹരിശങ്കരെ അധിഷേപിച്ച് അവഹേളിതനാക്കുവാന്‍ ശ്രമിക്കുന്നത്; താനാണു മറ്റാരേക്കാളും മുന്തിയവന്‍ എന്ന മലയാളിയുടെ അഹന്തയുടെ മൂര്‍ദ്ധന്യഭാവത്തിന്റെ പ്രഥമ ദൃഷ്ടാന്തമാണ്. സൃഷ്ടിയുടെ പേരില്‍ തന്റെ നേരെ എയ്തിടുന്ന ഓരോ അമ്പുകളിലും പതറി ചൂളി പമ്മുന്ന ഹരിശങ്കര്‍ ഞാനടക്കമുള്ള കുറച്ചു പേരുടെയെങ്കിലും പ്രതീകമാണ്. പാരഡിയെക്കാളും കഷ്ടമുള്ള വാക്കുകള്‍ പെറുക്കി വെച്ചും കരാട്ടേ അഭ്യാസങ്ങള്‍ വരെ ഡാന്‍സ് ഐറ്റമാക്കുന്ന സുപ്രസിദ്ധരുടെ ഗാനചിത്രീകരണങ്ങള്‍ക്കൊപ്പിച്ച് വാഴ്ത്തിപ്പാടുന്ന നമുക്ക് കുറച്ചു നാളെക്കെങ്കിലും അദ്ദേഹത്തെ വെറുതെ വിടാം..

അച്ഛന്‍..

2011-06-08T18:09:00.002+05:30

അച്ഛനെപ്പോഴാണ് ഉറങ്ങിപ്പോയതെന്ന് അറിഞ്ഞില്ല. അവസാനമായി ഞാന്‍ കാണുമ്പോള്‍; അദ്ദേഹത്തിന്റെ നെഞ്ചില്‍ ഇരു കൈകളും കൂട്ടി ശക്തിയായി അമര്‍ത്തുന്ന വെള്ളക്കോട്ടിട്ട ഒരു മനുഷ്യനും കൂടെ വെള്ള വസ്ത്രങ്ങള്‍ ധരിച്ച കുറച്ച് അപരിചിതരെയുമാണു കണ്ടത്. കാഷ്വാലിറ്റി റുമിന്റെ വാതിലിന്റെ മുന്‍പില്‍ നിന്ന് ഞാന്‍ കെഞ്ചി; എന്നേക്കൂടി ഒന്ന് അകത്തേക്ക് കടത്തി വിടൂ എന്ന്. പക്ഷേ..; വെള്ളകോട്ടിട്ട് അസാധാരണമായി വിളറി വെളുത്ത മുഖഭാവത്തോടെയുള്ള ഒരു നഴ്സ് എന്നെ സമാധാനിപ്പിച്ച്; മുന്‍പില്‍ വിശ്രമിച്ചിരുന്ന നീണ്ട ബഞ്ച് ചൂണ്ടിക്കണിച്ച് അവിടിരിക്കുവാന്‍ അപേക്ഷിക്കുകയാണു ചെയ്തത്.

ഓഫീസിലിരിക്കുമ്പോഴാണു “അച്ഛനെന്തോ സുഖക്കേടു പോലെ മോനേ” എന്ന് വീട്ടില്‍ നിന്ന് അമ്മ വിളിച്ച് പറയുന്നത്. കേട്ടപാതി രാജിയെ വിളിച്ച് കാര്യത്തിന്റെ ഗൌരവം സൂചിപ്പിച്ച് പാതി ലീവെടുത്ത് ഞാന്‍ വീട്ടിലോട്ട് ദൃതഗതിയില്‍ ഗമിച്ചു. ബൈക്കിന്റെ ലൈറ്റ് തെളിയിച്ച് പതിവിലും വേഗത്തില്‍ ഓടിച്ചു പോയ എന്റെ മനസ്സില്‍ എന്തോ ഒരു അശുഭസൂചന വട്ടംകൂട്ടിത്തുടങ്ങിയിരുന്നു. റിട്ടയേറ്ഡ് ആയതില്‍ പിന്നെ പറമ്പിലെ റീപ്ലാന്റ് ചെയ്തിരിക്കുന്ന റബ്ബെര്‍ തൈകള്‍ക്ക് ജീവജലം നല്‍കുന്ന ജോലി അദ്ദേഹം പതിവാക്കിയിരുന്നു. പ്രഭാതം മുതല്‍ പ്രദോഷം വരെ കടുത്ത വെയിലിനെ അവഗണിച്ച് തൈകളെ നനയ്ക്കുന്ന ശ്രമകരമായ ആ ജോലിക്കിടയ്ക്ക് തലകറക്കം ഉണ്ടാകുമ്പോള്‍ അദ്ദേഹം എന്നെ ഫോണില്‍ വിളിച്ച് “എത്രയും പെട്ടന്ന് വീടു വരെ വന്നിട്ടു പോകൂ മോനേ“ എന്ന് പറയുമായിരുന്നു. അമ്മയുടെ വിളി ഇയര്‍പീസിലൂടെ കാതില്‍ പതിക്കുമ്പോഴും എന്റെ മനസ്സില്‍ പ്രസ്തുത ചിന്തകളായിരുന്നു വിലക്ഷണത്തിന്റെ വലകള്‍ നെയ്തിരുന്നത്. ഡ്രായിങ്ങ് റുമിലെ ദിവാന്‍കോട്ടില്‍ നെഞ്ചും തിരുമ്മി വല്ലാണ്ട് കിടക്കുന്ന അദ്ദേഹത്തെ സമീപിച്ചപ്പോള്‍; എന്റെ സാമീപ്യം കൊതിച്ചിട്ടാവണം അദ്ദേഹത്തിന്റെ ഇരു കണ്ണുകളും തിളങ്ങുന്നുണ്ടായിരുന്നു. അലമാരയിലിരുന്ന ഹണിബീ പൈന്റിന്റെ കുപ്പിയില്‍ അവശേഷിച്ചിരുന്ന ഒരു പെഗ്ഗ് ചില്ലുഗ്ലാസ്സിലേക്ക് പകര്‍ത്തി; തൊട്ടടുത്ത കടയില്‍ നിന്ന് ഓടിപ്പോയി വാങ്ങിക്കൊണ്ടു വന്ന തണുത്ത സോഡാ കൂടി ഒഴിച്ച് അദ്ദേഹത്തിനു കുടിക്കുവാന്‍ കൊടുത്തു. കുടിച്ചയുടന്‍ തന്റെ നെഞ്ചെരിയുന്നുവെന്ന് അദ്ദേഹം മൊഴിഞ്ഞപ്പോള്‍; അമ്മ അദ്ദേഹത്തിനു ഉപ്പിട്ടചൂടുകഞ്ഞി സ്പൂണില്‍ ആവോളം വാരിക്കൊടുത്തു. ആഹാരശേഷം തനിക്ക് വെളിക്കിരിക്കണമെന്ന ആഗ്രഹം പ്രകടിച്ചപ്പോഴും ഗാസിന്റെ അസ്കിതയായിരിക്കും എന്നു കരുതി ഞാന്‍ ആശ്വസിച്ചു. ടോയ്ലെറ്റില്‍ നിന്നും ഇറങ്ങി വന്ന അദ്ദേഹം വീണ്ടും; “ബുദ്ധിമുട്ടുണ്ട് മോനേ“ എന്ന് അറിയിച്ചപ്പോള്‍ “വെറുതേ ഇരുന്ന് ഗാസ് കയറിയിട്ടാകും“ എന്നുപദേശിച്ച് വീടിനു ചുറ്റും രണ്ട് റൌണ്ട് നടന്നിട്ടു വരൂ, ഗാസൊക്കെ താനേ അപ്രത്യക്ഷമാകും എന്ന് പ്രതിവചിച്ചു. രണ്ട് റൌണ്ട് വിജയശ്രീലാളിതനായി നടന്ന് പൂര്‍ത്തിയാക്കിയ അച്ഛന്‍ പ്രധാന അങ്കണത്തിലെത്തി ഛര്‍ദ്ദിച്ചപ്പോള്‍; അപ്പോള്‍ കഴിച്ചിരുന്ന കഞ്ഞി ചൂടാറും മുന്‍പ് മണ്ണിലേക്ക് പതിച്ചു. ഇനി ശരിയാവില്ല.. ഹോസ്പിറ്റലില്‍ തന്നെ പോകാം എന്നും പറഞ്ഞ് പരിഭ്രമിച്ച ഞാന്‍ ഓടിപ്പോയി കവലയില്‍ നിന്നും പരിചയമുള്ള ഒരു ഓട്ടോ വിളിച്ച് അതില്‍ അച്ഛനെ കയറ്റി ഇരുത്തിയിട്ട് ആവശ്യത്തിനുള്ള പണമെടുക്കുവാനായി റൂമിനുള്ളിലേയ്ക്ക് നടന്നു. പണമെടുത്ത് തിരികെ വന്ന ഞാന്‍ കണ്ട കാഴ്ച കണ്ണിനെ ഈറനണിയിക്കുന്നതായിരുന്നു. ഓട്ടോയുടെ ബാക്ക്സീറ്റിനും കാല്‍ വെയ്ക്കുന്നതിനുമിടക്കുള്ളയിടത്ത് അദ്ദേഹം വീണു കിടക്കുന്നു. ഓട്ടോറിക്ഷക്കാരന്‍ എന്തു ചെയ്യണമെന്നറിയാതെ പരിഭ്രാന്തനായി നില്‍ക്കുന്നു. കാര്യങ്ങളുടെ ഗതി ഊഹിച്ചപോലെ അത്ര ശുഭമല്ലെന്ന് മനസ്സിനുള്ളില്‍ ഒരു ഉള്‍വിളിയുണ്ടായി. അമ്മയോട് അടുത്ത ഓട്ടോ പിടിച്ച് വരാനേല്‍പ്പിച്ച് അച്ഛനേയും കൊണ്ട് ഞങ്ങള്‍ ദൃതഗതിയില്‍ ഹോസ്പിറ്റല്‍ ലക്ഷ്യമാക്കി പാഞ്ഞു. സ്വതവേ തടിച്ച ശരീരപ്രക്രൂതിയുള്ള അദ്ദേഹത്തെ താങ്ങിയെടുത്ത് സീറ്റിലിരുത്തുവാന്‍ ഞാന്‍ ഭഗീരഥപ്രയത്നം നടത്തിയെങ്കിലും പരാജയമായിരുന്നു ഫലം. ഇടക്കെപ്പോഴോ ബോധം വീണ അദ്ദേഹം ഓട്ടോക്കാരനോട് വേഗത്തില്‍ ഹോസ്പിറ്റലിലെത്തിക്കുവാന്‍ ആക്രോശിക്കുകയും; എന്റെ നേരെ തന്റെ ചുണ്ടുകള്‍ അടുപ്പിക്കുവാന്‍ ശ്രമിക്കുകയും ചെയ്യുന്നുണ്ടായിരുന്നു. അച്ഛാ.. ഇപ്പോ ഹോസ്പിറ്റലില്‍ എത്തും എന്നും പറഞ്ഞാശ്വസിപ്പിച്ച് അദ്ദേഹത്തിന്റെ ചുണ്ടുകളില്‍ ഞാന്‍ അമര്‍ത്തി ചുംബിച്ചു കൊണ്ടിരുന്നു. പറമുറ്റാത്ത തന്നെയും തന്റെ കുഞ്ഞുപെങ്ങളുടെയും ഭാവിയെയോര്‍ത്ത് അദ്ദേഹം വിമ്മിഷ്ടപ്പെടുന്നുണ്ടെന്ന് എനിക്ക് മനസ്സിലാകുന്നുണ്ടായിരുന്നു.

പിരിമുറുക്കത്തിന്റെ ആധിക്യത്താല്‍ ക്വാഷ്യാലിറ്റിയുടെ മുന്‍പില്‍ പരിഭ്രാന്തനും ഭയവിഹ്വലനുമായി തലങ്ങും വിലങ്ങും പാഞ്ഞു നട കൊണ്ടിരുന്ന എന്റെ മുന്‍പിലേക്ക് വെളുത്തകോട്ടിട്ട ഒരു തടിച്ച മനുഷ്യന്‍ വന്ന് എന്റെ തോളത്ത് കൈവെച്ച് സമാധാനിപ്പിച്ച് ഹാളിലേയ്ക്ക് കൂട്ടിക്കൊണ്ട് നടന്നു. അദ്ദേഹത്തിന്റെ വായില്‍ നിന്നും ബഹിര്‍ഗമിച്ച വാക്കുകള്‍ ചെവിയെ തുളച്ച് എവിടെയോ അനന്തമായി പ്രതിധ്വനിച്ചു കൊണ്ടിരുന്നു. ഉള്ളു നീറും വിങ്ങലോടെ അമ്മയുടെ അടുത്തേക്ക് നീങ്ങി അവരെ തന്റെ തോളോട് ചേര്‍ത്തു പിടിച്ച് “ഇനി നമ്മള്‍ക്ക് നമ്മള്‍ മാത്രേ ഉള്ളൂ അമ്മേ” എന്ന് ഗദ്ഗദത്തോടെ ഉരുവിടുമ്പോള്‍; അമ്മയില്‍ നിന്നുയര്‍ന്ന അത്യുച്ചത്തിലുള്ള നിലവിളിയില്‍ ക്യാഷ്വാലിറ്റി വാര്‍ഡിലുള്ളവര്‍ മുഴുവന്‍ നിറകണ്ണുകളോടെ നിന്നു..

കാലം മാഞ്ഞു കൊണ്ടേയിരിക്കും പക്ഷേ മനസ്സിന്റെ നീന്തലിനെ തടഞ്ഞു നിര്‍ത്താനാവില്ലല്ലോ..

2011-06-02T13:35:00.001+05:30

ഇന്നലെ..

ഇന്നലെ വൈകിട്ടു മുതൽ തുടങ്ങിയ മഴയാണു..
ഇന്ന് ജൂൺ 1...!
സ്കൂൾ തുറക്കുന്ന ദിവസം..
ഞാനും രാവിലെ എന്റെ വാഹനങ്ങൾ യാതൊന്നുമെടുക്കാതെ..

നടന്നും ..ആട്ടോയിൽ സഞ്ചരിച്ചും ടൌണിൽ എത്തി..
വർഷ അംബ്രെല്ലാ യുടെ ഷോപ്പിൽ കയറി..
ഉടലും..പിടിയും.. മരത്തിനാൽ നിർമിച്ച ഒരു വളകാലങ്കുട വാങ്ങിച്ചു..!
2.30 വരെ എന്റെ പ്രസ്ഥാനത്തില്‍ ആസനസ്ഥനായി..
പിന്നെ തിരിച്ച് വീട്ടിലേക്ക്..
വീടിനു 1 കി മീ മുൻപു വരെ ട്രിപ്പ് ആട്ടോയുണ്ട്..
അവിടിറങ്ങി പതിവു പോലെ നടന്നു..
റോഡിൽ മഴ ചന്നം പിന്നം പെയ്യുന്നുണ്ടായിരുന്നു..
എന്റെ മനസ്സിലപ്പോൾ.. വർഷങ്ങൾക്കപ്പുറത്ത്..
പഴേ.. കുട്ടിക്കാലമായിരുന്നു..
റോഡിൽ ഒഴുകിയിരുന്ന മഴവെള്ളത്തെ തട്ടി ത്തെറിപ്പിച്ചു കൊണ്ട്..
ഒരു സ്കൂൾകുട്ടിയേപ്പോലെ മുൻപോട്ടാഞ്ഞ് ഞാന്‍ നടന്നു..
വീണ്ടും പഴയ പള്ളിക്കൂടക്കാലസ്മരണകൾ പുതുക്കിക്കൊണ്ട്..!

ഇന്ന്..

മഴ ഇനിയും തോര്‍ന്നിട്ടുണ്ടായിരുന്നില്ല..
ഇന്ന് ജൂണ്‍ 2..!
മോളുടെ സ്കൂള്‍ തുറക്കുന്ന ദിവസം..
യു കെ ജി യില്‍ എത്തിക്കുവാനായി കാറിനുള്ളിലെ എസിയില്‍ നിന്നും അരിച്ചിറങ്ങുന്ന തണുപ്പില്‍ മുഴുകി റോഡിലൂടെ ഓടിച്ചു പോകുമ്പോള്‍..
വീണ്ടുമാ ഗതകാലസ്മരണകളൊക്കെ ഒലിച്ചിറങ്ങി വന്നു..
മണ്‍സൂണ്‍കാലത്തെ വളരെയധികം ഇഷ്ടപ്പെട്ടിരുന്ന ഒരു ബാല്യമുണ്ടായിരുന്നു ഒരിക്കല്‍..
സ്കൂളിലെ അംഗീകൃതയൂണിഫോമായ വെള്ള ഷര്‍ട്ടും നേവി ബ്ലൂ ട്രൌസെറും ധരിച്ച്..
അലുമിനിയം പെട്ടിക്കുള്ളില്‍ അങ്ങിങ്ങായി വിതറിയിട്ട രീതിയില്‍ പുസ്തകങ്ങളും ബുക്കുകളുമായി..
കറുത്തശീലയുള്ള നീളങ്കുടയ്ക്കീഴില്‍ നഗ്ന പാദനായി..
കൂട്ടുകാരും കാരികളുമൊത്ത് സ്കൂളിലേയ്ക്ക് പോയിരുന്ന പഴേ നാളുകള്‍..
മലമുകളില്‍ നിന്നും പ്രവഹിച്ചിരുന്ന തണുത്ത തെളിനീര് ഓടകളെ മറികടന്ന് റോഡിനു കുറുകേ ഒഴുകിക്കൊണ്ടിരിക്കും..
ഒഴുക്കിന്റെ താളത്തില്‍ പായുന്ന ഇളം പച്ച നിറമുള്ള ആഫ്രിക്കന്‍ പായലുകളെ വിസ്മയത്തോടെ നോക്കി നില്‍ക്കും..
ഒരു ദിശയിലേക്കു പായുന്ന ജലത്തെ എതിര്‍ദിശയിലേക്ക് തെന്നിത്തെറുപ്പിച്ച് കൂട്ടുകാരുടെ മേല്‍ പതിപ്പിക്കും..
പതിപ്പിക്കുമ്പോള്‍ ഷര്‍ട്ടില്‍ പാടില്ല..
നിക്കറിനു മുകളിലോട്ട് നനഞ്ഞാല്‍ ടീച്ചെറുടെ കയ്യിലെ ചൂരലിനു പണിയാകും..
ചിലപ്പോള്‍ പരല്‍ മീനുകളുമുണ്ടാകും..
വൈകിട്ടു തിരികെ വരുമ്പോള്‍ അവയെ പിടിക്കുവാനുള്ള വിഫലശ്രമം നടത്തും..
റോഡിലൂടെ ഒഴുകുന്ന അരുവി കുറച്ചിടെ ചെല്ലുമ്പോള്‍ ഇടത്തേ സൈഡിലെ പാടശേഖരത്തിനു സമീപമുള്ള കയ്യാണിയിലേക്ക് ചേരും..
അരുവിയെ പുണര്‍ന്ന് നടക്കുന്ന ഞങ്ങളുടെ നഗ്നപാദങ്ങളും കയ്യാണിക്ക് സമീപമുള്ള കണ്ടംവരമ്പിലേക്ക് ചേരും..
പിന്നെയുള്ള യാത്ര കണ്ടംവരമ്പിലെ ഇളം പുല്ലുകളെ ചവിട്ടി മെതിച്ചു കൊണ്ടാണ്..
ഇടത്തേ സൈഡിലെ പാടത്ത് വെള്ളത്തില്‍ മുങ്ങിക്കുളിച്ചു വിറങ്ങലിച്ചു നില്‍ക്കുന്ന നെല്‍ച്ചെടികളെയും..
വലത്തേ സൈഡിലെ കയ്യാണിയിലൂടെ മുങ്ങാംകുഴികളിടുന്ന മത്സ്യങ്ങളെയും വീക്ഷിച്ചുകൊണ്ട് മുന്‍പോട്ട് ചലിക്കും..
നടന്നു നടന്ന്.. മഴയില്‍ കുളിച്ചു നില്‍ക്കുന്ന മണക്കാട്ടപ്പന്റെ മുന്‍പിലെത്തും..
കൈകൂപ്പി തൊഴുതു നിന്ന് പ്രാര്‍ത്ഥിക്കും..
“ഭഗവാനേ ഇന്ന് അടിതരാന്‍ ടീച്ചര്‍ക്ക് തോന്നിക്കല്ലേ കെട്ടോ”...!!
അപ്പോഴേക്കും കൂട്ടുകാരിലാര്‍ക്കെങ്കിലും വെളിപാട് ഉണ്ടാകും..
“ടാ.. ബെല്ലടിക്കാന്‍ സമയമായീട്ടാ..”
പിന്നെ ഒരു ഓട്ട മത്സരമാണ്..
കാരും.. കാരികളും കൂടി..
അര കിലോ മീറ്റെര്‍ അകലെയുള്ള സ്കൂളിലെത്തുമ്പോഴേക്കും സെക്കന്റ് ബെല്ല് അടിച്ചിട്ടുണ്ടാകും..!

നൂറു കമന്റുകള്‍ സ്വന്തമാക്കുവാനുള്ള സൂത്രം..

2011-06-01T12:46:00.019+05:30

ഈ സ്വപ്നങ്ങളുടെ ഒരു കാര്യമേ..!
ഇത്തവണ ഛായ്..! എന്ന് പുച്ഛിച്ച് മുഖം കോട്ടേണ്ട കെട്ടോ..!
നല്ല അടിപൊളി സ്വപ്നങ്ങളിലൊരെണ്ണമായിരുന്നുവത്..
ഇന്നലെ കൊച്ചുവെളുപ്പാങ്കാലത്ത്; ജനലിലുടെ അരിച്ചു വന്നിരുന്ന തണുപ്പിനെ പ്രതിരോധിക്കുവാന്‍ തലയുള്‍പ്പെടെ മൂടിപ്പുതച്ചു കിടന്നുറങ്ങിക്കൊണ്ടിരുന്ന സമയത്താണാ സൌഭാഗ്യം സിദ്ധിച്ചത്..
അപ്പോള്‍ നിങ്ങളെവരുടെയും ശ്രദ്ധയെ സദയം ക്ഷണിക്കട്ടെ..
ഈ സ്വപ്നകഥ പറയുമ്പോള്‍ നിങ്ങളും എന്റെ കൂടെ ഒരു കളര്‍ഫുള്‍ ഫ്രെയിമില്‍ മനസ്സിരുത്തി പിന്തുടരണം കെട്ടോ..

തൊടുപുഴ ശ്രീകൃഷ്ണസ്വാമി അമ്പലത്തിലെ തിരുവുത്സവദിവസങ്ങളിലെ ഒരു പ്രധാന ദിവസം..
രാത്രിയിലെ വിളക്കിനെഴുന്നുള്ളിപ്പ് പരിപാടിയോടനുബന്ധിച്ച്..
ക്ഷേത്രാംങ്കണവും പരിസരപ്രദേശങ്ങളും മുഴുവനായും ദീപപ്രഭയാല്‍ കുളിച്ചു തോര്‍ത്തി നില്‍ക്കുന്നു..!
മലങ്കരഡാമിലെ ഷട്ടെറുകള്‍ പൂര്‍ണ്ണമായും തഴുതിട്ട് പൂട്ടി തൊഴുപുഴയാറ്റിലെ ജലാംശത്തിന്റെ ഗതിവേഗം ക്രമീകരിച്ചിരുന്നു..
അതായത് അമ്പലക്കടവില്‍ നിന്ന് മുട്ടൊപ്പം വെള്ളത്തില്‍ നൂറടി നടന്നാല്‍ എതിര്‍വശത്തെ കരയെത്തൊടാമെന്ന്..!
നമ്മടെ സംഭവം നടക്കുന്നത് ഇവിടെ വെച്ചാണ്..
അമ്പലക്കടവിലെ രണ്ട് കുളിക്കടവുകളിലെയും വിശാലമായ സിമിന്റ് തറയില്‍* ബോമ്പിട്ട്* പന്തല്‍ നാട്ടിയിരിക്കുന്നു..
എന്നിട്ട് അതിനു ചുറ്റും കുരുത്തോലകളാല്‍ തോരണമിട്ട് മനോഹരമാക്കിയിരിക്കുന്നു..
കുളക്കടവിലേക്കിറങ്ങുന്ന ഓരോ പടവുകളിലും അത്യന്തം കലാപരമോടെ വാഴത്തടകള്‍ ഉറപ്പിച്ച് അതില്‍ മണ്‍ചെരാതുകള്‍ ഘടിപ്പിച്ച് ദീപം തെളിയിച്ചു വെച്ചിരിക്കുന്നു..
ദീപപ്രഭയാല്‍ വിളങ്ങി നില്‍ക്കുകയാണു പരിസരവും; തൊടുപുഴയാറ്റിലെ മിച്ചമുള്ള ജലശേഖരവും മറ്റും..
സന്തോഷാധിക്യത്താല്‍ മനസ്സു തുളുമ്പി നില്‍ക്കുന്നൊരു അടിപൊളി മൂഡ്..!
നേരത്തേ സൂചിപ്പിച്ചിരുന്നുവല്ലോ രണ്ട് കുളിപ്പടവുകളുണ്ടെന്ന്..
രണ്ടിനേയും പാതിയായി തിരിച്ചിരിക്കുന്നത് ആറടിയോളം പൊക്കത്തിലുള്ളൊരു കല്‍ഭിത്തി കൊണ്ടാണു..
ഓരോ കടവിലും ഭക്തജനങ്ങളോരോരുത്തരും ആചാരവഴിപാടായി മണ്‍ചെരാതുകളില്‍ ദീപം കൊളുത്തി പുഴയിലൂടേ ഒഴുക്കി വിട്ടു കൊണ്ടിരിക്കുന്നു..
ദീപം കെടാതെ ചെരാതുമായി അക്കരെ പച്ച പിടിച്ചാല്‍ ഉദ്ദിഷ്ടകാര്യം നടക്കുമെന്നാണു വിശ്വാസം..!

ഇനിയാണു സംഭവം..
ഇടത്തേ സൈഡിലെ പടവിലിരുന്ന് മണ്‍ചെരാത് ഒഴുക്കി വിട്ട്..
കണ്ണുകള്‍ വെറുതേ ചുറ്റുപാടും എറിഞ്ഞു..
അപ്പോഴതാ വലത്തേ പടവിലൊരു തിളക്കം..!
കുളിക്കടവിന്റെ പടികള്‍ അന്നനടയാലിറങ്ങി സിമന്റിട്ടു വാര്‍ത്തിരിക്കുന്ന നിരപ്പിലൂടെ അവള്‍ പുഴ ലക്ഷ്യമായി നീങ്ങുകയാണു..
ഓരഞ്ചും മെറൂണൂം കലര്‍ന്ന കാഞ്ചീപുരം ചേല ചുറ്റിയ സുന്ദരി അന്തരീക്ഷത്തില്‍ പടര്‍ന്നു പിടിച്ചിരുന്ന ദീപപ്രഭയില്‍ ജ്വലിക്കുന്നുണ്ടായിരുന്നു..!
എന്റെ നയനങ്ങള്‍ ഒരുമിച്ചു ചേര്‍ന്ന് 70-300 നിക്കോറിന്റെ ടെലിലെന്‍സു പോലെ വിടര്‍ന്നു..!
അന്നനട ആസ്വദിച്ച് ഇപ്പുറെ വായും പൊളിച്ചിരിക്കുന്ന എന്റെ നേരെ ഒരു വേള നോക്കാനവൾ മറന്നില്ല..
എന്റെ കണ്ണുകൾക്കിടയിൽ അവളൂടെ കണ്ണുകളുടക്കിയ ആ നിമിഷം വശ്യമായൊരു പുഞ്ചിരി സമ്മനിച്ചിട്ടവൾ..
കൈകളിൽ വിശ്രമിച്ചിരുന്ന കടലാസുതോണി പുഴയിലൂടെ ഒഴുക്കിവിട്ടു..!
ആ കടലാസു നിറയെ എന്തൊക്കെയോ കുത്തിക്കുറിച്ച് എഴുതി വെച്ചിട്ടുണ്ടായിരുന്നു..!
ഇതികർത്തവ്യാമൂഢനായി നോക്കി നിന്നിരുന്ന എന്റെ നേരെ ഒരിക്കൽക്കൂടി നോട്ടമെറിഞ്ഞവൾ..
വേഗത്തിൽ പടവുകൾ കയറി അപ്രത്യക്ഷയാകുവാൻ വെമ്പി..
അവളുടെ ആ നോട്ടത്തിൽ എല്ലാം അടങ്ങിയിരുന്നു..എല്ലാം
“പോടാ മൂരാച്ചീ.. നീ എനിക്ക് കമന്റ് തന്നില്ലേലെന്നാ.. നോക്കിക്കോളൂട്ടാ.. ഈ കടലാസുതോണിയിൽ എന്റെ പുത്യേ പോസ്റ്റാ.. ഇതക്കരെ ചെല്ലുമ്പോഴേക്ക് എനിക്കും കിട്ടൂടാ നൂറു കമന്റ്..”
“!!!!!!!!!!!!!!!!!!!!!!!!!!!!!!!!!!!!!!!!!!!“
ഇളിഭ്യനായി ഞാൻ തരിച്ച് നിലത്ത് കുത്തിയിരുന്നു..
അവൾ നടന്നകലുന്നതിനനുസരിച്ച് ദീപങ്ങൾ അണഞ്ഞു പോകുന്നതുപോലെനിക്ക് തോന്നി..

ച്ഛാ..ച്ഛാ..
നിച്ച്.. മുള്ളണം..
നിച്ച് മുള്ളണം ച്ഛാ..
ങേഹ്..!!
അപ്പോ അതൊക്കെ സ്വപ്നായിരുന്നോ..!!
ഉറക്കച്ചടവിൽ ആവണിക്കുട്ടിയെ എടുത്തും കൊണ്ട് ഞാൻ ടോയിലെറ്റിലേക്കു നടന്നു..
അപ്പോഴും മനസ്സിൽ; നല്ലൊരു മുറ്റ് ഫ്രെയിം കിട്ടീട്ടും അത് ഒപ്പിയെടുക്കുവാൻ കഴിയാതിരുന്നതിന്റെ നിരാശ കൂടുകൂട്ടിത്തുടങ്ങിയിരുന്നു..
:(:(

നോട്ട്:-
*ബോമ്പ് - സിമന്റ് തറകളിൽ പന്തലിന്റെ തൂണു നാട്ടുവാനുള്ള കനം കൂടിയ സിമന്റ് കട്ടകൾ..
*കുളിക്കടവുകളിലെ നിരപ്പായ സിമെന്റ് തറ - ബലി ഇടുന്ന ആവശ്യത്തിലേക്കായി ചില അമ്പലങ്ങളിലെ കുളിക്കടവുകളിൽ 800 ഓ 1000 മോ സ്ക്വയർ ഫീറ്റിൽ പുഴയ്ക്കു സമാന്തരമായി സിമന്റ് തറകൾ നിർമിച്ചിടാറുണ്ട്..
*തൊടുപുഴക്കാരോട് - കണ്ണന്റെ അമ്പലത്തിൽ ഇത്തരം കുളിക്കടവോ സിമെന്റ് തറയോ ഇല്ലെന്നുള്ള കാര്യം അറിയാലോ.. പക്ഷേ; കാഞ്ഞിരമറ്റം അമ്പലത്തിൽ ഈ സംവിധാനം ഉണ്ട്.. സ്വപ്നമല്ലേ.. ഹിഹി.. അഡ്ജസ്റ്റ് പ്ലീസ്..
*മറ്റു സ്വപ്നങ്ങൾ പോലെ ഇത് പെണ്ണുംപിള്ളെടെ അടുത്ത് പറഞ്ഞിട്ടില്ല.. നിങ്ങളായി എനിക്ക് പാര പണിയരുത്..!!
*നായിക ആരാണെന്ന്; എന്നെ തല്ലിക്കൊന്നാലും ഞാൻ പറയത്തില്ല..!

വഴിയേ പോണ കുരിശുകൾ..

2011-05-26T14:56:00.002+05:30

വഴിയേ പോണ ഓരോരോ കുരിശുകളെയ്..

ഇപ്പോൾ കുറേയായി ഷോപ്പിൽ പോയി ഇരിക്കാറൊന്നുമില്ല..
തിരക്കിനിടയിൽ വല്ലപ്പോഴും ഒന്നു സന്ദർശിക്കും..
പിന്നെ മടങ്ങും..
അതാണു പതിവ്..
ഇന്നും പതിവു പോലെ ഷോപ്പിൽ ചെന്നിരുന്ന് 5 മിനിറ്റു കഴിഞ്ഞപ്പോൾ..
കറുത്ത കണ്ണടയൊക്കെ പോട്ട് വെളുത്ത വസ്ത്രങ്ങളും ധരിച്ചൊരു 55 വയസ്സോളം പ്രായം തോന്നിരിക്കുന്ന ഒരാൾ ഭിക്ഷ യാചിച്ചു വന്നു..
പോക്കെറ്റിനുള്ളിൽ ചില്ലറ തപ്പി നിരാശനായി ഞാൻ;
ഡോറിനു വെളിയിൽ അക്ഷമനായി നിന്നിരുന്ന ആ മനുഷ്യനോട് ചില്ലറയില്ല എന്നു വിളിച്ചു പറഞ്ഞു..
എടുത്ത വായ്ക്ക് അങ്ങേർ.. എത്ര വേണം.. തരാം!
ഹോ.. ഒരു രൂപ ധർമ്മം കൊടുക്കാൻ പോക്കെറ്റിൽ കിടക്കുന്ന 500 രൂപ ചെയിഞ്ച് മാറാനോ..
എന്ന് ചിന്തിച്ചു കൊണ്ട് ഇത്തിരി പുച്ഛത്തോടെ 500 രൂപക്കൊണ്ടൊ എന്നു അതിയാനോട് വിളിച്ചു ചോദിച്ചു..
ഭിക്ഷക്കാരൻ എന്തോ പിറുപിറുത്തു..
എനിക്കൊന്നും തിരിഞ്ഞതുമില്ല..
ന്നാ.. അടുത്ത ദിവസം വരുമ്പോൾ കേറ്.. അന്നു കൂട്ടിത്തരാം എന്നു ഞാൻ മൊഴിഞ്ഞു..
കേട്ടപാതി അതിയാനൊരു ആട്ടും..
പിന്നെയതിന്റെ കൂടൊരു തള്ളും.. ”പിന്നേയ് ഞാൻ പൊറുതി കെട്ടി നടക്കുവല്ലേ.. നിന്റെയൊക്കെ അച്ചാരം വാങ്ങാൻ”
!!!!!!!!!!!!!!!!!!!!!!!!!!!!
വായ് പൊളിച്ചിരുന്ന ഞാനും തിരിച്ചടിച്ചു..
“പിന്നേയ് നിന്നെ ക്ഷണിച്ചു ഞാൻ വരുത്തീതല്ലേ..പുഴുങ്ങിത്തരാൻ..”

പ്രണയിക്കാൻ പരിശീലനം..

2011-05-25T15:32:00.010+05:30

നമുക്കൊരു ഡ്രൈവെറുണ്ട്. സ്ഥിരമായി വിളിക്കുന്ന 407 ന്റെ ഓണെർ കം ഡ്രൈവെർ.
പേരു ബഷീർ. ഞങ്ങളു സ്നേഹപുരസ്സരം മുക്കി അല്ലെങ്കിൽ മുക്കിയണ്ണൻ എന്നു വിളിക്കും.
പ്രായം 57 വയസ്സ്. സരസനും സർവ്വോപരി ഒരു ശുദ്ധനുമാണു കക്ഷി..

രണ്ട് വർഷം മുൻപ് ടി.യാൻ ആദ്യമായി ഒരു മൊബൈൽ ഫോണൊക്കെ വാങ്ങി ചെത്തിപ്പൊളിച്ചു നടക്കണ സമയത്ത് കൂട്ടത്തിലൊള്ളൊരു പണിക്കാരിലൊരാൾ ഒരു ഗുളിക കൊടുത്തു. മുക്കിയണ്ണന്റേത് റിലയൻസിന്റെ സെറ്റടക്കം കണക്ഷനായിരുന്നു. ഒരു ദിവസം പണിസ്ഥലത്തു വെച്ച് വണ്ടിയുമൊതുക്കിയിട്ട് മൊബൈലിൽ ചറപറാ പണിതു കൊണ്ടിരുന്ന അണ്ണന്റെ ഫോൺ റിങ്ങ് ചെയ്തു.

“ഹലോ..ലോ..ലോ...”
“മിസ്റ്റെർ ബഷീറല്ലേ..”
“അല്ല.. ഞാൻ മുക്കിയാ..!“
(മുക്കിയെന്നുള്ള വിളി സ്ഥിരമായി കേട്ടു ചെവി തഴമ്പിച്ച് ഒറിജിനൽ പേരു പോലും മറന്നു പോയിരുന്നു അദ്ദേഹം..!)
“ഏതു മുക്കിയായാലും പൊക്കിയായാലും സാരമില്ല..; ഇത് റിലയൻസീന്നാണു.. നിങ്ങൾക്കൊരു സമ്മാനം അടിച്ചിട്ടുണ്ട്..”
“ഉവ്വോ..!!!! എന്താണു സമ്മാനം..”
“നിങ്ങളൂടെ പുതിയ കണക്ഷനു; നറുക്കെടുപ്പിൽ 5000 രൂപ അടിച്ചിരിക്കുന്നു.. എത്രയും പെട്ടന്ന് സ്റ്റാൻഡിനു സമീപമുള്ള റിലയൻസിന്റെ അംഗീകൃത ഷോപ്പിൽ വന്ന് സമ്മാനം കൈപ്പറ്റേണ്ടതാകുന്നു..”

കേട്ടപാതി.. കേൾക്കാത്ത പാതി.. ടി യാൻ ആരെയുമറിയിക്കാതെ ഒരു ഓട്ടോ പിടിച്ച് നിർദ്ദിഷ്ട ഷോപ്പിലെത്തുകയും; കാര്യങ്ങൾ വിശദമാക്കി സമ്മാനമാവശ്യപ്പെടുകയും ചെയ്തു.
മുക്കിയണ്ണന്റെ ആവശ്യം കേട്ട റിസപ്ഷണിലിരുന്ന പെങ്കൊച്ചിന്റെ കണ്ണു തള്ളിപ്പോയി.
പെട്ടന്നു തന്നെ സംയമനം വീണ്ടെടുത്ത റിസപ്ഷണിസ്റ്റ് ഇങ്ങിനെ പ്രതിവചിച്ചു.

“സാർ; താങ്കളെ ആരോ പറ്റിച്ചിരിക്കുകയാണു; ഓഫീസിൽ നിന്നോ അതിലുപരി റിലയൻസിൽ നിന്നോ ഇങ്ങിനെ ഒരു ഓഫെറേ ഇല്ല..
ഞങ്ങളാരും നിങ്ങളെ വിളിച്ചിട്ടുമില്ല..”

പാവം മുക്കിയണ്ണൻ.. ഇളിഭ്യനായി തിരിച്ചു പോന്നു..
പിന്നീടും പല പ്രാവശ്യം ടി.പണിക്കാരൻ അദ്ദേഹത്തെ പറ്റിച്ചുവെങ്കിലും; പിൽകാലത്ത് താൻ കബളിപ്പിക്കപ്പെടുകയാണെന്നു അദ്ദേഹത്തിനു മനസ്സിലാകുകയും..
ടി. പണിക്കാരനെ തെറി കൊണ്ടഭിഷേകം നടത്തുകയും ചെയ്യുകയുണ്ടായി..!!

ഇക്കാര്യമൊക്കെ വീണ്ടും ഓർമിക്കുവാൻ എന്താ കാരണം..??
ഇന്നലെ വീണ്ടും ഒരു സംഭവമുണ്ടായി..!

“ഹരീഷേ..”
“എന്തോ അണ്ണാ..”
“നമ്മടെ മൊബൈലിലേക്ക് എപ്പോഴും ഒരു പെങ്കൊച്ചു ‘പ്രണയിക്കാൻ പരിശീലനം’ തരട്ടോ എന്നു ചോദിച്ചു വിളിക്കുന്നുണ്ട്.. എന്നിട്ട് ഒന്നേ പിടിച്ചു ഞെക്ക് അല്ലേല് രണ്ടേൽ ന്നും പറഞ്ഞ് തൊള്ള തൊറക്കും”
“എന്നിട്ട്..” ആകാംക്ഷയോടെ ഞാൻ മുഖമുയർത്തി..!
“ഞാനാ കൊച്ചിനെ നന്നായൊന്നുപദേശിച്ചു വിട്ടു..”
“ഹോ.. എങ്ങിനെ??”
“ടീ..മോളേ; നിനക്കും വീട്ടിലമ്മേം അച്ഛനുമൊക്കെ ഉള്ളതല്ലിയോ.. കൊച്ചു മക്കളൂള്ള ഒരു കാർന്നോരോടാണൊ പ്രണയിക്കാൻ പഠിപ്പിക്കണൊ എന്നും ചോദിച്ച് വിളിക്കണത്.. വേണെങ്കിൽ എന്റെ എളേ മോനൊണ്ട്.. കെട്ടുപ്രായം തെകഞ്ഞു നിൽക്കുവാ.. നീ വേണെൽ ഒന്നു പരിശീലിച്ചോ..”
“!!!!!!!!!!!!!!!!!!! ഹിഹിഹിഹിഹി...”

പ്രകാശനചടങ്ങുകൾ @ കാ വാ രേഖ?

2011-04-23T10:32:00.007+05:30

തുഞ്ചന്‍ പറമ്പില്‍ ഏപ്രില്‍ 17 നു നടന്ന ബ്ലോഗേര്‍സ് മീറ്റില്‍ വെച്ച് കൃതി പബ്ലിക്കേഷന്‍സിന്റെ രണ്ടാമത് സമാഹാരമായ കാവാ രേഖ? പ്രശസ്ത സാഹിത്യകാരന്‍ കെ.പി.രാമനുണ്ണി ബ്ലോഗര്‍ ഡോക്ടര്‍ ജയന്‍ ഏവൂരിനു നല്‍കി പ്രകാശനം നിര്‍‌വഹിച്ചു.

ഏതാണ്ട് 200ഓളം വരുന്ന ബ്ലോഗ് - ബ്ലോഗിതര ആളുകളെ സാക്ഷിനിര്‍ത്തി മലയാള ഭാഷയുടെ പിതാവിന്റെ തിരുമുറ്റത്ത് പുസ്തകങ്ങളുടെ ലോകത്ത് പിച്ചവെച്ച് തുടങ്ങുന്ന കൃതി പബ്ലിക്കേഷന്‍സ് വീണ്ടും പുതിയ ചരിത്രം കുറിച്ചു!. നേരത്തെ സൂചിപ്പിച്ച പോലെ ബ്ലോഗിലെ കവികളുടെ അപ്രകാശിത രചനകള്‍ ഉള്‍പ്പെടുത്തി അണിയിച്ചൊരുക്കിയതാണ് ഈ സമാഹാരം.

കൃതി പബ്ലിക്കേഷന്‍സ് ഡയറക്ടര്‍ യൂസഫ്പ കൊച്ചന്നൂരിന്റെ സാന്നിദ്ധ്യത്തില്‍ നടന്ന ചടങ്ങില്‍ ബ്ലോഗര്‍ കൊട്ടോട്ടിക്കാരന്‍ ശ്രീ. കെ.പി.രാമനുണ്ണിയെ പ്രകാശനത്തിനായി വേദിയിലേക്ക് ക്ഷണിച്ചു കൊണ്ട് ചടങ്ങുകള്‍ക്ക് തുടക്കമിട്ടു. തുടര്‍ന്ന് കൃതി പബ്ലിക്കേഷന്‍സ് എന്ന പുസ്തക പ്രസാധക കൂട്ടായ്മയെ കുറിച്ചും കാ വാ രേഖ? എന്ന പുസ്തകത്തിലേക്ക് കവിതകള്‍ കണ്ടെത്തുന്നതിനുപയോഗിച്ച മാനദണ്ഡവും എല്ലാം ബ്ലോഗര്‍ മനോരാജ് വിശദീകരിച്ചു. തുടര്‍ന്ന് ഡോക്ടര്‍ ജയന്‍ എവൂരിന് പുസ്തകം കൈമാറികൊണ്ട് കെ.പി.രാമനുണ്ണി പുസ്തകം പ്രകാശിപ്പിച്ചു.

മറുപടി പ്രസംഗത്തില്‍ പുസ്തകത്തിലെ ആദ്യ കവിതയായ ഡോണ മയൂരയുടെ ഋതുമാപിനിയിലെ ചില വരികള്‍ അദ്ദേഹം സദസ്സുമായി പങ്കുവെച്ചു.
തുടര്‍ന്ന് പുസ്തകങ്ങളുടെ പ്രദര്‍ശനവും വില്പനയും നടന്നു. അതോടൊപ്പം പുസ്തകത്തില്‍ കവിത ഉള്‍പ്പെട്ടിട്ടുള്ള നീസ വെള്ളൂര്‍ എന്ന കുഞ്ഞു കവയത്രിക്ക് ആയൂരാരോഗ്യങ്ങള്‍ നേര്‍ന്ന് കൊണ്ട്
പുസ്തകത്തിന്റെ കോപ്പി നല്‍കുകയും ഉണ്ടായി.

കൃതി പബ്ലിക്കേഷന്‍സിന്റെ ആദ്യ പുസ്തകമായ മൌനത്തിനപ്പുറത്തെക്ക്.. കാ വാ രേഖ? എന്നിവ തുഞ്ചന്‍ പറമ്പ് ബ്ലോഗ് മീറ്റില്‍ പുസ്തക പ്രേമികള്‍ ഇരു കൈയും നീട്ടി സ്വീകരിച്ചു. പുസ്തകം ആവശ്യമുള്ളവര്‍ sales@krithipublications.com എന്ന ഇമെയില്‍ വിലാസത്തില്‍ കോണ്ടാക്റ്റ് ചെയ്താല്‍ പുസ്തകങ്ങള്‍ നേരില്‍ , തപാലില്‍, കൊറിയറായി ആവശ്യക്കാര്‍ക്ക് എത്തിക്കുന്നതാണെനും ഇതോടൊപ്പം അറിയിക്കുന്നു. പുസ്തകങ്ങളെ സ്നേഹിക്കുന്ന എല്ലാവരുടേയും സ്നേഹം എന്നും ഉണ്ടാവുമെന്ന്‍ വിശ്വസിക്കട്ടെ..

കാ വാ രേഖ? പ്രകാശനം..

2011-04-12T21:03:00.005+05:30

കൃതി പബ്ലിക്കേഷന്‍സിന്റെ പുതിയ പുസ്തകമായ കാ വാ രേഖ? എന്ന കവിതാസമാഹാരത്തിന്റെ പ്രകാശനം ഈ വരുന്ന ഏപ്രില്‍ 17 ന്‌ മലയാള ഭാഷയുടെ പിതാവായ എഴുത്തച്ഛന്റെ സ്വന്തം മണ്ണായ തിരൂര്‍ തുഞ്ചന്‍ പറമ്പില്‍ വെച്ച് നടക്കുന്ന ബ്ലോഗേര്‍സ് മീറ്റില്‍ വെച്ച് മലയാളത്തിന്റെ പ്രിയപ്പെട്ട എഴുത്തുകാരനും തുഞ്ചന്‍ സ്മാരക കമ്മറ്റി ചെയര്‍മാനുമായ ശ്രീ.കെ.പി.രാമനുണ്ണി നിര്‍‌വഹിക്കുന്നു. ഈ ചടങ്ങിലേക്ക് എല്ലാവരുടേയും മഹനീയ സാന്നിദ്ധ്യം ക്ഷണിച്ചു കൊള്ളുന്നു.

അന്നേദിവസം മീറ്റിനോടനുബന്ധിച്ച് ഒരുക്കുന്ന പുസ്തക സ്റ്റാളില്‍ നിന്നും മറ്റു ബൂലോക പുസ്തകങ്ങളോടൊപ്പം കൃതി പബ്ലിക്കേഷന്‍സിന്റെ ആദ്യ പുസ്തകമായ മൌനത്തിനപ്പുറത്തേക്ക്.. എന്ന കഥാസമാഹാരവും പുതിയ പുസ്തകമായ കാ വാ രേഖ?യും ലഭ്യമാകുന്നതാണ്‌. പുസ്തകം തപാല്‍ / കൊറിയര്‍ വഴി ലഭ്യമാകുവാന്‍ കൃതി പബ്ലിക്കേഷന്‍സിന്റെ സെയി‌ല്‍സ് വിഭാഗവുമായി ബന്ധപ്പെടുക. sales@krithipublications.com

ഒരിക്കല്‍ കൂടി ഇത് വരെ എല്ലാവരും തന്ന പ്രോത്സാഹനത്തിനും സഹകരണത്തിനും നന്ദി രേഖപ്പെടുത്തുന്നതോടൊപ്പം ചടങ്ങിലേക്ക് ഏവരെയും ഹാര്‍ദ്ദമായി ക്ഷണിക്കുകയും ചെയ്യുന്നു.

കൃതി പബ്ലിക്കേഷന്‍സിന്റെ പുതിയ പുസ്തകം - കാ വാ രേഖ?

2011-04-05T12:29:00.003+05:30

കൃതി പബ്ലിക്കേഷന്‍സില്‍ നിന്നും ഒരു പുസ്തകം കൂടെ വായനക്കാരിലേക്ക് എത്തിക്കുവാനുള്ള ഞങ്ങളുടെ ശ്രമങ്ങള്‍ യാഥാര്‍ത്ഥ്യമാവുന്നു!! വിദഗ്ദരടങ്ങിയ പാനല്‍ തിരഞ്ഞെടുത്ത മലയാളം ബ്ലോഗില്‍ എഴുതിക്കൊണ്ടിരിക്കുന്ന മികച്ച 25 കവി/കവയത്രികളുടെ ഇത് വരെയെവിടെയും പ്രസിദ്ധീകരിക്കാത്ത കവിതകള്‍ കോര്‍ത്തിണക്കിക്കൊണ്ടാണ് കൃതി പബ്ലിക്കേഷന്‍സ് ഇക്കുറി നിങ്ങള്‍ക്ക് മുന്‍പിലേക്ക് വരുന്നത്.. കാ വാ രേഖ? എന്ന് പേരിട്ടിരിക്കുന്ന കൃതി പബ്ലിക്കേഷന്‍സിന്റെ ഈ പുസ്തകത്തിന്റെ പ്രകാശനം 2011 ഏപ്രില്‍ 17 ന് മലയാള ഭാഷയുടെ എഴുത്തില്ലമായ തുഞ്ചന്‍ പറമ്പില്‍ വെച്ച് നടക്കുന്ന ബ്ലോഗ് മീറ്റില്‍ വച്ച് നടത്തപ്പെടുന്നതാണ്. (പ്രകാശനത്തിന്റെ കൂടുതല്‍ വിവരങ്ങള്‍ പിന്നാലെ അറിയിക്കാം). കൃതി പബ്ലിക്കേഷന്‍സിനെ സംബന്ധിച്ച് ഇത് അഭിമാനത്തിന്റെ നിമിഷങ്ങളാണ്. ആദ്യ സമാഹാരം പുറത്തിറങ്ങി ഏതാണ്ട് 6 മാസത്തിനകം തന്നെ രണ്ടാമത് ഒരു പുസ്തകം കൂടെ വായനക്കാരിലേക്ക് എത്തിക്കുവാനായതിന്റെ ചാര്‍താര്‍ത്ഥ്യം.

സമാഹാരത്തിന്റെ പേരും കവറും സമാഹാരത്തില്‍ ഉള്‍പ്പെട്ടിരിക്കുന്ന കവി/കവയത്രികളെയും ഇവിടെ പരിചയപ്പെടുത്തുകയാണ്. കാ വാ രേഖ? എന്ന് പേരിട്ടിരിക്കുന്ന ഈ സമാഹാരത്തിന്റെ കവര്‍ ഡിസൈന്‍ ചെയ്തത് മലയാള ബ്ലോഗര്‍മാര്‍ക്ക് കൂടുതല്‍ പരിചയപ്പെടുത്തലുകള്‍ ആവശ്യമില്ലാത്ത നമ്മുടെ പ്രിയങ്കരനായ നന്ദപര്‍വ്വം നന്ദകുമാറാണ്.

ഇവര്‍ കാ വാ രേഖ?യിലെ കവിരത്നങ്ങള്‍

ഡോണ മയൂര
ശശികുമാര്‍ .ടി.കെ
രണ്‍ജിത് ചെമ്മാട്
പ്രസന്ന ആര്യന്‍ (പ്രയാണ്‍)
ദിലീപ് നായര്‍ (മത്താപ്പ്)
ഗീത രാജന്‍
ഹന്‍ലല്ലത്ത്
നീന ശബരീഷ്
ചാന്ദ്നി ഗാനന്‍ (ചന്ദ്രകാന്തം)
മൈ ഡ്രീംസ്
ഉമേഷ് പിലീക്കോട്
മുംസി
ജയ്നി
നീസ വെള്ളൂര്‍
എന്‍.എം.സുജീഷ്
രാജീവ് .ആര്‍ (മിഴിയോരം)
വീണ സിജീഷ്
ഷൈന്‍ കുമാര്‍ (ഷൈന്‍ കൃഷ്ണ)
ഉസ്മാന്‍ പള്ളിക്കരയില്‍
അരുണ്‍ ശങ്കര്‍ (അരുണ്‍ ഇലക്ട്ര)
ഖാദര്‍ പട്ടേപ്പാടം
ജയിംസ് സണ്ണി പാറ്റൂര്‍
യൂസഫ്പ
മുകില്‍
എസ്.കലേഷ്

കാ വാ രേഖ ?

കവി കാളിദാസനേയും അദ്ദേഹത്തിന്റെ പ്രശസ്തമായ കാ വാ രേഖ? എന്ന കവിതയും നമുക്കെല്ലാവര്‍ക്കും അറിവുള്ളത് തന്നെ. രാജാവിന്റെ പരീക്ഷയില്‍ വിജയിച്ചപ്പോള്‍ കാളിദാസന്‍ തുറന്ന് കാട്ടിയത് വാക്കുകളുടെ വലിപ്പത്തിലോ ഒട്ടേറെ വരികളിലോ അല്ല.. മറിച്ച് വരികളിലെ അര്‍ത്ഥസമ്പുഷ്ടതയിലാണ് കവിതയെന്നതാണ്. ഇവിടെ ബ്ലോഗിലെ കവികളുടെ ഒരു കവിതാസമാഹാരത്തെ പറ്റി ചിന്തിച്ചപ്പോള്‍ കവികള്‍ക്ക് എഴുതുവാനായി ഒരു വിഷയം നല്‍കുകയല്ല കൃതി പബ്ലിക്കേഷന്‍സിന്റെ എഡിറ്റോറിയല്‍ ബോര്‍ഡ് ചെയ്തത് , മറിച്ച് എന്തും എഴുതുവാനുള്ള സ്വാതന്ത്ര്യം നല്‍കുകയായിരുന്നു. ഒരൊറ്റ നിബന്ധനമാത്രം!!!

കാ വാ രേഖ?

അതെ എന്താണെഴുതിയിരിക്കുന്നതെന്ന് (കാ വാ രേഖ ?) വിദഗ്ദര്‍ അടങ്ങിയ ഒരു പാനല്‍ വിലയിരുത്തുമെന്നും അതില്‍ നിന്നും മികച്ച സൃഷ്ടികള്‍ മാത്രമേ സമാഹാരത്തില്‍ ഉള്‍പ്പെടുത്തൂ ഉള്ളൂ എന്നുമായിരുന്നു ആ നിബന്ധന. വളരെ സമഗ്രവുംസുദീര്‍ഘവുമായ ഒരു പ്രക്രിയയായിരുന്നു ഇതിനു പിന്നില്‍. കൃതിയുടെ എഡിറ്റോറിയല്‍ ബോര്‍ഡ് അംഗങ്ങള്‍ മലയാള ബ്ലോഗിലെ മികച്ച കവിതാ ബ്ലോഗുകളിലൂടെ നടത്തിയ സഞ്ചാരത്തില്‍ മികച്ചതെന്ന് തോന്നിയ ഏതാണ്ട് 100 നു മുകളില്‍ കവിബ്ലോഗര്‍മാര്‍ക്ക് ഈ വിവരങ്ങള്‍ ഉള്‍പ്പെടുത്തി മെയില്‍ അയക്കുകയും ഇതിനോട് സഹകരിക്കാന്‍ തയ്യാറായ ഏതാണ്ട് 45 നു മേലെ കവികളില്‍ നിന്നും ലഭിച്ച 80 ഓളം കവിതകള്‍ വിദഗ്ദപാനലിന്റെ വിശകലനത്തിനായി സമര്‍പ്പിക്കുകയും അതില്‍നിന്നും തിരഞ്ഞെടുക്കപ്പെട്ട 25 കവിതകള്‍ (ഒരാളുടെ ഒരു കവിതയേ ഉള്‍പ്പെടുത്തിയിട്ടുള്ളൂ) ചേര്‍ത്ത് സമാഹാരമാക്കുകയുമാണ് ചെയ്തത്.

കഴിഞ്ഞ പുസ്തകമായ മൌനത്തിനപ്പുറത്തേക്ക്.. പോലെ തന്നെ ഇതും ഏതാണ്ട് സമ്പൂര്‍ണ്ണമായി ബ്ലോഗര്‍മാരുടെ പുസ്തകമാണെന്ന് പറയാം. കവിതകളുടേ സ്ക്രീനിംഗ് കമ്മറ്റിയിലുണ്ടായിരുന്ന ഒരാളൊഴിച്ചാല്‍ ഇതിന്റെ പിന്നിലും മലയാളത്തിലെ ഒട്ടേറെ ബ്ലോഗര്‍മാരുടെ പ്രയത്നം തന്നെ.. ഈ സമാഹാരത്തിന്റെ ഡിടിപി - ലേഔട്ട് ജോലികള്‍ മനോഹരമാക്കിയത് മൌനത്തിനപ്പുറത്തേക്ക് .. എന്ന ആദ്യ സമാഹാരത്തില്‍ കൃതി പബ്ലിക്കേഷന്‍സിനോടൊപ്പം ഉണ്ടായിരുന്ന ജയ്നിയാണ്. കവര്‍ ഡിസൈന്‍ ചെയ്തിരിക്കുന്നത് നേരത്തെ സൂചിപ്പിച്ചത് പോലെ കൂടുതല്‍ പരിചയപ്പെടുത്തലുകള്‍ ആവശ്യമില്ലാത്ത നമ്മുടെ പ്രിയപ്പെട്ട ബ്ലോഗര്‍ നന്ദപര്‍വ്വം നന്ദകുമാര്‍ തന്നെ... ഈ സമാഹാരത്തിന്റെ ഇത് വരെയുള്ള വിജയത്തിനായി ഒത്തൊരുമയോടെ പ്രയത്നിച്ച കൃതി പബ്ലിക്കേഷന്‍സിന്റെ എഡിറ്റോറിയല്‍ അംഗങ്ങള്‍ക്കും കൃതി പബ്ലിക്കേഷന്‍സിന്റെ ഈ ഉദ്യമ്യത്തോട് വളരെ നല്ല രീതിയില്‍ പ്രതികരിച്ച ഇതിലേക്ക് തിരഞ്ഞെടുക്കപ്പെട്ടതും ഉള്‍പ്പെടുത്താനാവാതെ പോയതുമായ കവി/ കവയത്രികള്‍ക്കും അതിനേക്കാളേറെ മൂല്യമേറിയ കവിതകളുടെ തിരഞ്ഞെടുപ്പിന് വേണ്ടി ഞങ്ങളോട് സഹകരിച്ച സ്ക്രീനിംഗ് കമ്മറ്റി അംഗങ്ങളായ ബ്ലോഗ് - പ്രിന്റ് മീഡിയയിലുള്ള കവികള്‍ക്കും ഈ അവസരത്തില്‍ നന്ദി രേഖപ്പെടുത്തട്ടെ... പുസ്തകങ്ങളെ സ്നേഹിക്കുന്ന ഓരോ മലയാളിയും ഈ കാ വാ രേഖ? യെനെഞ്ചേറ്റുമെന്ന വിശ്വാസത്തോടെ..

കൃതി പബ്ലിക്കേഷന്‍സിന്റെ ബ്ലോഗിലേക്കുള്ള ലിങ്ക് : http://krithipublicationsernakulam.blogspot.com/

നുമ്മടെ ടൈമില്ലാത്ത ബാവുച്ചായൻ..!

2011-02-22T19:16:00.005+05:30

ഈ വിദ്വാനെ ഒന്നു പരിചയപ്പെട്ടിരുന്നോളൂ..
പേര് - ബാബു.കെ.എ.
ജോലി - വാഴക്കുളം പൈനാപ്പിൾ മാർകെറ്റിലെ കൂലി ജീവനക്കാരൻ + പാർട്ട് ടൈം തേങ്ങയിടലുകാരൻ..!!

ടി.യാന്റെ രസകരമായ ഒരു വിശേഷം അറിയിക്കാം ഈ ബ്ലോഗിലൂടേ..
ടി.യാനെ ഞാൻ ഇന്നലെയാണു ആദ്യമായി പരിചയപ്പെടുന്നത്..
ഒരു അമ്പലപ്പറമ്പിലെ തേങ്ങയിടാൻ അഞ്ചു മണി വൈകുന്നേരം എത്തിയപ്പോൾ..!
പരിചയപ്പെടലിനിടയിൽ ടി.യാനോട് ഞാൻ ചോദിച്ചു..”പത്തു മുപ്പത്തഞ്ച് തെങ്ങുണ്ട്; ഒന്നിട്ടു തരാമോ..”
ടി.യാൻ എന്നെ അടിമുടി ഒന്നു വീക്ഷിച്ച്.. കുറച്ചു നേരം മൌനം പാലിച്ചു.. എന്നിട്ട് മുകളിൽ കൊടുത്തിട്ടുള്ള വിസിറ്റിങ്ങ് കാർഡെടുത്ത് എന്റെ നേരെ നീട്ടി ഇങ്ങിനെ മൊഴിഞ്ഞു
“ആശാനേ.. ഒരാഴ്ച മുൻപൊന്നു വിളി.. അപ്പോൾ ഞാൻ പറയാം.. അപ്പോയിന്റ്മെന്റെടുക്കാൻ എപ്പോ വിളിക്കണം ന്ന്..!!“

:):)
ഞാൻ വായും പൊളിച്ച് ഒരു നിമിഷം നിന്നു..

ടി.യാൻ തുടർന്നു..
“ആശാനേ.. ഒരു കാര്യം കൂടി കേൾക്കൂ..“
ഞാൻ ആകാംക്ഷാചിത്തനായി ടി.യാനെ സസൂഷ്മം ശ്രദ്ധിച്ചു..
“കഴിഞ്ഞയാഴ്ച നമ്മടെ മുവാറ്റുപുഴ കോടതീലെ ഒരു ജഡ്ജി എന്നെ നേരിട്ട് വിളിച്ച് ഒരു അപ്പോയിന്റ്മെന്റ് വേണമെന്ന് ഉണർത്തിച്ചു..!“

എന്നിട്ട്..!! എന്റെ വായ് കുറേക്കൂടി പൊളിഞ്ഞു..!

“ജഡ്ജിയല്ലേ.. പാവമല്ലേ.. ഞാൻ ഒരു ഡേറ്റ് പുള്ളിക്കു കൊടുത്തു.. പിന്നീടൊരു ആവശ്യം വന്നാൽ സാധിക്കണല്ലോ..ഹി ഹി ഹി”

അമ്പടാ ഫയങ്കരാ..!! എന്റെ വായ് കുറേക്കൂടി പൊളിഞ്ഞു..!!

എന്നിട്ടോ..! ആകാംക്ഷാഭരിതനായി ഈ പാവം ഞാൻ വീണ്ടൂം..
“എന്നിട്ടെന്താ.. നമുക്ക് വാക്കു വ്യത്യാസം ഇല്ല ആശാനേ.. പറഞ്ഞ ദിവസം തന്നെ ഞാൻ ജഡ്ജിയുടെ വീടിന്റെ മുൻപിലെത്തി..“

എന്നിട്ട്..!

“അപ്പോളതാ ഗേറ്റിന്റെ മുൻപിൽ പാറാവ് നിന്നിരുന്ന ഒരു സാദാ പാറാവേമാൻ എന്നോട് ആക്രോശിക്കുന്നു.. ‘ ടാ.. ---മോനേ..!! ജഡ്ജി എന്നോട് ഒന്നും പറഞ്ഞിട്ടില്ല.. പിന്നെങ്ങിനെ ഞാൻ അകത്തോട്ട് കേറ്റി വിടൂം.. നീ പോ മോനേ *ബാവുമോനേ*‘ എന്ന്.. ഹി ഹി ഹി ഹി.. ഞാനെന്റെ പാടും നോക്കി തിരിച്ചു പോന്നു ആശാനേ..”

എന്റമ്മോ..!!
എന്നിട്ട്..!
എന്റെ വായി പിന്നേം പൊളിഞ്ഞു..

“എന്നിട്ടെന്താ.. പിന്നീട് സംഭവമറിഞ്ഞ് ജഡ്ജിയേമാൻ പാറാവുമോനെ തുരുതുരാ തെറി.. ഹിഹിഹിഹി”

എന്നിട്ട്..!!

“അടുത്ത ദിവസം ഞാൻ സൈക്കിളൂം ചവിട്ടി പാട്ടും പാടി വരുമ്പോൾ കച്ചേരിത്താഴത്തുവെച്ച് (മുവാറ്റുപുഴ) ഒരു പോലീസ്ജീപ്പ് മുൻപിൽ വന്ന് ചവിട്ടി നിർത്തി.. അതിൽ നിന്ന് എസ്.ഐ ഏമാൻ സിനിമാ സ്റ്റൈലിൽ ചാടി ഇറങ്ങി വന്ന് എന്റെ മുൻപിൽ വന്ന് ഭവ്യതയോടേ ഇങ്ങിനെ മൊഴിഞ്ഞു.. ‘ സാറ്.. സൈക്കിൽ പ്രയാണം നിർത്തി ഈ ജീപ്പിലോട്ട് ഒന്നു കേറിയാട്ടേ’.. സൈക്കിളവിടെ സൈഡിലൊതുക്കി ഞാൻ ജീപ്പിലോട്ട് കയറി എന്നിട്ട് ഏമാനോട് ആരാഞ്ഞു ‘എന്തിനാ സാറേ.. എന്നെ അറെസ്റ്റ് ചെയ്തു കൊണ്ടോണേ..!!‘ അപ്പോൾ ഏമാൻ തിരിച്ചു മൊഴിഞ്ഞു.. ‘അതൊക്കെ അവിടെ ചെന്നിട്ടു പറയാമെടേ..’ “

എന്നിട്ടോ..!!!!!!!!!!!!!!!!!!!!!!!!!!!!!!!!!!!!! എന്റെ വായ് കുറേക്കൂടി പൊളീഞ്ഞു..!

“എന്നിട്ടെന്താ; അവരു ജഡ്ജിയേമാന്റെ വീട്ടിൽ ചെന്ന് പാലീസ് വണ്ടി നിപ്പാട്ടി.. ഞാൻ വണ്ടിയിൽ നിന്നിറങ്ങിയ പാടേ ജഡ്ജിയേമാൻ.. വന്ന് ഭവ്യതയോടെ ചോദിച്ചു.. ‘ എന്താ ബാബു.. നീ അപ്പോയിന്റ്മെന്റ് തന്നിട്ട് നമ്മളെ ഉപേക്ഷിച്ചേ’.. എന്റെ ചങ്കൊന്നു പെടച്ചു കെട്ടോ..
ഞാൻ തിരിച്ചു മൊഴിഞ്ഞു.. ‘ ഏമാനേ ഞാൻ വന്നിരുന്നു.. പക്ഷേ പാറാവേമ്മാൻ കേറ്റി വിട്ടില്ല.. എന്റെ സമയത്തിനു വില ഭയങ്കരമാ ഏമ്മാനേ.. സോ.. ഞാനങ്ങ് തിരിച്ചു പോയി’“

എന്നിട്ട്..!!!!!!!!!

“എന്നിട്ടെന്താ; ഏമാൻ പരിപാടി തുടങ്ങാൻ ഉണർത്തിച്ചു.. അപ്പോൾ ഞാൻ ചൊല്ലി..’ ഏമാനേ.. എന്റെ പണിയായുധങ്ങൾ എടുത്തിട്ടില്ല; വീട്ടിലാ.. അതെടുത്തോണ്ട് വരണം.’ ഇത് കേട്ടപാതി കേൽക്കാത്ത പാതി നമ്മടെ ജഡ്ജിയേമാൻ പോലീസു ഏമ്മാന്മാരോട് കൽ‌പ്പിച്ചു.. ‘ബാബൂനെ വീട്ടീ കൊണ്ടോയി പണിയായുധങ്ങൾ എടുത്തിട്ടു വാ..!‘......”

എന്നിട്ട്......!!!!!!!!!!!!!!!!!!!!!!!!!!!!!!!!

“എന്നിട്ടെന്താ.. പോലീസ് എസ്കോർട്ടിൽ നമ്മടെ കോളനീൽ പോയി ഇറഞ്ഞീപ്പോ.. നമ്മടെ നാട്ടാരൊക്കെ തടിച്ചു കൂടീ..! ഞാൻ ആരോടും ഒന്നും ഉരിയാടാതേ വീടിനകത്തു കേറി വാക്കത്തീം ത്വായിപ്പും എടുത്ത് വെളിയിലിറങ്ങി ജീപ്പിനകത്തോട്ട് കേറീ..!! ഇത് കണ്ട് നിന്ന നാട്ടാരൊക്കെ വായും പൊളിച്ച് നിന്നു..!!“

ഉവ്വ... എന്റെ വായൂം.. ഇനി അടക്കാൻ പറ്റാത്ത വിധത്തിൽ പൊളിഞ്ഞു പോയി..!!!!

എങ്ങനേണ്ട് നമ്മടെ കക്ഷി..!!

കുമ്പസാരം..!

2011-01-14T14:32:00.009+05:30

ഇത് തികച്ചും വ്യക്തിപരമായ നിരീക്ഷണങ്ങളാണ്.. അളക്കലുകളാണ്.. ഇഷ്ടങ്ങളാണ്..!!
ബ്ലോഗിൽ വന്ന അന്നു മുതൽ ഇന്നുവരെ നിരീക്ഷിച്ചു പോന്നിട്ടുള്ള ചുരുക്കം ചില ബ്ലോഗുകളിൽ നിന്നും
എന്റെ മനസ്സിനെ സ്ട്രൈക് ചെയ്ത/ ടി. ബ്ലോഗിലെ ഏറ്റവും ഇഷ്ടപ്പെട്ട/ ടി.ബ്ലോഗ് ശ്രദ്ധിക്കാനിടയായ പോസ്റ്റ് അങ്ങിനെ എങ്ങിനെ വേണെമെങ്കിലും നിർവ്വചിക്കാം ഈ തിരഞ്ഞെടുക്കലിനെ..!
വ്യക്തിപരമായ ഇഷ്ടങ്ങൾ മറ്റുള്ളവർ നിരൂപിക്കുമ്പോൾ അതിൽ വിമർശിക്കാനേറേ ഉണ്ടാകാം..
പക്ഷേ.. എന്റെ താല്പര്യങ്ങൾ എന്നും സ്ഥായിയായിരിക്കും..!!
നിരൂപണത്തിനോ വിമർശനത്തിനോ അപ്രീഷിയേറ്റ് ചെയ്യാനോ ഉള്ള മികവോ അതിനുള്ള കഴിവോ എക്സ്പിരിയൻസോ എനിക്കില്ല..
പക്ഷേ.. ഒരു സാധാരണ അനുവാചകന്റെ മനസ്സിലുള്ള എളിയ ധാരണകൾ വെച്ചാണീ അളക്കലുകൾ..!

ഏറ്റവും ഇഷ്ടപ്പെട്ട ബ്ലോഗെർ
1- മരമാക്രി [പോസ്റ്റുകൾ ഡിലീറ്റ് ചെയ്യപ്പെട്ടിരിക്കുന്നു..:(]
2- അനിതാ ഹരീഷ്
3- അനോണിമാഷ് [പോസ്റ്റുകൾ ഡിലീറ്റ് ചെയ്യപ്പെട്ടിരിക്കുന്നു..:(] $ കൂതറ തിരുമേനി $ അനിൽ @ ബ്ലോഗ്

ഏറ്റവും ഇഷ്ടപ്പെട്ട കഥാകൃത്ത്
1 - സതീഷ് മാക്കോത്ത്
2 - ലെക്ഷ്മി
3 - സിമി നസ്രേത്ത്

ഏറ്റവും ഇഷ്ടപ്പെട്ട ഫോട്ടോബ്ലോഗെർ
1 - ഗോപൻ (ആദ്യ പ്രചോദനം!) $ നൊമാദ്
2 - യാത്രാമൊഴി $ ശ്രീലാൽ
3 - കൈപ്പിള്ളി $ പ്രശാന്ത് ഐരാണിക്കുളം

ഏറ്റവും ഇഷ്ടപ്പെട്ട കവിതാ ബ്ലോഗെർ
1 - സെറീന
2 - രാമചന്ദ്രൻ വെട്ടിക്കാട് $ ലെക്ഷ്മി
3 - നൊമാദ് $ പകൽകിനാവൻ $ ജെയ്ൻ

ഏറ്റവും ഇഷ്ടപ്പെട്ട യാത്രാ വിവരണം
1-നിരക്ഷരൻ
2-സജി അച്ചായൻ
3-സോജൻ

ഏറ്റവും ഇഷ്ടപ്പെട്ട നർമ്മ ബ്ലോഗ്
1-അരുൺ കായംകുളം
2-വാഴക്കോടൻ
3-ജി.മനു

ബ്ലോഗ് ടിപ്സ്
1-അപ്പു
2-വക്കാരിമഷ്ടാ
3-മുള്ളൂക്കാരൻ

ഫോട്ടോബ്ലോഗ് ടിപ്സ്
1-അപ്പു
2-സപ്തവർണ്ണങ്ങൾ

ബ്ലോഗ് പത്രം
1-നമ്മുടെ ബൂലോകം
2-ബ്ലോത്രം

സയൻസ്/ടെക്നോളജി
1-v k ആദർശ്
2-യാരിദ്
3-ഹെല്പെർ

പാചകം
1-ബിന്ദു കെ പി
2-സു
3-കാന്താരിക്കുട്ടി

പാട്ട് പെട്ടി
1-കിരൺ
2-പൊറാടത്ത്
3- ലെക്ഷ്മി $ കാന്താരിക്കുട്ടി $ സുപ്രിയ

ഏറ്റവും ഇഷ്ടപ്പെട്ട ഗ്രൂപ്പ്ബ്ലോഗ്
1-ഗോമ്പറ്റീഷൻ
2- ബൂലോക കാരുണ്യം
3- തോന്ന്യാശ്രമം $ ആൽത്തറ

അനുഭവക്കുറിപ്പുകൾ
1-ശ്രീ
2-ആത്മ
3-പാർവതി കുറുപ്പ്

രാഷ്ട്രീയം/സാമൂഹികം
1- മാരീചൻ
2- കാളിദാസൻ
3 - അഹങ്കാരി & ജിപ്പൂസ്

ആരോഗ്യം
1-ലീന

വര
1-കാർട്ടൂണിസ്റ്റ് $ സുനിൽ പണിക്കെർ $ നന്ദകുമാർ(നന്ദപർവ്വം)
2-T K Sujith
3-വേണു

കുട്ടിബ്ലോഗെർ
1-രാധു
2-പച്ചാന
3-അശ്വിൻ

പബ്ലീഷേർസ്
1-ബുക്ക് റിപ്പബ്ലിക്
2-എൻ ബി പബ്ലിക്കേഷൻസ്

ഏറ്റവും പ്രചോദനമേകിയ/അസൂയ ജനിപ്പിച്ച എഴുത്തുകാർ
1 - സ്മിതാ ആദർശ്
2 - സരിജാ എൻ എസ്
3 - അനിൽ @ ബ്ലോഗ്
4 - ചാണക്യൻ
5 - മണികണ്ഠൻ
6 - മുരളീകൃഷ്ണാ മാലോത്ത്
7 - ബെർളി തോമസ്
8 - നാട്ടുകാരൻ
9 - ശിവ
10 - നന്ദകുമാർ
11 - പോങ്ങുമ്മൂടൻ
12 - മനോരാജ്
13 - റെയർ റൊസ്
14- ഉപാസന
15-ചിത്രകാരൻ
16-ശ്രീനാഥൻ
17-ലെക്ഷ്മി
18-ഇഞ്ജിപ്പെണ്ണ്
19-അനോണി മാഷ്
20-കൂതറ തിരുമേനി
21-മരമാക്രി
22-അങ്കിൾ
23-ആത്മ
24-മൈന
25-അനിതാ ഹരീഷ്

ഇഷ്ടപ്പെട്ട പോസ്റ്റുകൾ..ബ്ലോഗെർമാർ..

1. എഴുത്തുകാരി
2. അനിൽ@ബ്ലോഗ്
3. കൂതറ തിരുമേനി
4. അരുൺ കായംകുളം
5. കണ്ണനുണ്ണി
6. അനൂപ് കോതനല്ലൂർ
7. ചിത്രകാരൻ
8. പ്രിയ ജി
9. സ്മിത ആദർശ്
10. റെയർ റൊസ്
11. കൈപ്പിള്ളി
12. അപ്പു
13. കിച്ചു
14. രെഞ്ജിത് വിശ്വം
15. യൂസഫ്പാ
16. ഹംസ
17. മനോരാജ്
18. മുള്ളൂക്കാരൻ
19. ബെർളി തോമസ്
20. അനോണിമാഷ് [ടി.യാൻ എല്ലാ പോസ്റ്റുകളും ഡിലീറ്റ് ചെയ്തിരിക്കുന്നു..:(]
21. ലെക്ഷ്മി ലെച്ചു
22. നൊമാദ്
23. സെറീന
24. സതീഷ് മാക്കോത്ത്
25. നാടകക്കാരൻ
26. സുനിൽ കൃഷ്ണൻ
27. കാപ്പിലാൻ (ചെറായി മിറ്റിനെ പരാമർശിച്ച് ടി.യാന്റെ കൊള്ളികളിൽ വിവാദമായൊരു പോസ്റ്റുണ്ട്; നിർഭാഗ്യവശാൽ ആ പോസ്റ്റ് ഡിലീറ്റ് ചെയ്യപ്പെട്ടിരിക്കുന്നു. ആ പോസ്റ്റാണു ഇഷ്ടം!)
28. ചാണക്യൻ
29. അഹങ്കാരി
30. ശിവ
31. സരിജ എൻ എസ്
32. നിരക്ഷരൻ
33. അനിതാ ഹരീഷ്
34. പ്രവീൺ വട്ടപ്പറമ്പത്ത്
35. നന്ദകുമാർ
36. മനു.ജി
37. ശ്രദ്ധേയൻ
38. ജോ (ടി.ബ്ലോഗിൽ ആദ്യത്തെ കുറച്ച് പോസ്റ്റുകൾ ഉണ്ടായിരുന്നു; അത്യന്തം ബുദ്ധിശാലിയായ ഈ ബ്ലോഗെറുടെ ആ പോസ്റ്റുകൾ ഡിലീറ്റ് ചെയ്തിരിക്കുന്നു!)
39. കാന്താരികുട്ടി
40. മണികണ്ഠൻ
41. പകൽകിനാവൻ
42. രാമചന്ദ്രൻ വെട്ടിക്കാട്
43. ശ്രീനാഥൻ
44. എച്ച്മ്മുക്കുട്ടി
45. വായാടി
46. കെ പി എസ്
47. കേരളാ ഫാർമെർ
48. പൌർണ്ണമി
49. ആലുവാവാല
50. ലതികാ സുഭാഷ്
51. ശ്രീ
52. ഹൻല്ലലത്ത്
53. തണൽ
54. പ്രയാൺ
55. പാവപ്പെട്ടവൻ
56. പാവത്താൻ
57. നാട്ടുകാരൻ
58. ബാബുരാജ്
59. കുഞ്ഞൻ
60. മുരളിക
61. ജ്വാല
62. അശ്വതി
63. ബിന്ദു.കെ.പി.
64. ആഷാ സതീഷ്
65. ജെയിൻ
66. ചങ്കരൻ (ഇദ്ദേഹത്തിന്റെ ബ്ലോഗിൽ ഏഴു കഥകൾ ഉണ്ട്; ഉറപ്പായും വായിക്കുക!)
67. പാർവതി കുറുപ്പ്
68. വികടശിരോമണി (എന്റെ കഴിവുകേടിനാൽ ആസ്വദിക്കാൻ/മനസ്സിലാക്കാൻ കഴിയാതിരുന്ന ബ്ലോഗ്. പക്ഷേ ഇദ്ദേഹത്തിന്റെ പ്രതിഭാസമ്പന്നത അംഗീകരിച്ചു കൊടുത്തേ മതിയാകൂ.)
69. പ്രയാസി
70. പ്രിയ ഉണ്ണിക്കൃഷ്ണൻ
71. ബിന്ദു (ടി.സരസ്വതി ട്യൂഷൻ സെന്ററിലെ മറ്റൊരു വിദ്യാർത്ഥിയായ എനിക്ക് നൊസ്റ്റാൾജിയ നൽകുന്ന പോസ്റ്റ്!)
72. മാരീചൻ
73. മരമാക്രി
74. കാർട്ടൂണിസ്റ്റ്
75. ഭൂമിപുത്രി
76. ലെക്ഷ്മി
77. സജി അച്ചായൻ
78. അരൂപിക്കുട്ടൻ
79. സു/su
80. മാണിക്യം
81. കുമാരൻ
82. ബിനോയ്
83. സോജൻ
84. മണി ഷാരത്ത്
85. വാഴക്കോടൻ
86. ചിത്രാംഗദ
87. ചാണ്ടിക്കുഞ്ഞ് (ടി.യാന്റെ വെടിക്കഥകൾ എന്ന പോസ്റ്റ് ഡിലീറ്റി എന്നു തോന്നുന്നു..)
88. യാരിദ്
89. മയൂര
90. വേണു
91. മൈന
92. രമണിക
93. അനിൽശ്രീ
94. എന്റെ ഉപാസന
95. ആത്മ
96. e a jabbar
97. ബഷീർ വെള്ളറക്കാട്
98. കിരൺസ്
99. ധനേഷ്
100. പൊറാടത്ത്
101. ഗീതാഗീതികൾ
102. അപ്പൂട്ടൻ
103. പോങ്ങുമ്മൂടൻ
104. കൊട്ടോട്ടിക്കാരൻ
105. തെക്കേടൻ(ഷിബു മാത്യൂ ഈശോ)
106. അങ്കിൾ
107. ജ്വാലാമുഖി
108. നീർവിളാകൻ
109. ഇഞ്ചിപ്പെണ്ണ്
110. നാസ്
111. സിമി
112. തോന്ന്യാസി
113. അഞ്ചൽക്കാരൻ
114. ഷെറീഫ് കൊട്ടാരക്കര
115. ജുനൈദ്
116. വി കെ ആദർശ്
117. ഡോ.ജയൻ ഏവൂർ
118. ആളവന്താൻ
119. മഞ്ജു മനോജ്
120. പ്രശാന്ത് ഐരാണിക്കുളം
121. നട്ടപ്പിരാന്തൻ
122. മിനി
123. ബഷീർ വള്ളിക്കുന്ന്
124. സന്തോഷ്/santhosh
125. മത്താപ്പ്
126. വിനയ
127. ബിന്ദു ഉണ്ണി
128. കാളിദാസൻ
129. വിഷൂദകൻ
130. രഘുനാഥൻ
131. മുംസി
132. സാജൻ
133. പാമരൻ
134. കാൽവിൻ
135. അനുരജ്ഞനവർമ്മ
136. സപ്തവർണ്ണങ്ങൾ
137. ഗുപ്തൻ
138. ആദിത്യൻ
139. യാത്രാമൊഴി
140. സിയ/Ziya
141. രാധു
142. ശ്രീലാൽ
143. തുളസി കക്കാട്ട്
144. പപ്പൂസ്
145. ദീപക് രാജ്
146. കുറ്റ്യാടിക്കാരൻ
147. ജിപ്പൂസ്
148. എതിരൻ കതിരവൻ
149. SREE
150. ലീന
151. ഡിങ്കൻ

നമുക്കൊരുമിച്ച് രാപാർക്കാം..!

2011-01-07T11:29:00.000+05:30

ഊഹക്കച്ചവടത്തിനെ കവച്ചു വെയ്ക്കുന്ന തരത്തിലുള്ള ഭൂമിവിലയുടെ മുൻപോട്ടുള്ള പ്രയാണവും; നിർമാണ മേഖലയിലുണ്ടായ വൻ കുതിച്ചു ചാട്ടവും; നിർദ്ധനരും സാധാരണക്കാരുമായ ജനവിഭാഗത്തിനു സ്വന്തമായി ഒരു കിടപ്പാടമുണ്ടാക്കുക എന്നത് അപ്രാപ്യമായി അവശേഷിപ്പിച്ചുകൊണ്ടിരിക്കുകയാണ്. ഇവിടെയാണു; മികച്ച രീതിയിൽ വ്യക്തി, കുടുംബബന്ധങ്ങൾ പുലർത്തുന്നവർക്ക് പരസ്പര സഹകരണാടിസ്ഥാനത്തിലൂടെ കുറഞ്ഞ ചിലവിൽ സ്വന്തമായ മേൽക്കൂര പടുത്തുയർത്തുവാൻ കഴിയുന്ന ഒരു വിദ്യ ഒളിഞ്ഞിരിക്കുന്നത്..!

കേരളത്തിലുടനീളം സർവ്വസാധാരണമായിക്കൊണ്ടിരിക്കുന്ന ഈ നിർമ്മാണവിശേഷം; നാളെ കേരളത്തിലെ വസ്തുവിന്റെ വിലനിർണ്ണയത്തിൽ സുപ്രധാനഘടകമായേക്കും. ഉറ്റ സുഹൃത്തുക്കളോ ബന്ധുക്കളോ ആയ നാലോ ആറൊ എട്ടോ പേർക്കു ഒരുമിച്ചു കൂടി നിർമിക്കാവുന്ന ഇത്തരം കൂട്ടുബഹുനിലഭവനങ്ങൾ ഒരോരുത്തർക്കും 20 മുതൽ 40% വരെ നിർമണച്ചെലവിലും വസ്തുവാങ്ങുന്നതിലുമടക്കം കുറവു തരും. വ്യക്തിബന്ധങ്ങൾക്കോ കുടുംബബന്ധങ്ങൾക്കോ വിലയില്ലാത്ത ഈ നാട്ടിൽ/സമയത്ത്; ബന്ധങ്ങൾ ഊഷ്മളമാക്കുവാനും അതിന്റെ പ്രസക്തി വർദ്ധിക്കുവാനും ഇത്തരം നിർമാണരീതികൾ മൂലം ഉതകും. ഉദാഹരണത്തിനു; 10 സെന്റ് വീതമുള്ള ഒരോ പ്ലോട്ടിലും ഇൻഡിവിജുവലായി ഒരു 1500sq.ft. വീട് പണിയുമ്പോൾ ഏറ്റവും കുറഞ്ഞത് 25 ലക്ഷം ( സെന്റിനു 1 ലക്ഷം വീതവും, sq.ft.നു 1000 രൂപ വീതവും) രൂപയെങ്കിലും ആകും. 6 സുഹൃത്തുക്കൾ ചേർന്ന് ഒരു 1500sq.ft. വീതം ആളൊന്നുക്കുള്ള ഒരു വലിയ ഭവനം നിർമിക്കുന്നുവെന്നു കരുതുക. 6 പേർ ചേർന്ന് നിർമിക്കാനാണെങ്കിൽ ഏകദേശം 20 സെന്റ് സ്ഥലം മതിയാകും. അപ്പോൾ തന്നെ കൈവരിക്കാനായ ലാഭം എത്രയെന്നു ചിന്തിച്ചു നോക്കൂ. താഴത്തേ നിലയിൽ 2 ഫാമിലി എന്ന കണക്കിൽ 3 നിലയിലായി മൊത്തം 9000sq.ft. തറ വിസ്തീർണ്ണം 3000sq.ft; കോമൺ അപ്സ്റ്റെയേർസ്, ലിഫ്റ്റ് എന്നിവ പുറമേ. കൂട്ടായരീതിയിൽ നിർമിക്കുമ്പോൾ തന്നെ നമുക്ക് നിർമാണച്ചെലവുകളിൽ നല്ലൊരു ഭാഗം കുറക്കാനാകും. ഉദാഹരണത്തിനു ഓരോ വീടിനും അതിന്റെ നിർമ്മാണച്ചലവിൽ ഏകദേശം 10- 15% മുടക്ക് വരിക അതിന്റെ അടിത്തറ നിർമിക്കുമ്പോഴാകുന്നു.
ആ ചിലവ് പകുതിയെങ്കിലും കുറയ്ക്കുവാൻ ഈ നവീനരീതി കൊണ്ട് കഴിയും. ഈ രീതിയിൽ നിർമിക്കുമ്പോൾ കുറേയൊക്കെ അഡ്ജസ്റ്റ് ചെയ്യണമെങ്കിൽ പോലും; 60%വും മനസ്സിനിണങ്ങിയ രീതിയിൽ തന്നെ ഔട്ട്പുട്ട് നമുക്കു ലഭിക്കുന്നതാണ്. നല്ല ദീർഘവീക്ഷണത്തോടെ ഗൃഹപാഠം ചെയ്ത് പരിശ്രമിച്ചാൽ പുതുമനിറഞ്ഞതും മനോഹരമായതുമായ ഒരു ബഹുനിലഭവനം നിർമിച്ചെടുക്കാവുന്നതാണ്. കൂട്ടുനിർമാണത്തിലൂടെ ഏകദേശം 20% മെങ്കിലും നിർമാണച്ചിലവിൽ കുറവും ലഭിക്കും. കൂടുതലായുള്ള അഡ്വാന്റേജ് എന്തെന്നാൽ ഒരുമിച്ച് താമസിക്കുമ്പോഴുള്ള ഐക്യം, ബന്ധുബലം, പരസ്പരസഹായം അങ്ങിനെ കുറേ കാര്യങ്ങൾ കരഗതമാക്കുവാൻ സാധിക്കുമെന്നതാണ്. ഇന്നുള്ള അണുകുടുംബങ്ങളിലെ ജീവിതത്തിനിടയിൽ മിക്കപ്പോഴും കണ്ടുവരുന്ന ഒന്നാണു ആവശ്യമുള്ള സമയത്ത് ഉദാത്തമായ ഒരു സഹായഹസ്തത്തിന്റെ കുറവ്. ആശുപത്രിക്കിടക്കയിൽ പെട്ടു പോകുമ്പോഴാകും ഈ കുറവിന്റെ ഫീൽ ഏറ്റവും കൂടുതൽ അനുഭവപ്പെടുക. ഒരു കൈ മാറിപ്പിടിക്കാൻ ഒരു ബന്ധുമിത്രാദിയുടെ കുറവ് അനുഭവപ്പെട്ടിട്ടുള്ള ആ സമയങ്ങളിൽ എല്ലാ വിങ്ങലുകളും മനസ്സിനുള്ളിലടക്കി അനുഭവിച്ചിരുന്നിട്ടില്ലേ?? കൂടെ ആരുമില്ല എന്ന ആ തോന്നലുകൾ മാത്രം ലഘൂകരിക്കാൻ സാധിച്ചാൽ ഏതു വിഘ്നഘട്ടങ്ങളും തരണം ചെയ്യാൻ നമുക്ക് സാധിക്കും. പൊതുവായി നല്ലൊരു ജിംനേഷ്യം, ബാറ്റ്മിന്റൺ കോർട്ട്, അടുക്കളത്തോട്ടം എന്നിവയൊക്കെക്കൂടി നിർമിച്ചാൽ കൂട്ടായ ആ സാന്നിദ്ധ്യസഹകരണത്തിലൂടെ നിർലോഭം ലഭിക്കുന്ന ആ പോസിറ്റീവ് എനെർജി ഊഹിക്കാവുന്നതിലുമപ്പുറമായിരിക്കും. ഫ്ലാറ്റുകളിലെയോ വില്ലകളിലെയോ പൊള്ളുന്ന വാടക/വില കൊടുക്കാതെ തന്നെ ഇത്തരം സഹകരണാടിസ്ഥാനത്തിൽ നിർമിക്കുന്ന ബഹുഭവനങ്ങൾക്ക് വസ്തു,നിർമാണചെലവുകൾ കുറക്കുവാനും അതിനേക്കാളുപരി സുദൃഢബന്ധമുള്ള ഒരു യൂണിറ്റി കെട്ടിപ്പടുക്കുവാനും സാധിക്കും.

ആവണി @ എൽ.കെ.ജി

2011-01-02T20:00:00.000+05:30

ടി വി യിൽ ഹരികൃഷ്ണൻസ് സിനിമ ആകാംക്ഷാപൂർവ്വം കണ്ടുകൊണ്ടിരുന്ന ആവണിക്കുട്ടി..
“അമ്മേയമ്മേ ഈ മോഹൻലാലും മമ്മൂട്ടിയുമൊക്കെ എങ്ങനെയാമ്മേ ജീവിക്കണേ..??
എപ്പോ നോക്കിയാലും ടീ വീൽ കാണാലോ..
അച്ഛന്റേ പോലെ കടയിലൊന്നും പോകാതെ ഇവരെങ്ങിനെയാമ്മേ കഞ്ഞി കുടിക്കണേ..??“
“അതേ.. മോളൂ; അവർക്ക് ടീ വിയിൽ അഭിനയിക്കുമ്പൊഴേ നിറയെ കാശൊക്കെ കിട്ടും..; അപ്പോ നല്ല സുഖായിട്ടു ജീവിക്കാലോ”
“ആഹാ..!! എന്നാ നമ്മടെ അച്ഛനേം നമുക്ക് അഭിനയിക്കാൻ വിട്ടാലോ അമ്മേ; നമ്മക്കും ഒത്തിരി കാശ് കിട്ടൂലോ”
“ങേ...ഹ്.!!”

“അമ്മേയമ്മേ ഈ ഉണ്ണീശോടെ കൂടെ വെള്ളയുടുപ്പുമിട്ട് നടക്കുന്നതാരാമ്മേ..??”
“അതോ..; അതാണു മോളെ മാലാഖമാര്. അവര് ഉണ്ണീശോട് കൂട്ടു കൂടാൻ വന്നിരിക്കുന്നതാണു ട്ടോ..”
“അതെന്താമ്മേ; മാകാലമാരുടെ കൈയ്യുടെ അവിടെ കാണണത്..??”
“അതോ.. അത് ചിറകാ മോളേ; അവരു സ്വർഗ്ഗലോകത്ത് നിന്നു വന്നതാ മോളെ ഉണ്ണീശോനെ കാണാൻ, അവർക്കു പാറിപ്പറന്ന് നടക്കാൻ വേണ്ടിയാ ആ ചിറകുകൾ”
“അപ്പോ അമ്മേ; ഈ പാരറ്റും കാക്കയുമൊക്കെ സ്വർഗ്ഗ ലോകത്തുനിന്നും വന്നതാണോമ്മേ?? അവർക്കും ചിറകുണ്ടല്ലോ..!!“

“ട്വിങ്കിൾ ട്വിങ്കിൾ ലിറ്റിൽ സ്റ്റാർ.. ഹൌ ഐ വൻഡെർ വാട്ട് യൂ ആർ... അമ്മേയമ്മേ; ഈ വാവ (പുസ്തകത്തിൽ നോക്കിക്കൊണ്ട്) ട്വിങ്കിൾ ട്വിങ്കിൽ ലിറ്റിൽ സ്റ്റാറെന്നു പറയുന്നത് ഏത് നച്ചത്തിരത്തിനെയാ അമ്മേ..??”
“മാനത്തു കണ്ടോ അമ്പിളിമാമന്റെ കൂടെ കുറേ നക്ഷത്രങ്ങൾ; അവയെ നോക്കിയാണു ട്ടോ മോളൂ ആ കുട്ടി അത്ഭുതത്തോടെ പാടുന്നത്..”
“അപ്പോ നമ്മുടെ നച്ചത്തിരത്തിനെ അല്ലേ അമ്മേ..??”
“ങാ.. അതിനേം കൂട്ടിക്കോ ട്ടോ..”
“നമ്മടെ നച്ചരത്തിൽ ബളബ് ഇട്ടിട്ടല്ലേമ്മേ മിന്നണത്;..??”
“ഊം..”
“അയ്യോ...!! അപ്പോ മാനത്ത്കേറി ഇത്രേം ബളബ് ഇട്ടത് ആരാമ്മേ..?? അച്ഛനാണൊമ്മേ..!!“

“അമ്മേയമ്മേ ഈ ഉറുമ്പുകളെന്തിനാമ്മേ പുറകേ പുറകേ പോണേ..??“
“അതോ..; അതേ മോളൂ, മുൻപിൽ പോകുന്ന ഉറുമ്പ് പുറകേ പോകുന്ന ഉറുമ്പിനു മാർഗ്ഗനിർദ്ദേശം കൊടുക്കും; അതനുസരിച്ച് ആ ഉറുമ്പ് അതിനു പിന്നാലെ വരുന്ന ഉറുമ്പിനു മാർഗ്ഗനിർദ്ദേശം കൊടുക്കും, അങ്ങിനെയങ്ങിനെയവർ വഴി തെറ്റാണ്ട് എത്തിച്ചേരേണ്ട സ്ഥലത്തെത്തും..”
“ഹഹഹഹഹാഹ്..; മണ്ടന്മാർ !! ഇവന്മാർക്കൊരു വണ്ടി പിടിച്ച് പോയാപ്പോരെ..”

ആവണിക്കുട്ടി 100 -)മ് ദിവസ കോമെഡി പ്രോഗ്രാം ഒരു ചാനെലിൽ കണ്ടു കൊണ്ടിരിക്കെ; റിമി ടോമിയും തടിയുള്ള ഇമ്രാനും(ഐഡിയ സ്റ്റാർ സിങ്ങെർ ഫ്രെയിം) കൂടി സ്റ്റേജിൽ പാടുവാനാരംഭിച്ചു.
“അമ്മേയമ്മേ വെശക്കുന്നൂമ്മേ, അച്ഛൻദോശയൊണ്ടാക്കി താ അമ്മേ..”
നെയ്റോസ്റ്റുമായി ശ്രീമതി ആവണിയുടെ അടുത്തെത്തിയപ്പോൾ.
“വല്യ ദോശയാണല്ലോ..! ഞാനിത് മൊത്തം തിന്ന് വലുതാകുമല്ലോ..”
“ആ.. വല്യ ദോശ മൊത്തം തിന്നാൽ മോളു പെട്ടന്നു വലുതാകും; അതു കൊണ്ട് മക്കളു മുഴുവനും കഴിക്കണം ട്ടോ..”
ടി വിയിൽ ശ്രദ്ധിച്ചു കൊണ്ട്.
“അയ്യോ...!! ഈ മാമന്റെ (ഇമ്രാൻ) അമ്മ എന്തോരം വല്യ ദോശ ഉണ്ടാക്കിക്കൊടുത്തിട്ടാവും മാമനിത്രേം വലുതായത്.. അമ്മ ഒത്തിരി വല്യ ദോശ ഉണ്ടാക്കി തരണ്ടാട്ടോ.. എനിക്ക് പേടിയാവണൂ.. ഞാനും അതു പോലായാലോ..!!“

ഹിഹിഹിഹിഹി..
ഇവളു എന്നേം കൊണ്ടേ പോകൂ..:):)
ആദ്യ ആവണി ഫലിതം വായിക്കാൻ ഇതിലേ വരൂ..

ഗൌതമിയുടെ കറുത്ത രാത്രികൾ..

2010-12-14T21:49:00.003+05:30

എതിർവശത്തുള്ള സ്പിന്നിങ്ങ് മില്ലിൽ നിന്നും രണ്ടാം ഷിഫ്റ്റു കഴിഞ്ഞ് ക്ഷീണിച്ചവശരായി ഇറങ്ങിവരുന്ന തൊഴിലാളികളെ വീക്ഷിച്ച് ഒരു വിത്സിനു കൂടി ഞാൻ തീ കൊളുത്തി. മാടക്കടയിലെ ഒരു സൈഡിൽ വിശ്രമിച്ചിരുന്ന കരിങ്കല്ലുബെഞ്ചിൽ കാലിന്മേൽ കാലുംകയറ്റിവെച്ച് ഇരയേയും കാത്ത് അക്ഷമരായി ഇരിക്കുന്ന ബാലമുരളിയുടെയും ജെയിംസിന്റേയും നേരെ ഇടക്കിടയ്ക്ക് ഞാൻ നോട്ടമെറിഞ്ഞുകൊണ്ടിരുന്നു. ഇരയെ എത്തിക്കാം എന്നു വാഗ്ദാനം ചെയ്തു മറഞ്ഞ ഒറ്റക്കാലുള്ള വൃദ്ധനെയും കാത്ത് കടയുടെ പുറകിൽ സ്ഥിതിചെയ്യുന്ന; കണ്ണെത്താദൂരം പടർന്നു കിടക്കുന്നതുമായ പാടത്തേക്ക് അക്ഷമരായി നോക്കിയിരിക്കുകയാണിരുവരും. കൃത്രിമമരക്കാൽ ഘടിപ്പിച്ച അയാളൂടെ ഇടത്തേ കാല് മനസ്സിൽ നിന്നും മാഞ്ഞു പോകുന്നതേയില്ല. നേരം കറുത്തു തുടങ്ങിയിരിക്കുന്നു. പളനിയിലേയ്ക്കു പോകുന്ന ബസ്സുകളിൽ തിരക്കേറിത്തുടങ്ങിയിരിക്കുന്നു. പതിവിനു വിപരീതമായി തണുത്തകാറ്റ് ആഞ്ഞുവീശിത്തുടങ്ങിയിട്ടുണ്ട്. റോഡരുകിൽ നിന്നും പത്തടി താഴെ സ്ഥിതിചെയ്തിരുന്ന തരിശായ പാടങ്ങളിൽ അങ്ങിങ്ങായി നിൽക്കുന്ന കരുവേൽമരത്തിന്റെ ഇലകളെ തെന്നിത്തെറിപ്പിച്ചുകൊണ്ട് മാരുതൻ കണ്ണെത്താദൂരത്ത് പടർന്നുകിടക്കുന്ന തെങ്ങുംതോപ്പുകളുടെ നേരെ അലക്ഷ്യമായി കുതിച്ചുകൊണ്ടിരുന്നു. അടക്കാനാവാത്ത വികാരത്തള്ളിച്ചയോടെ കൈകൾ തമ്മിൽ കോർത്ത് തിരുമ്മിപ്പിടിച്ച് ഒരു വെരുകിനേപ്പോലെ കടത്തിണ്ണയുടെ ഉൾവശത്ത് ഉലാത്തുന്ന ബാലമുരളിയെ നോക്കി രാജുവും അക്ഷമനായിയിരിക്കുന്നു. ഇരയേം കൊണ്ടുള്ള വൃദ്ധന്റെ വരവിനേം കാത്ത് അവരുടെ കണ്ണുകൾ കരുവേൽ മരങ്ങൾക്കിടയിലൂടെ പാടത്തിനപ്പുറത്ത് തെങ്ങിന്തോപ്പിലേയ്ക്ക് ഊളിയിടുന്നുണ്ടായിരുന്നു.

ഇരയുടെ അരക്കെട്ടിനെ ഇടത്തേ കൈ കൊണ്ട് വരിഞ്ഞു മുറുക്കി അവളോട് തൊട്ടുരുമ്മി നടക്കുന്ന ജെയിംസിനോടെനിക്ക് വല്ലാത്ത ദേഷ്യം തോന്നി. മറുസൈഡിൽ തൊട്ടുരുമ്മി രാജുവും. നടക്കുന്നതിനിടയിൽ ഇടയ്ക്കിടയ്ക്ക് അവന്റെ കൈപ്പടം ഇരയുടെ നിതംബത്തിൽ മുറുക്കെ തടവുന്നുമുണ്ട്. ബാലമുരളിയും വൃദ്ധനും മുൻപേ നടക്കുന്നു; ഇരയെ പ്രാപിക്കുവാനുള്ളൊരു മറവുള്ള സ്ഥലവും തേടി നടക്കുകയാണിരുവരും. ഇരുട്ട് നന്നായി കട്ടപിടിച്ച് തുടങ്ങിയിരുന്നു അപ്പൊഴേക്കും. ഗതികെട്ട നേരത്താണിവന്മാരോടൊപ്പം കൂടിയത്. ഷാമോൻ നാട്ടിലേയ്ക്ക് പോയിട്ടില്ലായിരുന്നുവെങ്കിൽ തനിക്കൊരിക്കിലുമിവരെ അനുഗമിക്കേണ്ട ഗതികേട് വരില്ലായിരുന്നു. ചുടലക്കാടിനു സമീപത്ത് തങ്ങൾ താമസിക്കുന്ന വീട്ടിൽ ഈ രാത്രി തനിയെ കഴിച്ചു കൂട്ടാനുള്ള മാനസ്സികധൈര്യം ഇതുവരെ സംഭരിക്കുവാൻ കഴിഞ്ഞിട്ടില്ല. എന്നും വൈകിട്ട് സന്ധ്യ മയങ്ങിക്കഴിഞ്ഞാലുടൻ ചുടലക്കാടിന്റെ അധിപനായ വൃദ്ധൻ തന്റെ ദൌത്യം നിർവഹിക്കുവാൻ ആരംഭിക്കും. ഉഷ്ണദിവസങ്ങളിൽ ടെറസ്സിന്റെ മുകളിൽ കിടന്നുറങ്ങുന്ന രാത്രികളിൽ, മൂത്രശങ്കക്ക് അറുതിവരുത്തുവാനായി പാതി ചിമ്മിയ കണ്ണുകളുമായി എഴുന്നേൽക്കുന്ന അവസരങ്ങളിൽ; അവിടേയ്ക്ക് നോക്കരുത് എന്നു മനസ്സിനെ ശക്തമായി പറഞ്ഞു പഠിപ്പിക്കുമെങ്കിലും, അറിയാതെ മിഴികൾ അകലെ ചുടലക്കാടിനുള്ളിലേയ്ക്ക് പാളിപ്പോകും. ആ സമയത്താകും, ശരിയായി കത്താതിരിക്കുന്ന മൃതദേഹങ്ങൾ തന്റെ ആയുധമായ എട്ടടിയോളം നീളമുള്ള കഴ ഉപയോഗിച്ച് ചങ്കിൽ കൂടിനുള്ളിലേയ്ക്ക് കുത്തിത്തിരുകി, കുത്തി നിവർത്തി എഴുന്നേൽ‌പ്പിച്ചു നിർത്തി മറിച്ചിടുന്നത്. അപ്പോൾ ചങ്കിൻ കൂട്ടിനുള്ളിൽ നിന്നും തീ ആളിക്കത്തുന്നത് കാണാം. ശവം കരിയുന്ന രൂക്ഷഗന്ധം ചുറ്റുപാടും അലയടിക്കും.

ആദ്യ ദൌത്യം ഭംഗിയായി സഫലീകരിച്ച് പൊന്തക്കാട്ടിൽ നിന്നും ഇറങ്ങി; പാടത്ത് നിലാവും കണ്ട് കൊണ്ടിരുന്ന ഞങ്ങളുടെ അടുത്തേയ്ക്ക് വന്നിരുന്ന ബാലമുരളി വൃദ്ധന്റെ കൈയ്യിൽ നിന്നും ഒരു രാജാ ബീഡി വാങ്ങി തീ കൊളുത്തി. വൃദ്ധന്റെ കൈയ്യിൽ നിന്നും ഒരു ബീഡി കൂടി വാങ്ങി തീ കൊളുത്തി; ആദ്യം ഞങ്ങൾ ഇരുന്ന മാടക്കടയിലോട്ട് ഞാനും, എന്റെ കണ്ണുകൾ പായിച്ചു. റോഡിലൂടെ തലങ്ങും വിലങ്ങും പായുന്ന ഹെഡ്ലൈറ്റുകളിലേയ്ക്ക് നോക്കി അടുത്ത ഊഴവുമായി പോയ ജെയിംസ് വരുന്നതും കാത്ത് അക്ഷമനായി ഞാനിരുന്നു. അതു കൂടി കഴിഞ്ഞാൽ ഈ നശിച്ച സ്ഥലത്തുനിന്നും രക്ഷപ്പെടാമായിരുന്നു; എന്ന് ഉള്ളം ഓരോ ഹൃദയമിടിപ്പിനും അനുസൃതമായി മന്ത്രിച്ചു കൊണ്ടിരുന്നു.

വല്ലാത്തൊരു ചെയ്ത്തായിപ്പോയി ഈ പഹയന്മാർ തന്നോട് ചെയ്തത്. ഇരയുടെ സൌന്ദര്യം മുഴുവൻ ഊറ്റിക്കുടിച്ചിട്ടും തൃപ്തിയാകാതെ അവളൂടെ പ്രലോഭനങ്ങൾക്കു മനസ്സ് വിട്ടു കൊടുത്ത് അവൾ വസിക്കുന്ന ഉൾഗ്രാമത്തിലേക്കു യാത്രയായപ്പോൾ, ഗത്യന്തരമില്ലാതെ അവരെ അനുഗമിക്കാൻ ഞാനും നിർബന്ധിതനായി. സമയം പത്തുമണിയോടടുത്ത് തുടങ്ങിയിരുന്നു. ഉൾഗ്രാമത്തിലെ ഏതോ പേരറിയാത്ത സന്ധിൽ(തെരുവിൽ) കൂടി അഞ്ചംഗസ്സംഘത്തെ നിസ്സഹായനായി പിന്തുടരുമ്പോൾ; സംഭവിച്ചേക്കാവുന്ന ഭവിഷത്തുകൾ തലയ്ക്കുള്ളിൽ ടൂബ് ലൈറ്റ് മിന്നുന്നപോലെ കത്തികൊണ്ടിരുന്നു. തീപ്പെട്ടിക്കൂട് അടുക്കിയടുക്കി പണിതു വെച്ചിരിക്കുന്ന പോലെ പണിതുണ്ടാക്കിയിട്ടുള്ള മിക്ക ഭവനങ്ങളിലെയും ഉമ്മറപ്പടിയിൽ മുനിഞ്ഞു കത്തുന്ന അരിക്കലാമ്പിന്റെ പ്രകാശത്തിൽ അന്നത്തെ അന്നത്തിനു വേണ്ടി ആകാംക്ഷാപൂർവ്വം കാത്തിരിക്കുന്ന വികാരദരിദ്രമായ ഒട്ടേറെ കണ്ണുകൾ കാണാമായിരുന്നു. ഉമ്മറപ്പടിയിൽ അരിക്കലാമ്പിന്റെ പ്രകാശമില്ലാത്ത വീടുകളെ; അന്നേയ്ക്ക് അന്നദാതാവ് അനുഗ്രഹിച്ചിരിക്കുന്നു എന്നാണത്രേ.. പൊരുൾ!

ഇരയുടെ വീടിന്റെ ഉമ്മറത്ത്; പ്രധാന വാതിൽപ്പാടിയിൽ ചാരി ശൃഗാരഭാവത്തിൽ കൂസലന്യേന നിന്നിരുന്ന അവരുടെ മകളെ അടിമുടി നിരീക്ഷിച്ച് ആർത്തിയോടെ നയനഭോഗം ചെയ്തിരിക്കുന്ന രാജുവിനേം ജെയിംസിനേം നോക്കി ഞാൻ നെടുവീർപ്പിട്ടു. സ്വന്തമായി വാറ്റിയുണ്ടാക്കിയ ചാരായമെന്ന് അവകാശപ്പെട്ട്; ബാലമുരളിയുടെ അടുത്തിരുന്ന് നിർലോഭം വിളമ്പിക്കൊടുത്തുകൊണ്ടിരുന്ന ഇരയെ ഞാൻ സാകൂതം വീക്ഷിച്ചു. ഏകദേശം നാല്പതോടടുത്ത അവരുടെ കണ്ണുകൾക്ക്; അന്നത്തെ കസ്റ്റമേർസിന്റെ ബാഹുല്യമോർത്താകണം നന്നായി തിളക്കംവെച്ചിരുന്നു. വാറ്റുചാരായത്തിന്റെയും വൃദ്ധൻ പുകച്ചു തള്ളികൊണ്ടിരുന്ന ചുരുട്ടിന്റെയും രൂക്ഷഗന്ധം അന്തരീക്ഷത്തിലങ്ങുമിങ്ങും തളം കെട്ടിത്തുടങ്ങിയിരുന്നു. മനസ്സും ഭയം മൂലം പതറിത്തുടങ്ങി. ഇതിലും ഭേദം ചുടലക്കാട് തന്നെയായിരുന്നുവെന്ന്; ഉള്ളിലിരുന്ന് ആത്മഗതം ചെയ്യുന്നുണ്ടായിരുന്നു.

“തമ്പീ; ഭയപ്പെടവേണാ.. ഇങ്കെ പാതുകാപ്പ് നല്ലാവേ ഇരുക്ക്.. പോലീസ് പീലീസ് അപ്പടി ഇപ്പടി ഒന്നുമേ ഇന്ത ഏരിയാവുക്കേ വരാത്; എല്ലാമേ പാത്ത് വെച്ചിരുക്ക്, കവലപ്പെടാതെ..”

പേടിച്ചരണ്ട് പതറി മോഹാത്സ്യപ്പെടാൻ വെമ്പി നിൽക്കുന്ന തന്റെ മുഖഭാവം കണ്ടാകണം വൃദ്ധൻ അങ്ങിനെ പ്രസ്തവിച്ചത്. നിസ്സംഗതയോടെ ഒരു നോട്ടം വൃദ്ധനു നേരെ പായിച്ച്; നീണ്ടുനിവർന്ന് കിടക്കുന്ന വിജനമായ സന്ധിലൂടെ പതിയെ ഉലാത്തുവാൻ ആരംഭിച്ചു. ചിലയിടങ്ങളിൽ വഴിയരുകിൽ മാടുകളെപ്പോലെ; വെറും മണ്ണിൽ പായവിരിച്ച് സുഖസുഷുപ്തിയിൽ മുഴുകിക്കിടക്കുന്ന പുരുഷന്മാരെയും കുട്ടികളെയും കാണുവാനെനിക്ക് കഴിഞ്ഞു. തന്റെ ഭാര്യയെ, അമ്മയെ, മകളെ അന്യ പുരുഷന്റെ കൂടെ അന്തിയുറങ്ങാൻ വിട്ടിട്ട് മക്കളെം കെട്ടിപ്പിടിച്ച് വെളിയിലെ തണുപ്പിൽ വെറും പൂഴിയിൽ കിടന്ന് എല്ലാം മറന്നുറങ്ങുന്ന അവരുടെ മാനസികാവസ്ഥ എനിക്കപ്പോൾ ദഹിക്കുവാൻ കഴിഞ്ഞിരുന്നില്ല. പക്ഷേ; പത്തു മിനിട്ടിനുള്ളിൽ ആ സാധു മനുഷ്യരുടെ അവഹേളിക്കപ്പെടുന്ന നിസ്സഹായത എങ്ങിനെ ഉണ്ടാകുന്നുവെന്നെനിക്ക് അനുഭവിച്ചറിയേണ്ടി വരുമെന്ന് സ്വപ്നേനി നിനച്ചിരുന്നില്ല..!!

പരിചിതമായൊരു ഒരു കിളിനാദം കാതിൽ വന്നു പതിച്ചപ്പൊഴെപ്പോഴോ; പൊടുന്നനേ ഉലാത്തൽ നിർത്തി എവിടെ നിന്നാണതിന്റെ ഉറവിടമെന്ന് ശ്രദ്ധിക്കുവാൻ ശ്രമിച്ചു. തൊട്ടു മുൻപിൽ; ഓലകൊണ്ട് കെട്ടി മറച്ച കുടിലിനുള്ളിൽ നിന്നാണതിന്റെ ആഗമനം എന്നു തിരിച്ചറിഞ്ഞപ്പോൾ, ആ മധുര ശബ്ദം എവിടെയോ കേട്ട് നല്ല പഴക്കമുള്ളതാണല്ലോ എന്ന ആകാംക്ഷയിൽ; അതിന്റെ ഉടമ ആരെന്നറിയുവാനുള്ള ജിജ്ഞാസ ഹൃത്തിൽ അകാരണമായി ത്രസിച്ചു കൊണ്ടിരുന്നു. മലയാളിയെന്നും മലയാളി തന്നെ..!! ജിജ്ഞാസ അടക്കുവാനാകാതെ; ഓലകൊണ്ട് കെട്ടിമറച്ചുണ്ടാക്കിയ ജനൽപാളി പതിയെ തുറന്ന് ഒളിഞ്ഞു നോക്കിയ ആ നിമിഷം, ഓലജനൽ തുറന്നപ്പോൾ മുളയുടെ വാരികൾ തമ്മിൽ ഉരഞ്ഞുണ്ടായ ചെറിയ കിരുകിരാ ശബ്ദം നിമിത്തം പൊടുന്നനേ മധുരശബ്ദത്തിന്റെ ഉടമ ഞെട്ടി തിരിഞ്ഞു നോക്കി. കണ്ണുകൾ തമ്മിൽ കോർത്തുടക്കിയ നിമിഷം തന്റെ സപ്തനാടികളും തളർന്നു പോയി..

“ഗൌതമി..!!“
തല പെട്ടന്ന് പിൻവലിച്ചു. തിരിഞ്ഞോടുവാൻ കാലുകൾ വെമ്പി. തന്റെ ക്ലാസ്സിലെ ഏറ്റവും നന്നായി പഠിക്കുന്ന കുട്ടിയെ ഈ അവസ്ഥയിൽ കണ്ടത് പെട്ടന്ന് അംഗീകരിച്ചെടുക്കുവാൻ മനസ്സ് അനുവദിക്കുന്നുണ്ടായിരുന്നില്ല. ആലസ്യം പൂണ്ട് മയങ്ങാന്നാരംഭിക്കുന്ന ആരുടെയോ കൂടെ; കട്ടിലിൽ തലയ്ക്കലിരുന്ന് ബ്ലൌസിന്റെ ഹുക്കുകൾ തമ്മിൽ യോജിപ്പിക്കുന്ന അവളെ അനവസരത്തിൽ കണ്ടതിന്റെ ജാള്യതയിൽ സ്തബ്ധനായി ഒരു നിമിഷം ഞാൻ നിന്നു പോയി. ഉടൻ തിരിഞ്ഞു നടന്നു.
“ഉല്ലാസ്..; നില്ലുങ്കോ..”
ശെന്തമിഴ് കലർന്ന മധുരശബ്ദം തന്റെ കാലടികളെ നിശ്ചലമാക്കി..
“നീ; എതുക്ക് ഇങ്കെ വന്തേ..?? പക്കത്തിലേ വന്ത് ശൊല്ല്..”
ഇളിഭ്യതയോടെ ഞാൻ തിരിഞ്ഞവളൂടെ നേർക്കു നോക്കി. ചങ്കിനുള്ളിൽ പടപടാന്ന് പെരുമ്പറകൊട്ടുന്നുണ്ടായിരുന്നു. അചഞ്ചലനായി നിന്ന എന്റെയടുത്തേക്ക് അവൾ ഓടിയിറങ്ങി വന്നു; എന്നിട്ടാരാഞ്ഞു..
“എതുക്കെടാ ഇങ്കേ വന്നേ..?? വിളയാട്ടുക്കാ..?”
“ഹേയ്; ഞാൻ.. ചുമ്മാ.. വെറുതേ.. ഫ്രെണ്ട്സ് കൂടെ വന്തേ; അപ്പടീം ഇപ്പടീം ഒന്നുമേയില്ലൈ”
മറുപടി കൊടുക്കുമ്പോൾ നാവു വരളുന്ന പോലെ തോന്നി.
“ഹേയ്; ശുമ്മാ.. നീ പൊളി ശൊല്ലാതേ.. നീ എന്തിനാ ഇന്ത ഊരുക്ക് വന്തതെന്നു എനക്ക് തെരിയും; നീ വെയ്റ്റ് പണ്ണ്.. ഞാൻ അന്ത ആളെ ശീഘ്രമാ അനുപ്പിവിടറേൻ.. വെയിറ്റ് ടാ”
“ഹേയ്; അങ്ങിനെയൊന്നിനുമല്ല.. ഞാൻ പോട്ടെ”
“ ഹേയ്; നില്ലെടാ.. നീ എതായാലും വന്നതല്ലേ.. ഇന്ത ഇരവു നമുക്കു മട്ടും; അയാളെ ഞാൻ പറഞ്ഞു വിടട്ടെ..”
“വേണ്ടാ; ഞാൻ അന്ത ടൈപ്പല്ലൈ, വരട്ടുമാ..”
ഇത്തവണ അവളൂടെ മുഖം വല്ലാതായി. നയനങ്ങൾ ഈറനണിങ്ങിരുന്നു. പരോക്ഷമായി ഞാൻ കൊടുത്ത മറുപടി അവളുടെയുള്ളിൽ കൊണ്ടിട്ടുണ്ടാകണം. അവൾ ഗദ്ഗദത്തോടെ വിങ്ങി..
“എന്തിനാ; ഗൌതമീ.. ഇതൊക്കെ, തേവയാ ഉനക്ക്..??”
വിങ്ങിപ്പൊട്ടാൻ തുടങ്ങിയ മിഴികൾ പെട്ടന്ന് ശാന്തമായി. പ്രസന്നമായൊരു പുഞ്ചിരി സമ്മാനിവൾ പക്വതയോടെ തിരിച്ചു മറുപടി തുടങ്ങി.
“ഉല്ലാസ്; ഉങ്കളമാതിരി ഊരല്ലെ ഇത്.. നാങ്കൾ ഏഴൈകൾ.. ഒരു നേരത്തെ സ്വാദം സാപ്പിടതുക്ക്..
അപ്പുറം.. പഠിക്കവെക്കതുക്ക്.. നാളെയ്ക്ക് നല്ലൊരു വാഴ്കൈ കെടക്കതുക്ക്..”
“അതിനു ഇതാണൊ പോംവഴി..??”
“ഫ്രെണ്ട്; ഇങ്കെ ഉങ്ക ഊരു മാതിരി വേലൈ ഒന്നുമേ കെടക്കാത്; കൂലി ഒന്നുമേ ജാസ്തിയാ കെടക്കമാട്ടേംഗെ.. അപ്പോൾ എപ്പടി പെരിയ ഫീസ് എല്ലാമേ കെട്ടിടുവാങ്ഗേ.. അപ്പോത് ഇപ്പടിയെല്ലാം ആയിടും.. അതു മട്ടുമല്ലെ നാളെയ്ക്ക് നല്ലൊരു വേലൈ കെടച്ചാൽ ഇന്ത വേലൈയെല്ലാം നിപ്പാട്ടി വേറെ ഊരിലേ പോയി ജാളിയായ് വാഴ്കലാം..”
മറുപടിയായൊരു പുഞ്ചിരി സമ്മനിച്ച് ഞാൻ തിരിഞ്ഞു നടന്നു. അറിയാം; കുടിലിന്റെ സൈഡിൽ കിടന്നുറങ്ങുന്ന പിഞ്ച് കുഞ്ഞുങ്ങളും അവരുടെ കൂടെ കിടന്നുറങ്ങുന്ന ചുള്ളിക്കമ്പ് പോലിരിക്കുന്ന സ്ത്രീക്കും വേണ്ടിയാണു നീ ഈ അർദ്ധരാത്രിയിൽ ഉറക്കമൊഴിച്ചിരിക്കുന്നതെന്ന്.. പക്ഷേ; നാളെ നിനക്ക് നല്ലൊരു വാഴ്കൈ ലഭിക്കുമ്പോഴേയ്ക്കും.. അതനുഭവിക്കാൻ നിന്റെ ഉള്ളിൽ പച്ചപ്പ് ഉണ്ടാകുമോ.. നിർന്നിമേഷയായി തന്നെ നോക്കി നിൽക്കുന്ന ഗൌതമിയിൽ നിന്നോടി ഒളിക്കാൻ ഞാനെന്റെ കാലടികൾ നീട്ടിവെച്ച് നടന്നു..

ശ്രീരുദ്ര മഹായജ്ഞം

2010-12-10T19:13:00.020+05:30

ഓം നമശിവായ..
കാഞ്ഞിരമറ്റത്തപ്പന്റെ മണ്ണിലേയ്ക്ക് നിങ്ങളേവരേയും സ്വാഗതം ചെയ്യുന്നു..

ഇതിനോടനുബന്ധിച്ചുള്ള ‘ബാലഗോകുലത്തിന്റെ‘ ബുക്ക്സ്റ്റാളിൽ നിന്നും കൃതി പബ്ലിക്കേഷന്റെ ‘മൌനത്തിനപ്പുറത്തേക്ക്’ എന്ന കഥാ സമാഹാരവും..

എൻ.ബി.പബ്ലിക്കേഷന്റെ ‘കായംകുളം സൂപ്പെർഫാസ്റ്റ്‘, ‘കലിയുഗവരദൻ‘ എന്നീ പുസ്തകങ്ങളും ഡിസ്കൌണ്ട് നിരക്കിൽ ലഭിക്കുന്നതാണ്..

കടപ്പാട്: വിക്ടറി ഓഫ്സെറ്റ്, തൊടുപുഴ

പറയൂ..??

2010-12-04T18:37:00.000+05:30

സ്വാമി ശരണം..

മകരവിളക്ക് ദീപം തെളിയുന്നത് ഊടായിപ്പാണെന്നു പറയുകയും അതു വിശ്വസിക്കുകയും ചെയ്യുന്നവർ..
മതവിശ്വാസം നിഷിദ്ധമാണെന്ന സിദ്ധാന്തത്തെ അനുസരിക്കാതെ ഉള്ളിൽ ചുവപ്പുടുത്ത് വെളിയിൽ കറുപ്പുമായി മല ചവിട്ടി കയറുന്നവർ..
മുസ്ലീകളെ ഓരോ നിമിഷവും ഓരോ വാക്കിലും നോട്ടത്തിലും പൂർണ്ണ വെറിയോടെ കാണുന്നവർ..

ഇവരൊക്കെ ഒരുമിപ്പിച്ച് എരുമേലിയിൽ പേട്ടതുള്ളി വാവരു സ്വാമിയുടെ പള്ളിയിൽ കാണിക്കയിട്ട്..
നീലിമല ചവിട്ടിക്കയറി പൊന്നു പതിനെട്ടാം പടി കടന്നു തത്വമസിയിൽ എത്തിച്ചേരുമ്പോൾ..
കണ്ണു നിറയുവാൻ..!!!!!!!!!

ഇവരുടെയൊക്കെ മനസ്സിൽ എന്താണ്..
ഇത്രയ്ക്ക് കാഠിന്യം പേറി മലചവിട്ടി അയ്യനെ ഒരു നോക്കു കാണുവാൻ അവരെ പ്രേരിപ്പിക്കുന്ന ഘടകം എന്താണ്??
പറയൂ.. കൂട്ടരേ??
(ഇതിൽ ഹിന്ദുവും മുസൽമാനും പെടും..)

ബ്രൂണേ സുൽത്താനും അദ്ദേഹത്തിന്റെ ചില ‘കുഞ്ഞിത്താൻ നേരമ്പോക്കുകളും’ !!

2010-12-01T16:00:00.001+05:30

1967 മുതൽ ബ്രൂണെ എന്ന ചെറുരാജ്യത്തിന്റെ സുൽത്താനാണു ഹസനൽ ബോക്കിയ മുയിസദ്ദീൻ വറൂല. 3.7 ലക്ഷം ആളുകൾ മാത്രം അധിവസിക്കുന്ന ബ്രൂണെ രാജ്യത്തിന്റെ പ്രധാന വരുമാന ത്രോതസ്സ് രാജ്യമൊട്ടാകെ നീണ്ട് നിവർന്നു കിടക്കുന്ന എണ്ണപ്പാടങ്ങളിലാണ്. എണ്ണയുടെ സുലഭത സുൽത്താനെ ലോകത്തിലെ കോടീശ്വരന്മാരിൽ മുൻപനാക്കി. അദ്ദേഹത്തിന്റെ വരുമാനം ഒരു സെക്കന്റിൽ 90 യൂറൊയത്രേ. അതായത് 5310.00 ഇന്ത്യൻ രൂപാ!! ഊഹിക്കൂ; അപ്പോൾ അദ്ദേഹത്തിന്റെ ഒരു ദിവസത്തെ വരുമാനമെത്രയായിരിക്കുമെന്ന്!! ഇങ്ങിനെ എണ്ണിയാലൊടുങ്ങാത്ത ധനം കുമിഞ്ഞു കൂടുമ്പോൾ; സാധാരണ രാജാക്കന്മാർക്ക് ചില ഹോബികൾ ഉടലെടുക്കും. മദ്യം, മദിരാക്ഷി എന്നിവയിലൊക്കെയാകും പ്രാമുഖ്യം. പക്ഷേ നമ്മുടെ ബ്രൂണേ സുൽത്താന്റെ നേരമ്പോക്ക് എന്താണെന്നു വെച്ചാൽ ലോകത്താകമാനമുള്ള പ്രശസ്ത നിർമാതാക്കളൂടെ പേരും പെരുമയുമുള്ള കാറുകൾ വാങ്ങിക്കൂട്ടുക എന്നതാണ്.

സാധാരണ കണ്ടു വരുന്ന മുതലാളികളെപ്പോലെ ഒന്നും രണ്ടും കാറുകളൊന്നുമല്ലാ അദ്ദേഹത്തിന്റെ ഗാര്യേജിൽ കിടക്കുന്നത്. ഏകദേശം 5 കോടി ഡോളർ വില മതിക്കുന്ന ഏഴായിരത്തോളം കാറുകളാണു സുൽത്താനു സ്വന്തമായുള്ളത്! കൊട്ടാരത്തിനു സമീപം പൂർണ്ണമായി ശീതീകരിച്ച അഞ്ച് എയർക്രാഫ്റ്റ് ഹാങ്ങറുകളാണു ഈ സുന്ദരിമാർക്ക് അദ്ദേഹം വിശ്രമിക്കുവാൻ ഒരുക്കിയിരിക്കുന്നത്. ഇവരെയെല്ലാം പരിപാലിക്കുവാനായി അതാത് നിർമാതാക്കളൂടെ മെക്കാനിക്കുകളെ ശമ്പളം കൊടുത്ത് നിർത്തിയിരിക്കുന്നു. 2.5 ലക്ഷം ഡോളർ വാർഷികവരുമാനം കൈപറ്റുന്ന മെക്കാനിക്കുകൾ വരെയുണ്ടത്രേ അവരിൽ. ഇത്രയും പറയുമ്പോൾ അദ്ദേഹത്തിന്റെ കൊട്ടാരത്തേപറ്റി പരാമർശിച്ചില്ലെങ്കിൽ അതൊരു കുറച്ചിലാകും. ഒരു ലക്ഷം ചതുരശ്രമീറ്റർ വിസ്തൃതിയിലാണ് അദ്ദേഹത്തിന്റെ കൊട്ടാരം സ്ഥിതി ചെയ്യുന്നത്. 1788 മുറികൾ ഉള്ള ഈ കൊട്ടാരത്തിൽ 275 ഓളം ബാത്ത്രൂമുകൾ മാത്രമുണ്ട്. കൊട്ടാരത്തിലെ ഒട്ടുമുക്കാൽ സാധനസാമഗ്രഹികളും നിർമിച്ചതത്രയും സ്വർണ്ണത്തിലും വെള്ളിയിലുമത്രേ !! തന്റെ മകൾക്ക് പ്രായപൂർത്തിയായപ്പോൾ സമ്മാനം നൽകിയതൊരു എയർബസ്സ് A-320!! സുൽത്താൻ തന്റെ യാത്രകൾക്കുപയോഗിക്കുന്നത് ബോയിങ്ങ് 747. മാത്രമല്ലാ ലോകത്തിലേറ്റവുമധികം റോൾസ് റോയിസ് സ്വന്തമാക്കിയതിനു ഗിന്നസ്സ് ബുക്കിലുമുണ്ടദ്ദേഹം. സുൽത്താന്റെ തലയിൽ വരച്ചത് നമ്മുടെ എവിടേലും ഒന്നുവരച്ചിരുന്നെങ്കിൽ അല്ലേ..!!

സുൽത്താന്റെ ഗാര്യേജ് കാണണമെങ്കിൽ ഇതിലേ വരൂ..

ഒരു L E D പുരാണം !!

2010-11-28T09:54:00.003+05:30

L E D എന്ന ഓമനപ്പേരിൽ അറിയപ്പെടുന്ന ലൈറ്റ് എമിറ്റിങ്ങ് ഡയോടുകൾ ഏവർക്കും സുപരിചിതമണല്ലോ ഇപ്പോൾ.. അതിനെ വ്യവസായിക അടിസ്ഥാനത്തിൽ ഉല്പാദിപ്പിച്ച് വിതരണം ചെയ്യും തോറും ഊർജ്ജസംരക്ഷണമേഖലയിൽ പുത്തനൊരു വഴിത്തിരിവിനു തന്നെ കാരണമാകും.
തുലോം കുറവായ വൈദ്യുതി ഉപഭോഗമാണു ടി. ലൈറ്റുകളൂടെ ശ്രേണിയിലൂടെ സാദ്ധ്യമാകുന്നത്.
1.5V ആണു ഒരു എൽ.ഇ.ഡി പ്രവർത്തികാനാവശ്യമായ വോൾട്ടേജ്. സീരിയലായി ഘടിപ്പിച്ച് അതിലൂടെ വൈദ്യുതിയെ പ്രവഹിപ്പിക്കുമ്പോൾ ഉജ്ജലപ്രകാശം തന്നെയാണവ തരുന്നത്.

L E D ഇന്നിത്രയ്ക്ക് ജനസമ്മതി നേടുമ്പോൾ; 1992 ലെ മെട്രികുലേഷൻ പഠന കാലഘട്ടത്തിലെ ചില രസകരങ്ങളായ മുഹൂർത്തങ്ങളാണു എന്റെ മനസ്സിൽ നിറയുന്നത്. അക്കാലത്തെ എന്റെ സതീർത്ഥ്യനായ ജോബിയിൽ നിന്നാണു ഞാൻ ആദ്യമായി എൽ.ഇ.ഡി കാണുന്നതും; അതിന്റെ ഉപയോഗക്രമങ്ങളെ പറ്റി പഠിക്കുന്നതും. 1.5 ന്റെ പെൻ ടൊർച്ച് ബാറ്റെറിയിലെ പൊളാരിറ്റികളിലേയ്ക്ക് എൽ.ഇ.ഡി യുടെ ടെർമിനലുകൾ ഘടിപ്പിക്കുമ്പോൾ ഉണ്ടാകുന്ന പ്രകാശത്തെ അത്യന്തം അത്ഭുതത്തോടെയാണന്നു വീക്ഷിച്ചത്. ആ കാലത്താണു ഞാൻ ബി എസ് എ യുടെ ഒരു സൈക്കിൾ സ്വന്തമാക്കുന്നത്. പരസ്പരധാരണപ്രകാരം തന്റെ സൈക്കിളിൽ ജോബിയെ ഓടിക്കുവാൻ പഠിപ്പിക്കുക വഴി ടി. എൽ ഇ ഡി യുടെ സൂത്രപ്പണികൾ ടി.യാൻ എന്നിലേയ്ക്ക് പകർന്നുതരുകയുമുണ്ടായി. ഇനിയാണു സംഭവം. അന്നത്തെക്കാലത്ത് പതിവായി വായനശാലയിൽ കയറിനിരങ്ങുക എന്നൊരു കർത്തവ്യം ഞാൻ നിത്യേന അനുഷ്ഠിച്ചു പോന്നിരുന്നു. പത്താംക്ലാസ്സിൽ ആയിരുന്നതിനാൽ സാഹിത്യരചനാസംബന്ധിയായ പുസ്തകങ്ങൾ വീട്ടിൽ എവിടെയെങ്കിലും ഇരിക്കണതു കണ്ടാൽ കാർന്നോന്മാർക്ക് ഹാലിളകുമായിരുന്നു. എനിക്കാണെൽ കോട്ടയം പുഷ്പരാജിനേം, ഹെർകൂൾ പൊയ്രോട്ടിനേം, ഹോംസണ്ണനേം, ചില്ലക്കാട്ടെ വിനൂനേം.. ഒക്കെ ഒരു ദിവസമെങ്കിലും കണ്ടില്ലേൽ നിദ്രാദേവി അനുഗ്രഹിക്കാത്തൊരു അസ്കിതയും. പകൽ രാത്രി ഭേദമന്യേ എന്റെ പുറകേന്നു മാറാതെ നിരീക്ഷിച്ചു നടക്കുന്ന ഇവരെ പറ്റിച്ച്; വായനക്കുവേണ്ടി സമയം കണ്ടെത്താനെന്തു വഴി. ഞാൻ കൂലങ്കഷമായി ചിന്തിച്ചു. അവസാനം ഞാനൊരു വഴി കണ്ടത്തി. ഇത്തിരി പൈസ സ്വരൂപിച്ചു കൂട്ടി ടൌണിൽ പോയി അഞ്ചാറു പച്ച എൽ ഇ ഡിയും, കുറച്ച് വയറും, ഒരു ബ്രഡ്ബോർഡും സ്വന്തമാക്കി. ഇന്നത്തേപോലെ അന്ന് വെള്ള എൽ ഇ ഡി സുലഭമായിരുന്നില്ല. ജോബിയുടെ പരിചയത്തിലൂള്ള ഒരു ടെക്നീഷന്റെ അടുത്ത് നിന്ന് ആയവ ബ്രദ്ബോർഡിൽ സോൾഡെർ ചെയ്ത് ഘടിപ്പിക്കുകയും ചെയ്തു. ഇനിയാണു രസം. രാത്രി ഞാൻ ഉറങ്ങാനെന്ന വ്യാജേന മൂടിപ്പുതച്ചു കിടക്കും. ഹോ.. അവൻ ഇത്രേം നേരം പഠിച്ച് ക്ഷീണിച്ചവശനായി കിടന്നുറങ്ങുന്നതല്ലേ; എന്നു കരുതി എന്നെ ശല്യപ്പെടുത്താതെ കാർന്നോന്മാർ അവരുടെ മാളത്തിലെയ്ക്കും വലിയും. അപ്പോഴാണു നമ്മുടെ രണ്ടാമങ്കം തുടങ്ങുന്നത്. ആസകലം മൂടിപ്പുതച്ചിരിക്കുന്ന പുതപ്പിനടിയിൽ നീണ്ട് നിവർന്നു കീടക്കുന്ന, എന്റെ നെഞ്ചിൽ എൽ ഇ ഡി ഘടിച്ചിരിക്കുന്ന ബ്രഡ്ബോർഡ് എടുത്ത് വായിക്കാനെടുക്കുന്ന ബുക്കിനു നേർസമാന്തരമായി ഉറപ്പിച്ചു വെയ്ക്കും. രണ്ട് പെൻ ബാറ്റെറിയുടെ ചാർജിന്റെ ഫലമായി പുതപ്പിനുള്ളിൽ പ്രകാശപൂരിതമാകും !!
അങ്ങിനെ ഞാൻ.. ഭൂതമഗലത്ത് ക്ഷേത്രത്തീലൂടെയും, പുല്ലാനി മലയുടെ ചെരിവുകളിലൂടെയും, ലണ്ടൻ നഗരത്തിലെ ഓരോ സ്ട്രീറ്റിലൂടെയും, ഡ്രാക്കുളായുടെ കോട്ടയിലെ രക്തമുറഞ്ഞു കിടക്കുന്ന ഗുഹകളിലൂടെയും, കുറ്റാകൂരിരട്ടത്ത് കോട്ടയം നഗരത്തിലൂടെ ചീറിപ്പായുന്ന അംബിയിലൂടെയും.. യാത്ര ചെയ്തു കൊണ്ടിരിക്കും !! ഏതായാലും ഈ സംഗതി മൂലം ഗുണദോഷസമ്മിശ്രയായ ഒട്ടേറെ സംഭവങ്ങൾക്ക് വഴി തെളിച്ചു. പത്താം ക്ലാസ്സിൽ പ്രതീക്ഷിച്ചതിലും മാർക്ക് കുറഞ്ഞതു കൊണ്ട്; തമിഴ്നാട്ടിലേയ്ക്ക് പറിച്ചു നടപ്പെട്ടു. അതും; ഞിജ്ഞാസാപൂർണ്ണമായ ഹൃത്തിനു സ്വാന്തനമേകാനെന്ന വണ്ണം ഇലെക്ട്രോണിക്സ് ഡിപ്ലോമായ്ക്കു തന്നെ ചേരുവാൻ കഴിഞ്ഞു. അതോടെ സൂക്കേടും തീർന്നു !!

അപ്പോൾ പറഞ്ഞു വന്നത് ഇതൊന്നുമല്ലാ. എൽ ഇ ഡി ലൈറ്റ് കണ്ടു പിടിച്ചേ.. യൂറീക്കാ.. എന്നൊക്കെ വീരവാദ്യം മുഴക്കി അലമുറയിടുന്നവർ ഒന്നോർക്കുക; ഏകദേശം പതിനെട്ട് വർഷങ്ങൾക്കു മുൻപേ ഞാനതിന്റെ പേറ്റന്റ് എടുത്തതാ !! എന്നോട് കളിക്കണ്ടാ..!!

മൌനത്തിനപ്പുറത്തേയ്ക്ക് @ പ്രകാശന ചടങ്ങുകൾ..

2010-11-25T19:57:00.014+05:30

ബ്ലോഗില്‍ നിന്നും ഉടലെടുത്ത കൂട്ടായ്മയിലൂടെ ഒരു കൂട്ടം സുഹൃത്തുക്കള്‍ ചേര്‍ന്ന് രൂപീകരിച്ച മലയാളത്തിലെ പുത്തന്‍ പ്രസാധക സംഘമായ കൃതി പബ്ലിക്കേഷന്‍സിന്റെ ഔപചാരികമായ ഉദ്ഘാടനവും വെബ്‌സൈറ്റിന്റെ ലോഞ്ചിങും ഒപ്പം കൃതി പബ്ലിക്കേഷന്‍ പുറത്തിറക്കിയ ആദ്യ പുസ്തകമായ മലയാളം ബ്ലോഗിലെ 28 കഥാകൃത്തുക്കളുടെ 28 കഥകള്‍ അടങ്ങിയ ‘മൌനത്തിനപ്പുറത്തേക്ക്...‘ എന്ന സമാഹാരത്തിന്റെ പ്രകാശനവും തൊടുപുഴയിലുള്ള അര്‍ബന്‍ കോ-ഓപ്പറേറ്റീവ് ബാങ്ക് ഓഡിറ്റോറിയത്തില്‍ വച്ച് 21-11-2010 രാവിലെ 11.00 മണിക്ക് നടത്തപ്പെട്ടു.

മലയാളം ബ്ലോഗിലെ പ്രമുഖനും റേഡിയോ മാംഗോ കോഴിക്കോട് സ്റ്റേഷനിലെ പ്രോഗ്രാം പ്രൊഡ്യൂസറുമായ ശ്രീ. ജി.മനു അദ്ധ്യക്ഷനായ ചടങ്ങില്‍ വെച്ച് സുപ്രസിദ്ധ കാര്‍ട്ടൂണിസ്റ്റും മലയാളം ബ്ലോഗില്‍ കാര്‍ട്ടൂണുകള്‍ക്കും കാരിക്കേച്ചറുകള്‍ക്കും വ്യത്യസ്തമാനങ്ങള്‍ രചിച്ച വ്യക്തിയുമായ ശ്രീ. സജീവ് ബാലകൃഷ്ണന്‍ ഭദ്രദീപം തെളിയിച്ച് ചടങ്ങ് ഉദ്ഘാടനം ചെയ്തു. തുടര്‍ന്ന് അദ്ദേഹം തന്നെ കൃതി പബ്ലിക്കേഷന്‍സിന്റെ വെബ്‌സൈറ്റിന്റെ ഔപചാരികമായ ലോഞ്ചിങും നിര്‍വഹിച്ചു. ചടങ്ങില്‍ വച്ച് കൃതി പബ്ലിക്കേഷന്‍സ് പ്രസിദ്ധീകരിച്ച ആദ്യ പുസ്തകമായ “മൌനത്തിനപ്പുറത്തേക്ക്...” എന്ന കഥാസമാഹാരം പ്രശസ്ത യാത്രാവിവരണ ബ്ലോഗറായ നിരക്ഷരന്‍ എന്ന പേരില്‍ ബ്ലോഗ് രചനകള്‍ നടത്തുന്ന ശ്രീ. മനോജ് രവീന്ദ്രന്‍ മറ്റൊരു യാത്രാവിവരണ ബ്ലോഗറായ ശ്രീ. സജി മാര്‍ക്കോസിന് ആദ്യ പ്രതി കൈമാറി പ്രകാശനം ചെയ്തു. തുടര്‍ന്ന് ബ്ലോഗര്‍ മനോരാജ് പുസ്തകത്തെ സദസ്സിനു പരിചയപ്പെടുത്തി. ചടങ്ങില്‍ ബ്ലോഗില്‍ നിന്നും തന്നെ ഉടലെടുത്ത മറ്റൊരു പുസ്തകപ്രസാധകരായ എന്‍.ബി. പബ്ലിക്കേഷന്‍ മാനേജിഗ് ഡയറക്ടര്‍ ശ്രീ. ജോഹര്‍.കെ.ജെ, ബ്ലോഗര്‍മാരായ ശ്രീ. ശിവപ്രസാദ്, മുരളികൃഷ്ണമാലോത്ത്, എറണാകുളം ഡി.എഫ്.ഓ. ശ്രീ. ഉണ്ണികൃഷ്ണന്‍, എന്നിവര്‍ കൃതി പബ്ലിക്കേഷന്‍സിനും പുസ്തകത്തിനും ആശംസകള്‍ അര്‍പ്പിച്ച് കൊണ്ട് സംസാരിച്ചു.

ബ്ലോഗില്‍ നിന്നും ഉടലെടുത്ത ഈ കൂട്ടായ്മയുടെ നിറപ്പകിട്ടാര്‍ന്ന ചടങ്ങിന് നാട്ടുകാരന്‍ എന്ന പേരില്‍ ബ്ലോഗുകള്‍ എഴുതുന്ന ശ്രീ. പ്രിന്‍സ്. ജെ. തോപ്പില്‍ സ്വാഗതവും, കൃതി പബ്ലിക്കേഷന്‍സ് മാനേജിങ് ഡയറക്ടര്‍ ശ്രീ. ഹരീഷ് തൊടുപുഴ നന്ദിയും രേഖപ്പെടുത്തി. തുടര്‍ന്ന് കൃതി പബ്ലിക്കേഷന്‍സിന്റെ മൌനത്തിനപ്പുറത്തേക്ക്..., എന്‍.ബി.പബ്ലിക്കേഷന്റെ കായംകുളം സൂപ്പര്‍ഫാസ്റ്റ്, കലിയുഗവരദന്‍ എന്നീ പുസ്തകങ്ങളുടെ പ്രദര്‍ശനവും വില്പനയും നടന്നു. ചടങ്ങില്‍ പ്രശസ്ത ബ്ലോഗര്‍മാരായ ശ്രീ.നന്ദപര്‍വ്വം നന്ദകുമാര്‍, പ്രവീണ്‍ വട്ടപ്പറമ്പത്ത്. യൂസഫ്പ, അനില്‍@ബ്ലോഗ്, ഷാജി.ടി.യു. സിജീഷ് , വീണ, മിക്കി മാത്യു, മണി ഷാരത്ത്, തുടങ്ങിയവര്‍ പങ്കെടുത്തു.

പുസ്തകം വേണ്ടവര്‍ sales@krithipublications.com എന്ന വിലാസത്തില്‍ നിങ്ങളുടെ ഇന്ത്യക്കകത്തെ തപാല്‍ വിലാസം അയച്ച് തന്നാല്‍ പുസ്തകം വി.പി.പിയായി (തപാല്‍ ചാര്‍ജ്ജ് പുറമേ) അയച്ചു തരുന്നതായിരിക്കും.

ടി. ചടങ്ങുകളൂടെ വീഡിയോ ഉടൻ തന്നെ പബ്ലീഷ് ചെയ്യുന്നതായിരിക്കും.

റിപ്പോർട്ട് - മനോരാജ്
ഫോട്ടോ - മിക്കി മാത്യൂ

അപശകുനങ്ങൾ..

2010-11-24T19:36:00.001+05:30

എത്രയോ നാളുകളായി ഞാൻ; സ്വന്തമായി വസിക്കാനൊരു ഗൃഹമില്ലാതെ..
ഈ വാടകഭവനത്തിൽ, ചിലവുകളെ നിയന്ത്രിച്ച് ഞെരുങ്ങിക്കൂടി കഴിഞ്ഞു പോകുന്നു..
ഓരോ ദിവസവും ഉറങ്ങാൻ നേരം തന്റെ അടുത്ത് വാടിത്തളർന്നു കിടന്നു മയങ്ങുന്ന മകളൂടെ മുഖം നോക്കിയിരിക്കുമ്പോൾ..
അനേകായിരം; ഉത്തരങ്ങൾ അനുഗ്രഹിക്കാത്ത ചോദ്യങ്ങൾ മനസ്സിന്റെ അകത്തളങ്ങളിൽ ഉറവു പൊട്ടും..
നാളെയെന്താകുമെന്നത്..? ദീർഘനിശ്വാസങ്ങൾ ഉള്ളിലൊതുക്കി ഗാഢമായി ചിന്തിക്കുമ്പോള്..
തലയ്ക്കു മീതെയാണ് ഭൂമിതൻ ഭ്രമണപഥമെന്ന് തോന്നിപ്പിക്കുന്നു..
താനില്ലാണ്ടാവുന്ന നാളെയുടെ ഭീകരതയിൽ..
തന്റെ അസാന്ന്യദ്ധ്യത്തിൽ തീഷ്ണതയുടെ മുൾപടർപ്പുകൾ അനായാസേന തരണം ചെയ്യുവാൻ അവർക്കാകുമോ..?
ഭീതിയുടെയും നിസ്സഹായതയുടെയും അന്ധകാരത്തിൽ..
ഒരു മിന്നാമിനുങ്ങിന്റെയെങ്കിലും നിഴൽ വെട്ടം തെളിക്കുവാൻ..
മാർഗ്ഗനിർദ്ദേശം നൽകാൻ ആരുണ്ടാവും..
പാത്രങ്ങൾ മോറിവെച്ച് അടുക്കളയിൽ നിന്നും കിടപ്പറയിലെയ്ക്ക് രംഗപ്രവേശം ചെയ്ത..
സഹധർമിണിയുടെ കരതലങ്ങൾ തന്റെ മാറിടത്തിൽ വാരിമുറുക്കിക്കൊണ്ടിരുന്നപ്പോൾ..
തന്റെ നയനങ്ങൾ നിറഞ്ഞു തുളുമ്പി; ആദ്യ കണങ്ങളിലൊന്ന് തലയിണയെ പുൽകിയിരുന്നു..

സ്വാഗതം..

2010-11-19T18:08:00.003+05:30

മൊബൈലിൽ ഓരോ റിങ്ങും വരുമ്പോൾ പരിഭ്രമം..!!
പരിചയമുള്ള ഓരോ ബ്ലോഗേർസും വിളിച്ചു പറയുന്നു...; ഞാൻ വരില്ലാട്ടോ എന്ന്..
ഇതിൽ കോണ്ട്രിബൂട്ട് ചെയ്ത ഒരൊറ്റ ബ്ലോഗേർസ് കുഞ്ഞുങ്ങളും ഇതുവരെ ഒന്നു വിളിച്ച് വിശേഷം പോലും ചോദിച്ചിട്ടില്ല..:(
എന്തായി സംഭവം.. നമ്മടെ കുടുമ്മത്ത് വിശേഷം വല്ലതുമുണ്ടോ എന്നൊക്കെ..:(
ഹോ..
സാരമില്ലാട്ടോ..
പ്രകാശനച്ചടങ്ങിനു ഞാൻ തനിച്ചേ ഉള്ളെങ്കിലും; ടോർച്ചടിച്ചാണെലും ഞാൻ പ്രകാശിപ്പിക്കും; പ്രകാശിപ്പിച്ചിരിക്കും..
അപ്പോൾ..
അവസാനമായി ഒന്നൂടി..
എല്ലാരും വരൂട്ടോ..

പറയൂ..? എനിക്കെന്താണു പറ്റിയത്..??

2010-11-14T09:10:00.000+05:30

എന്നിലേയ്ക്കു തന്നെ മടങ്ങുവാനുള്ള അഭിവാഞ്ഛയെ

നിരുത്സാഹപ്പെടുത്തി നിൽക്കുവാനെനിക്കിനി എത്ര നാൾ കഴിയും..

മടങ്ങണമെന്ന് എപ്പോഴും ആഗ്രഹിക്കും..

പക്ഷേ; അടുത്ത നിമിഷം തലച്ചോറിനുള്ളിലെ ഓരൊ ധമനികളിലേയ്ക്കും ചുടുനിണം ഇരച്ചു കയറുകയും, തീരുമാനം പുന:പരിശോധനയ്ക്ക് വിധേയമാക്കുകയുമായിരുന്നു പതിവ്.

മനസ്സ് ഓരോ നിമിഷവും യാന്ത്രികമായി പ്രതികരിക്കും തോറും..

മനസ്സിനോടൊത്ത്; വിഹായസ്സിൽ സ്വച്ഛന്തം പരിലസിക്കുവാൻ ദേഹിയെ പ്രാപ്തമാക്കണമെന്ന്..
വിഫലമായ ആഗ്രഹത്തോടെ എന്നുമോർക്കും..
പറയൂ..?
എനിക്കെന്താണു പറ്റിയത്..??

ക്ഷണക്കത്ത് @ പുസ്തക പ്രകാശനം

2010-11-12T11:37:00.000+05:30

ചടങ്ങ് അന്നേ ദിവസം രാവിലെ 10.30 മണിയോടെ ആരംഭിക്കുന്നതായിരിക്കും..
പ്രിയ സുഹൃത്തുക്കൾ സമയബന്ധിതമായി എത്തിച്ചേരണമെന്ന് അഭ്യർത്ഥിക്കുന്നു..

sales@krithipublications.com

എന്ന ഇ-മെയില്‍ വിലാസത്തിലേക്ക് പേരും വിലാസവും സഹിതം മെയിൽ ചെയ്താൽ...

ഭാരതത്തിനുള്ളിൽ എവിടെയും പുസ്തകം വി.പി.പിയായി (തപാല്‍ ചാര്‍ജ്ജ് പുറമേ)
അയച്ച് തരുന്നതായിരിക്കും.

“മൌനത്തിനപ്പുറത്തേയ്ക്ക്..”
എന്ന ഈ ബ്ലോഗ് കഥാസമാഹാരത്തിൽ പങ്കുവഹിച്ചിരിക്കുന്ന കഥാകൃത്തുകൾ..

ഹരി പാലാ (പോങ്ങുമ്മൂടൻ)
സ്മിത ആദർശ്
ഹംസ.സി.റ്റി.
ഷിബു ജേക്കബ് (അപ്പു)
വിമൽ.എം.നായർ (ആളവന്താൻ)
സതീഷ് മാക്കോത്ത്
സൌമിനി (മിനി)
പാട്ടേപ്പാടം റാംജി
ഡോ.ജയൻ ഏവൂർ
ലെക്ഷ്മി ലെച്ചു
സിജീഷ്
നന്ദകുമാർ (നന്ദപർവ്വം)
പ്രവീൺ വട്ടപ്പറമ്പത്ത്
സ്മിത സതീഷ് (പൌർണ്ണമി)
ജുനൈദ് അബൂബക്കെർ
മുരളീകൃഷ്ണ മാലോത്ത്
ബിജു കൊട്ടില (നാടകക്കാരൻ)
എച്ച്മുക്കുട്ടി
ശിവപ്രസാദ്.ആർ (പാവത്താൻ)
മനോരാജ്
മാണിക്യം
നട്ടപ്പിരാന്തൻ
യൂസഫ്പാ കൊച്ചന്നൂർ
രഘുനാഥൻ
നീർവിളാകൻ
സിദ്ദീഖ് തൊഴിയൂർ
പ്രയാൺ
ഹരീഷ് തൊടുപുഴ

ചടങ്ങുകൾ ലൈവ് ആയി നിങ്ങളിലേക്കെത്തിക്കുവാൻ മാക്സിമം ശ്രമിക്കുന്നതാണ്..
അങ്ങിനെയെങ്കിൽ ‘നമ്മുടെ ബൂലോകം’ പത്രത്തിലൂടെ..
അന്നേ ദിവസം ദർശിക്കാവുന്നതാണ്.

പ്രകാശനത്തിനു സംബന്ധിക്കുവാൻ താല്പര്യമുള്ള ബ്ലോഗെർ/യാഹൂ/ഓർക്കുട്ട്/എഫ്.ബി സുഹൃത്തുക്കൾ..
മെയിലിലൂടെയോ.. കമന്റായോ അറിയിക്കണമെന്ന് താല്പര്യപ്പെടുന്നു..
തലേ ദിവസമെത്തുന്നവർക്കായി റൂം അറെഞ്ച് ചെയ്തിട്ടുണ്ട്..

ഏവരെയും..
എന്റെ സ്വന്തം പേരിലും കൃതി ബുക്സിന്റെ പേരിയും..
തൊടുപുഴയുടെ മണ്ണിലേക്ക്..
ഹാർദ്ദമായി..
സ്വാഗതം..
ചെയ്യുന്നു..